ராசா ராசாஆஆஆ மானங்கெட்ட ராசாஆஆஆஆ

மீண்டும், ஸ்பெக்ட்ரம் என்னும் பூதம், ராசாவையும், திமுகவையும், பிடித்து ஆட்டத் தொடங்கியிருக்கிறது.



மத்திய புலனாய்வு நிறுவனம், சி.பி.ஐ, தொலைத்தொடர்பு அலுவலகத்தையும், இது தொடர்பாக மேலும் பல்வேறு அலுவலகங்களிலும் சோதனை நடத்தியிருக்கிறது. இச் சோதனைகள், ஆ.ராசா ஐக்கிய முற்போக்கு கூட்டணி அமைச்சராக இருக்கையிலேயே, ஐக்கிய முற்போக்கு கூட்டணி அரசாங்கத்தின் கட்டுப்பாட்டில் இயங்கும் சிபிஐ ஆல் நடத்தப் பட்டிருப்பது கூடுதல் சிறப்பு.

ராசா சமுதாயத்தின் அடித்தட்டு வகுப்பைச் சேர்ந்தவர் என்பதால், பத்திரிக்கைகளாலும், டெல்லி வட்டாரங்களாலும் அவர் குறி வைத்து தாக்கப் படுகிறார் என்று கருணாநிதி தன் “நா”நயத்தால் உரைக்கக் கூடும்.



ஸ்பெக்ட்ரம் இந்தியா சந்தித்த மிகப் பெரிய ஊழல்களில் ஒன்று என்பதை யாரும் மறுப்பதற்கில்லை. தோராயமான கணக்கின்படி கூட, 60,000 கோடிக்கு குறையாமல், அரசுக்கு நஷ்டம் ஏற்பட்டுள்ளது என்று பத்திரிக்கைகள் கூறுகின்றன.



இந்த ஸ்பெக்ட்ரம் ஊழலில் என்னதான் நடந்தது ? ஜனவரி 2008ல் தனியார் தொலைதொடர்பு நிறுவனங்களுக்கு, முதலில் வருபவருக்கே முன்னுரிமை என்ற அடிப்படையில் லைசென்சுகள் வழங்கப் பட்டன. ஒரு லைசென்சின் விலை 1651 கோடி. இதில் என்ன தவறு ?



இந்தத் தொகை எப்படி நிர்ணயிக்கப் பட்டது தெரியுமா ? ஜனவரி 2001ல் ஏலம் விடப்படுகையில் என்ன தொகைக்கு போனதோ, அதே தொகைக்கு 7 ஆண்டுகள் கழித்து நிர்ணயிக்கப் பட்டது. 2001ல் இருந்ததை விட 2008ல் ஆறு மடங்கு விலை கூடியிருந்தும், பழைய விலைக்கே ராசா ஸ்பெக்ட்ரம் அலைவரிசையை வழங்கியுள்ளார்.

ஆறு மடங்கு விலை உயர்ந்து விட்டது என்று எப்படி கூறுகிறார்கள் ? எப்படியென்றால் ராசாவின் தாராள குணத்தால் ஸ்பெக்ட்ரம் ஒதுக்கீடு பெற்ற ஸ்வான் டெலிகாம் மற்றும் யூனிடெக் ஆகிய இரு நிறுவனங்களும், தாங்கள் பெற்ற ஸ்பெக்ட்ரம் அலைவரிசையை ஒரு சில மாதங்களிலேயே ஆறு மடங்கு லாபம் வைத்து வெளிநாட்டு நிறுவனங்களுக்கு விற்றன.



இதில் அடுத்த முறைகேடு என்னவென்றால், இவ்வாறு ஒதுக்கீடு செய்யப் பட்டது திறந்த ஏலம் அடிப்படையில் நடக்கவில்லை. “முதலில் வருபவருக்கே முன்னுரிமை” என்ற முறையில் நடந்தது. இந்த முறையிலும் கூட, ராசா விண்ணப்பம் சமர்ப்பிப்பதற்கான கடைசி நாளை, தனக்கு வேண்டிய நிறுவனங்களுக்கு சாதகமாக மாற்றினார் என்றும் குற்றச் சாட்டு உள்ளது.



இந்த ஊழல் முதலில் வெளிவருகையில், கருணாநிதி குடும்பம் பிளவு பட்டிருந்தது. இதனால், தொலைத்தொடர்பு அமைச்சர் பதவியை இழந்த தயாநிதி மாறன் சன் டிவி மூலம், இந்த ஊழலை மிகப் பெரிதாக பிரச்சாரம் செய்தார். உடனே, ராசா, எனக்கு முன் இருந்த மந்திரி (தயாநிதி மாறன்) எடுத்த கொள்கை முடிவின் அடிப்படையில்தான் ஸ்பெக்ட்ரம் ஒதுக்கீடு செய்யப் பட்டதாக தெரிவித்தார். உடனே, சன் டிவி, மாறன் இந்த கொள்கை முடிவை எடுக்கவேயில்லை, அவர் காலத்தில் ஸ்பெக்ட்ரம் ஏலத்துக்கு விடப்படவேயில்லை என்று மறுப்பு கூறியது.



உடனே ராசா, தொலைத் தொடர்பு ஒழுங்கு ஆணையம் (டிராய்) எடுத்த கொள்கை முடிவின் அடிப்படையில்தான் ஸ்பெக்ட்ரம் ஒதுக்கீடு செய்யப் பட்டதாக தெரிவித்தார். ஆனால் ட்ராய், உடனடியாக மறுப்பு தெரிவித்தது.



டிசம்பர் 2008ல் பிரிந்த குடும்பம் ஒன்று கூடியதும், கருணாநிதிக்கு “இதயம் இனித்தது, கண்கள் பனித்தது”. சன் டிவிக்கும், கருணாநிதிக்கும், ஸ்பெக்ட்ரம் ”ஊழல் முடிந்தது”.



பொதுத்தேர்தலில், காங்கிரஸ் வெற்றி பெற்றதும், முன்பை விட, அதிக இடங்கள் கிடைத்ததும், திமுகவின், பலம் சோனியா காந்தியிடம் குறைந்தது. 2004ல், தமிழ்நாடு இல்லத்திற்கு வந்து கருணாநிதியை சந்தித்து ஆதரவு கேட்ட சோனியா, 2009ல் தன்னை தள்ளு வண்டியில் வந்து பார்க்க வைத்தார். கேட்ட இலாக்காக்கள் ஒதுக்கப் படாததால், கோபித்துக் கொண்டு, கருணாநிதி, தள்ளுவண்டியிலேயே திரும்பி வந்தார்.

ஆனால், தனக்கு இருக்கும் கொஞ்ச நஞ்ச செல்வாக்கால், ராசாவுக்கு, மீண்டும் தொலைத் தொடர்புத் துறையை பெற்றுத் தந்தார்.



ஆனால், இம்முறை மீண்டும், தொலைத்தொடர்புத் துறையை பெற்ற ராசா, ‘பல் பிடுங்கிய பாம்பாக’ ஆக்கப் பட்டார். எந்த விஷயத்திலும், தனித்து முடிவெடுக்க முடியாமல், கண்காணிக்கப் பட்டார். இதெல்லாம், கருணாநிதிக்கு எரிச்சலை ஏற்படுத்தினாலும், ஒன்றும் செய்ய முடியாமல், பல்லைக் கடித்துக் கொண்டிருக்கிறார்.



ராசா மீது, இந்தக் குற்றச் சாட்டு மட்டுமல்ல. மத்திய தகவல் தொழில்நுட்பத்துறை அமைச்சர் ஆ. ராசா மீது 2ஜி மற்றும் 3ஜி வழங்கியது தொடர்பான ஊழல் குற்றச்சாட்டுக்கள் மக்கள் மனத்திலிருந்து இன்னும் நீங்காத நிலையில், தற்போது மேலும் ஒரு குற்றச்சாட்டினை ‘தி பயனீர்‘ நாளிதழ் சுமத்தியிருக்கிறது. இந்த தடவை, BSNL நிறுவனம் வைமாக்ஸ் சர்வீஸ் (WiMax services) தொடர்பாக, அமைச்சரின் தொகுதியான பெரம்பலுரைச் சேர்ந்த அமைச்சருக்கு மிகவும் நெருங்கிய நண்பருக்கு வழங்கப்பட்டிருப்பதாக அது குற்றம் சாட்டியிருக்கிறது.



இந்தியாவில் BSNL நிறுவனத்தின் கீழ் 16 சர்க்கிள்கள் இருக்கின்றன. இவற்றில் வருவாய் அதிகம் வரக்கூடிய ஏழு சர்க்கிள்களுக்கு வெல்காம் கம்யூனீகேஷான்ஸ் இந்தியா பிரைவேட் லிமிடேட் (Wellcom Communication India Private Ltd) என்னும் நிறுவனம் உரிமங்கள் கோரி விண்ணப்பித்திருக்கிறது. இந்த நிறுவனம் உரிமங்களைப் பெற்றபின், முன் 2ஜி ஸ்பெக்ட்ரம் உரிமங்களை வெளிநாட்டு நிறுவனங்களுக்கு அதிக லாபத்திற்கு விற்றது போல், தற்போது விற்றிடலாம் என்று நிறுவனத்தின் முக்கிய வட்டாரங்கள் தெரிவிக்கின்றன.



BSNL நிறுவனமே நேரடியாக வைமாக்ஸ்சை அளித்திடக்கூடிய அளவிற்கு வல்லமை பெற்றிருக்கூடிய சூழ்நிலையில் இதனை ஒரு தனியார் நிறுவனத்திடம் ஒப்படைக்க வேண்டியதன் அவசியம் என்ன என்று அவர்கள் கோருகின்றனர். வைமாக்ஸ் தொழில்நுட்பம் மூலமாக வருங்காலத்தில் மடிக்கணினிகள் மற்றும் மொபைல் போன்களுக்குக்கான ஒயர்லஸ் இண்டர்நெட் வசதி, வாயிஸ் மெயில் வசதிகளைப் பெற்றிடமுடியும். முதலாம் ஆண்டில் சுமார் 50 ஆயிரம் வைமேக்ஸ் இணைப்புகளுக்கான சந்தாதாரர்கள் கிடைத்து விடுவார்கள் என்றும், அடுத்த 5 ஆண்டுகளில் சுமார் 10 லட்சம் சந்தாதாரர்களாக உயர்ந்துவிடும் என்றும் கூறுகிறார்கள்.



2008 நவம்பரில் வெல்காம் கம்யூனீகேஷன்ஸ் உரிமங்களுக்கு விண்ணப்பித்தது. சென்னையை மையமாகக் கொண்டுள்ள இந்த நிறுவனம் ஆரம்பத்தில் சிறிய அளவிலான இன்ஜினியரிங் மற்றும் கட்டுமானப்பணிகளில் ஈடுபட்டிருந்தன. இந்த நிறுவனம் 2006 டிசம்பரில் வெறும் 10 லட்சம் மூலதனத்தோடு ஆரம்பிக்கப்பட்டது. இது 2008 நவம்பரில் 10 கோடி ரூபாயாக உயந்துவிட்டது. வைமாக்ஸ்க்கான போட்டியில் ஈடுகொட்டுப்பத்தற்காகவே இவ்வாறு இன்நிருவனம் மூலதனம் உயர்த்தப்பட்டிருக்கிறது.



வெல்காம் கம்யூனீகேஷன்ஸ் கம்பெனியில் டி. சில்வா ராஜூ என்பவரால் பிரதிநிதித்துவப் படுத்தப்படுகிறது. இவருக்கு இக்கம்பெனியில் 15 சதவிதப் பங்குகள் இருக்கின்றன. இக்கம்பெனியின் மற்ற இரு இயக்குநர்கள் டாட்டொ விஜயகுமார் ரத்னவேலு மற்றும் டி.குணசேகரன் தியாகராஜன் என்பவர்களாவார்கள். இருவரும் மலேசியப் பிரஜா உரிமை கொண்டுள்ள தமிழர்கள். டாட்டொ விஜயகுமார் ரத்னவேலு இதே பெயரில் மலேசியாவிலும் ஒரு கம்பெனியை நடத்தி வருகிறார்.


டி சில்வா ராஜூ அமைச்சர் ராசாவின் பெரம்பலுர் தொகுதியைச் சேர்ந்தவர். அமைச்சருக்கு மிகவும் நெருக்கமானவர் இவர் டாக்டர் சி. கிருஷ்ணமூர்த்தி என்பவருக்கு மிகவும் நெருக்கமானவர். அமைச்சர் ராசா, அமைச்சராவதற்கு முன்பு இந்த சி.கிருஷ்ணமூர்த்தியின் கட்டத்தில்தான் தன் வழக்கறிஞ்ர் தொழிலை ஆரம்பித்தார். சில்வராஜூ தற்சமயம் மத்திய பொதுப் பணித்துறையின் (CPWD) கீழ் சப்-கான்ட்ராக்டராக இருந்து வருகிறார். இவர் மேற்படி கிருஷ்ணமூர்த்திக்கு, தற்சமயம் என்எச்45 -சென்னை- திருச்சி தேசிய நெடுஞ்சாலைத் திட்டத்தின்கீழ் நடந்துவரும் சாலை விரிவாக்கப் பணிகளுக்கான ஒரு குவாரியிலிருந்து ஜல்லி வழங்கிவருகிறார்.



இந்த கிருஷ்ணமூர்த்தி, ராசாவின் அண்ணன் மற்றும் அக்கா மகன்கள் மற்றும் மகள்களுடன் இணைந்து கோவை செல்டர்ஸ் என்ற பெயரில் ஒரு ரியல் எஸ்டெட் கம்பெனியை நடத்திவறுவதாக ‘தி பயனீர்‘ ஏற்கனவே கூறியிருந்தது. மேலும் கிரீன் ஹவுஸ் பிரமோட்டர்ஸ் (பிரைவேட்) லிமிடெட், மற்றும் ஈக்வாஸ் எஸ்டேட்ஸ் (பிரைவேட்) லிமிடெட்
ஆகிய கம்பெனிகளும் ஆ. ராசா அமைச்சரான பின் உருவாயின. இந்த இரு நிறுவனங்களிலும் அமைச்சர் ராஜாவின் மனைவி பரமேசுவரி ஓர் இயக்குநராக உள்ளார் என்பது கொசுறு செய்தி.


BSNL இது தொடர்பாக ஓராண்டுக்கு முன்பே உரிமதாரர்களைக் கோரியிருந்த போதிலும், அதன்மீது இறுதிப்படுத்தும் முறையை, அமைச்சரின் வற்புருத்தலின் காரணமாக BSNL நிறுவனம் தள்ளிப்போட்டுக் கொண்டேவந்தது. அமைச்சர் ராஜாவின் நிர்ப்பந்ததின் காரணமாக நிறுவனத்தின் தலைவரும் மேலான் இயக்குநருமான குல்தீப் கொயல் உரிமங்கள் வழங்கும் பணியினை ஜனவரி மத்தியவாக்கில் தொடங்கினார்.



இந்த ஏலத்தில் 20 கம்பெனிகள் பங்கெடுத்திருந்தன. இவற்றில் பிஎஸ்என்எல், 5 நிறுவனங்களை தேர்ந்தெடுத்தது. விசாரணையில், இவற்றில் 5 நிறுவனங்களின் முதலாளியும் ஒரே நபர் என்றும், அரசை ஏமாற்றும் நோக்கத்துடன் இவ்வாறு WiExpert Communications, SV Telecom Systems, Digitelco Communications, Spectrus Communications and Technotial Infoways என்ற ஐந்து கம்பெனிகள் பெயரில் டெண்டரில் பங்கேற்றார் என்ற விபரமும் வெளியானது.

இந்த ஐந்து நிறுவனங்களின் முதலாளி சஞ்சய் கபூர் என்பவராவார். இந்த சஞ்சய் கபூர், ராசாவுடன் மிகவும் நெருக்கமானவர் என்பது குறிப்பிடத் தக்கது.

இறுதியாக, புதிய அரசாங்கம் பதவியேற்றவுடன், ராசா அமைச்சரான பிறகு, பிரதமர் மன்மோகன் சிங், WiMaxக்கான இந்த டெண்டரையே ரத்து செய்து, புதிய டெண்டர் வெளியிட ஆணையிட்டார்.

இது போகவும், ராசா சென்னை உயர்நீதிமன்ற நீதிபதி ரகுபதியை மிரட்டினார் என்ற குற்றச் சாட்டும் சமீபத்தில் எழுந்து அடங்கியது.

நீதிபதி ரகுபதி

இதில், ராசாவுக்காக உச்சநீதிமன்ற தலைமை நீதிபதி கே.ஜி.பாலகிருஷ்ணன் வக்காலத்து வாங்கியதால், ராசா தலை தப்பியது.

இது போல், பல்வேறு ‘சிறப்பு’ களுக்கு சொந்தக் காரரான ராசாவின் அலுவலகத்தில் சிபிஐ சோதனை நடத்தியிருப்பது, ராசாவின் மகுடத்தில் சூட்டப்பட்ட, மேலும் ஒரு மாணிக்கம்.



இவ்வளவு நடந்த பிறகும், ராசாவை காப்பாற்றும் கருணாநிதியைப் பெற இந்நாடு என்ன தவம் செய்திருக்க வேண்டும். இதை எதிர்த்துப் போராட்டம் நடத்தாமல், அறிக்கை வெளியிட்டுக் கொண்டிருக்கும் எதிர்க்கட்சிகளை பெற நாம் என்ன தவம் செய்திருக்க வேண்டும்.


வரலாற்றிலேயே இல்லாத அளவுக்கு சிபிஐ, தன்னுடைய அமைச்சரவையின் கட்டுப்பாட்டில் உள்ள அலுவலகங்களில் சோதனை நடத்தியும், தனக்கு கீழ் பணியாற்றும், பணியாற்றிய அதிகாரிகள் மேல் வழக்கு பதிவு செய்தும், பதவி விலக மாட்டேன் என்று அடம் பிடிக்கும் ராசாவை, இன்று முதல் “மானங்கெட்ட ராசா” என்று அழைத்தால் என்ன ?

ஒப்பாரி

தீபாவளி சிறப்பு பட்டிமன்றம். கலைஞருக்கு நன்றி !

தமிழக முதல்வர் கலைஞருக்கு திமுகவும் தமிழக அரசும் மட்டுமின்றி, பல்வேறு அமைப்புகளும் போட்டி போட்டுக் கொண்டு விருதுகளை வழங்குகின்றன. அவர் முன்னிலையில் கட்சியினரும், கவிஞர்களும், பேச்சாளர்களும் அவரை எவ்வளவு புகழ்ந்தாலும், அவருக்கு முழு திருப்தி ஏற்படுகிறதா என்று தெரியவில்லை. எதற்கு சந்தேகம் ?


ஐஸ் வைப்பது என்று முடிவு செய்த பிறகு அதில் சிக்கனம் எதற்கு ? தாராளமாக இப்படி புகழ்ந்தால் கலைஞர் மறுக்கவா போகிறார் ? தீபாவளி சமயத்தில் டி.வி சேனல்கள் ஒளிபரப்புகிற பட்டிமன்றங்களுக்கு சவால் விடும் வகையில் “துக்ளக்“ கும் களத்தில் குதிக்கிறது.




நடுவர் : நேயர்களுக்கு வணக்கம். கலைஞருக்கு விருது கொடுக்கிற மாதிரி ஒரு மகிழ்ச்சியான விஷயம் உலகத்தில் வேறு எதுவுமே இருக்க முடியாது. என் வாழ்க்கையின் பெரும் பகுதியை நான் கலைஞரைப் பாராட்டுவதற்காகவே செலவிட்டிருக்கிறேன். கலைஞரின் புகழுக்கு பெரிதும் காரணமாக இருப்பது அவரது அரசியல் பணிகளா, இலக்கிய – சமுதாயப் பணிகளா ? என்ற அருமையான தலைப்பை கலைஞரே தேர்ந்தெடுத்துக் கொடுத்திருக்கிறார். கடலின் அளவைக் கூட அளந்து விடலாம். கலைஞரின் சாதனைகளை அளந்து விட முடியாது. இருந்தாலும், நம்முடைய பேச்சாளர்கள் எப்படி அளக்கிறார்கள் என்று பார்ப்போம்.



பேச்சாளர் : கலைஞர் வேறு, தமிழ் வேறு என்று பலர் தவறாகப் புரிந்து கொண்டிருக்கிறாரர்கள். தமிழ் ஐந்தாயிரம் ஆண்டுகளுக்கு முன் தோன்றியது என்பதே தவறான தகவல். தமிழுக்கு வயது 86 தான். கலைஞர் பிறந்தவுடன் செய்த முதல் வேலை, தமிழுக்கு தமிழ் கற்றுக் கொடுத்ததுதான். கலைஞரால்தான் விருதுகளே பெருமை அடைகின்றன. நீயே தமிழனுக்கு வழங்கப்பட்ட விருது. உனக்கு எதற்கு இன்னொரு விருது ? நீயே உலக ரத்னா ? உனக்கு எதற்கு பாரத ரத்னா ? உடன்பிறப்புக்கு நீ எழுதும் கடிதத்திலேதான், நாங்கள் பகவத் கீதையும், பைபிளும், குர் ஆனும் கற்றுக் கொள்கிறோம். நான் கனவில் காந்தியைக் கண்டபோது அவர் என்ன கேட்டார் தெரியுமா ? ‘என்னை ஆளாக்கிய கலைஞர் எழுதிய ‘உளியின் ஓசை’ சி.டி கிடைக்குமா‘ என்றுதான் கேட்டார். அதுதான் கலைஞரின் இலக்கிய சாதனை.



நடுவர் : வெங்கடாசலபதியை தரிசிக்க திருப்பதி செல்ல வேண்டும். யேசுபிரானைப் பிரார்த்திக்க ஜெருசலேம் செல்ல வேண்டும். அல்லாவைத் தொழ மெக்கா செல்ல வேண்டும். மூன்று தெய்வங்களையும் ஒரே சமயத்தில் வணங்க கோபாலபுரம் சென்றால் போதும். அண்ணாவையும், பெரியாரையும், காந்தியையும், நேருவையும் ஒரே சமயத்தில் பார்க்க அறிவாலயம் வர வேண்டும். அதுதான் கலைஞர் நமக்கு ஏற்படுத்திக் கொடுத்திருக்கிற வசதி. கலைஞர் தகரத்தைத் தொட்டால் தங்கம். மண்ணாங்கட்டியைத் தொட்டாலும் மந்திரி. அடுத்த பேச்சாளரை அழைக்கிறேன்.



பேச்சாளர் : புத்தன் போதி மரத்தடியில் ஞானம் பெற்றான். போதி மரமோ கலைஞரின் காலடியில் ஞானம் பெற்றது. இந்த வரலாற்றை மாற்ற நினைத்தால் எதிர்கால சமுதாயம் உங்களை மன்னிக்காது. கலைஞர் மூச்சு விட்டால் முல்லைப் பெரியாறே சாம்பலாகி விடும். அவரிடமா விளையாடுகிறீர்கள் ? வள்ளுவர் திருக்குறளில்தான் 133 அதிகாரங்களை உருவாக்கினார். கலைஞர், தன் குடும்பத்திலேயே அதற்கும் மேற்பட்ட அதிகாரங்களை உருவாக்கிக் காட்டியிருக்கிறார். பாளையங்கோட்டை சிறையில் பல்லிக்கே பயப்படாதவரை, கரப்பானுக்கே கலங்காதவரை, காவிரிப் பிரச்னையில் தோற்கடித்து விட முடியுமா ? கலைஞரின் சின்னம் மட்டுமல்ல, அவரே சூரியன்தான். அவரைத்தான் அகில இந்திய அரசியல் சுற்றிச் சுற்றி வரவேண்டும்.



நடுவர் : சூரியனே கலைஞரைத்தான் சுற்றுகிறது. புவி ஈர்ப்பு விசையையும் ஈர்க்கும் ஆற்றல் கலைஞருக்கு உண்டு. என் தலைவன் கலைஞர் உலகில் கற்பதற்கு எதுவுமே பாக்கியில்லை என்பது உலகின் குறை. பல்கலைக் கழகங்களே கலைஞரைப் படித்துதான் பட்டம் பெற வேண்டும். நான் கம்பனைக் கண்டதில்லை. ஷெல்லியைக் கண்டதில்லை. கலைஞரின் பேனா மூடிக்குள் இருவரையும் கண்டேன். எங்கள் இறைவா, உன் நெஞ்சுக்கு நீதி, சுப்ரீம் கோர்ட்டுக்குப் பாடம். பராசக்தி வசனம், பாருக்கே வேதம். நீ, நீயாகவும் வாழ்கிறாய். அண்ணாவாகவும் வாழ்கிறாய். எப்படி உன்னால் மட்டும் இப்படியெல்லாம் ஒரே சமயத்தில் கண்டபடி வாழ முடிகிறது ? அடுத்த பேச்சாளரைக் கேட்போம்.



பேச்சாளர் : திருக்குறளை தமிழனுக்கு அடையாளம் காட்டியதே கலைஞரின் குறளோவியம்தான். மறுக்க முடியுமா ? பகுத்தறிவு உணர்வோடு திருக்குறளைத் திருத்திய தீரம் கலைஞருக்கு மட்டும்தான் இருந்தது. ஆகாயம் கூட உன் புகழை அண்ணாந்து பார்க்கிறது. அண்ணாவின் இதயத்தையும், பெரியாரின் உள்ளத்தையும், காயிதே மில்லத்தின் நெஞ்சத்தையும் தமிழ் சிம்மாசனத்தில் அமர்த்தியவன் நீ. இன்றைய தினம், குப்பனும், சுப்பனும் கூட, ‘மானாட மயிலாட’ பார்த்து நாட்டு நடப்புகளைத் தெரிந்து கொள்ள முடிகிறது என்றால், அதை விட மக்கள் தொண்டு வேறென்ன இருக்க முடியும் ? ஆணும் பெண்றம் நடனம் ஆடும்போது தமிழ் வளரும் என்பதை கண்டறிந்த ஒரே தலைவன் கலைஞர்தான். ஏழையின் சிரிப்பில் இயற்கையையும், குடும்பத்தினரின் சிரிப்பில் கோடீஸ்வரர்களையும் கண்டவர் கலைஞர். அதுதான் கலைஞரின் சமுதாயப் பணி.



நடுவர் : வீட்டிலிருந்து பொருள் எடுத்து வந்து கொடுப்பவன் கொடையாளி. ஆனால், வீட்டையே எடுத்துக் கொடுப்பவர் கலைஞர். காவிரியை கர்நாடகாவுக்குக் கொடுத்தாய். பாலாறை ஆந்திராவுக்குக் கொடுத்தாய். முல்லைப் பெரியாறை கேரளாவுக்குக் கொடுத்தாய். உன்னை விடவா கர்ணன் கொடையாளி ? கர்ணன் இன்று இருந்திருந்தால், கொடைத் தன்மையைக் கொடுக்கும்படி கலைஞரிடம் கையேந்தியிருப்பான். நீ தலைவர்களின் தலைவன். பகுத்தறிவில் பெரியாருக்கும் பெரியார். அறிவில் அண்ணாவின் அண்ணன். அவ்வளவு ஏன் ? ஆதாமுக்கே அண்ணன். நீ விழித்தால்தான் இங்கு காலண்டர் கிழியும். நீ நடந்தால்தான் இங்கு கடிகாரம் சுற்றும். நீ மூச்சுவிட்டால் காற்றே காணாமல் போகும். நீ வாய் திறந்தால் வங்கக் கடலே வற்றிப் போகும். அடுத்த பேச்சாளரை அழைக்கிறேன்.



பேச்சாளர் : தலைவா, உன்னை மனதால் நினைத்தாலே நான் இன்சுலின் போட்டுக் கொள்ள வேண்டும். அவ்வளவு இனிப்பு, உன்னைப் பற்றிய நினைப்பு. உன் பேச்சு நடையில், மாநில அரசு இயங்குகிறது. எழுத்து நடையில் மத்திய அரசு இயங்குகிறது. நீ பிரதமருக்கு கடிதம் எழுதினால், அமைச்சரவை அதிர்கிறது. தந்தி அனுப்பினால் டெல்லியில் பூகம்பம் ஏற்படுகிறது. குடும்பத்தோடு நேரில் சென்றால், மத்திய அரசே நடுங்கிப் போகிறது. சட்டசபையில் நீ பேசினால்தான் ஜனநாயகத்தால் மூச்சு விட முடிகிறது. நீ எழுதினாய் பராசக்தி. அதனால் நீ தமிழகம் பெற்றது அபார சக்தி. நீ எழுதினாய், திரும்பிப் பார். தமிழகம் எங்கும் தோன்றியது டாஸ்மாக் பார். உன் கைகளுக்கு ஏழு பிறவியிலும் முத்தம் கொடுக்கும் பேறு எனக்கு கிடைக்க வேண்டும். அதுதான் உன் அரசியல் சாதனைக்கு நான் செய்யும் கைம்மாறு.



நடுவர் : கலைஞர் பிறந்திருக்காவிட்டால், தமிழன் இன்னும் இருட்டில்தான் தடுமாறிக் கொண்டிருப்பான். கலைஞ;ர பிறந்த பிறகுதான், ஒளி தர வேண்டும் என்ற பொறுப்புணர்வே சூரியனுக்கு வந்தது. கலைஞர் பெருமானே, உன் மீது கொண்ட பொறாமையால், இயற்கை உன்னை வஞ்சித்து விட்டது. சாக்ரடீஸும், பெர்னாட்ஷாவும், உனக்கு முன்னால் பிறந்ததால், சிந்தனையாளர்கள் என்று அங்கீகரிக்கப் பட்டு விட்டார்கள். இது இறைவன் செய்த படைப்புச் சதி. மனோகராவிலும், மந்திரி குமாரியிலும் நீ சொல்லாத கருத்துக்களையா அவர்கள் சொல்லிவிட்டார்கள் ? அண்ணா இன்று இருந்திருந்தால், உன்னை தலைவனாக ஏற்றிருப்பார். பெரியார் இன்று இருந்திருந்தால், துணை முதல்வரைப் பாராட்டி விளம்பரம் கொடுத்துக் கொண்டு இருந்திருப்பார். அடுத்த பேச்சாளரே வருக !



பேச்சாளர் : 14 வயதிலேயே ஹிந்தி அரக்கியை வடநாடு வரை விரட்டிச் சென்ற வீரம், கலைஞரின் வீரம். உயிர் தமிழுக்கு உடல் மண்ணுக்கு என்று முழங்கியபடி உயிர் நீத்த தம்பிகளின் ஒரே அண்ணன் நீ. உன்னுடைய அத்தகைய தியாகப் பணிகர் தொடர்வதற்காகவாவது, ‘உயிரை விடத் தயார்’ என்று இன்னும் பல கோடி நூறாண்டுகளுக்கு ஹிந்தி ஆதிக்க வெறியர்களை நீ எச்சரிக்க வேண்டும். நீ நெருப்பை எரிப்பவன். தென்றலை குளிர்விப்பவன். அழகிரி சொன்னதைச் செய்தாய். ஸ்டாலின் சொன்னதைச் செய்தாய். கனிமொழி சொன்னதைச் செய்தாய். சொன்னதைச் செய்பவன் நீயன்றி வேறு யார் ?



நடுவர் : நீ பகுத்தறிவின் உச்சம். எதிரிகள் உனக்கு துச்சம். நீ செல்வது – அண்ணாவே பயந்த - அண்ணா வழி. அதன் மூலம் எதிரிகளை அழி. உன் நாவும் பேனாவும் உனக்குத் துணை. உலகில் யார்தான் உனக்கு இணை ? நீ அனுப்பினாய் இலங்கைக்கு எம்.பி.க்கள் குழு. இனி ராஜகக்ஷே ஒரு புழு. நீ எதைத் தொட்டாலும் வெற்றிதான். இடைத்தேர்தலிலும் வெற்றி. பொதுத் தேர்தலிலும் வெற்றி. உள்ளாட்சித் தேர்தலிலும் வெற்றி. வறுமையை ஒழிப்பதற்கு வாக்களியுங்கள் என்று கேட்பது அரசியல் மரபு. ஆனால் நீயோ, கவர் கொடுத்து, ஒரு நாள் வறுமையை ஒழித்து விட்டுத்தான் ஓட்டே கேட்கிறாய். அதனால்தான் வெற்றி தேவதை உனக்கு அடிமையாகி விட்டாள் ! வணக்கம்.

/சத்யா/ நன்றி. துக்ளக் வார இதழ்.

திருமாவளவனின் ஆர்ப்பாட்டம்

செய்தி

விடுதலை சிறுத்தைகள் சார்பில் ராஜபக்ஷே சகோதரர்களை போர்க் குற்றவாளிகளாக அறிவிக்கக் கோரி ஆர்ப்பாட்டம்

இந்த புகைப்படங்களை இத்தளத்தில் வெளியிட்டு சவுக்கு இப்போராட்டத்துக்கு தன் வாழ்த்துக்களை தெரிவித்துக் கொள்கிறது.

எம்.ஏ (கலைஞர் சிந்தனைகள்) பாடத் திட்டம்

சென்னைப் பல்கலைக் கழக துணைவேந்தர் திருவாசகம்

செய்தி

சென்னைப் பல்கலைக் கழகத்தில் புதிய முதுகலைப் பட்டப் படிப்பு “எம்.ஏ (கலைஞர் சிந்தனைகள்) அறிமுகம்.
திருவாசகம், சென்னைப் பல்கலைக்கழக துணைவேந்தர்

சென்னைப் பல்கலைகழகத்தில் இந்தப் புதிய முதுகலைப் பட்டப் படிப்பு அறிமுகப் படுத்தப் படுவதால், பல்கலைக்கழகத்துக்கு உதவும் வகையில் இரண்டு ஆண்டுகளுக்கும் பாடத்திட்டங்கள் வகுத்துத் தரப்படுகிறது.

முதல் ஆண்டு பாடத்திட்டத்தில் மொத்தம் 8 பேப்பர்கள்


1. திருக்குவளையிலிருந்து ஒரு தகரப்பெட்டி


2. “முரசொலி” எனும் மஞ்சள் பத்திரிக்கை

3. சினிமா மூலம் சீரழிவு - ”ராஜக்குமாரி” முதல் திரைப்படம்

4. பத்மாவதியோடு சில காலம்

5. நீதிக் கட்சியின் உள்ளே நுழைந்த கிருமி

6. குளித்தலையில் 1957ல் பிடித்த சனியன்



7. 1967ல் தமிழகத்தை பீடித்த கொடிய நோய்

8. எம்.ஜி.ஆர் என்ற வில்லன்


இரண்டாம் ஆண்டு பாடத்திட்டத்திலும் 8 பேப்பர்களுடன், ஆராய்ச்சிக் கட்டுரையும் சமர்ப்பிக்க வேண்டும்

1. தயாளு மற்றும் ராசாத்தி



2. இந்தி எதிர்ப்பு உள்ளிட்ட புரட்டுப் போராட்டங்களின் வரலாறு




3. கருணாநிதியும் இலக்கியமும்

4. தமிழைச் சொல்லி ஊரை ஏய்த்தது

5. பகுத்தறிவு என்னும் பம்மாத்து (மஞ்சள் துண்டின் மகிமை)




6. கழகத்தை குடும்பமாக்கிய விந்தை




7. எந்தக் கொள்கையும் இல்லாமல், கொள்கை பேசும் சூட்சுமம்

8. கடைசி வரை பதவியில் ஒட்டிக் கொண்டிருப்பதன் பின்னணி

கீழ்க்கண்ட சொத்துக்கள் எப்படி வந்தன என்பது பற்றிய ஆய்வுக் கட்டுரையை மாணவர்கள் கட்டாயம் சமர்ப்பிக்க வேண்டும்


1. கருணாநிதியின் கோபாலபுரம் வீடு
2. முரசொலி மாறனின் வீடு-கோபாலபுரம்
3. கிருஷ்ணன் கோவில் அருகில்-உறவினர்களின் வீடு
4. முரசொலி செல்வம், செல்வி வீடு- கோபாலபுரம் ( கருணாநிதியால் கொடுக்கப்பட்டது)
5. மு.க.முத்து வீடு-கோபாலபுரம்
6. ஸ்வர்ணம் வீடு- கோபாலபுரம்
7. அமிர்தம் வீடு- கோபாலபுரம்
8. எழிலரசி வீடு ( முரசொலி செல்வத்தின் மகள்) -கோபாலபுரம்
9.ஆலிவர் சாலையில் ராஜாத்தி அம்மாள் வீடு
10. மு.க.ஸ்டாலின் வீடு- வேளச்சேரி
11. உதயாநிதி பொழுது போக்கு வீடு- ஸ்னோபவுலிங்- நுங்கம்பாக்கம்
12. உதயநிதி தீம்பார்க்- (மாமல்லபுரம் அருகில்)
13. பில்லியர்ட்ஸ் மையம் ( வேளச்சேரி)
14. கலாநிதி மாறன் வீடு (அடையாறு போட்கிளப் ரோடு)
15. தயாநிதி மாறன் வீடு
16. டிஸ்கோ- குவாலிட்டி இன் அருணா, அமைந்தகரை
17. கொட்டி வாக்கத்தில் மாறனின் பண்ணை வீடு
18. டிஸ்கோ- எத்திராஜ் காலேஜ் எதிரில்
19. டெலிபோன் எக்சேஞ்ச் கட்டிடம் -நீலாங்கரை
20. எம்.எஸ் இன்டஸ்ட்ரீஸ்- ராமச்சந்திரா மருத்துவக்கல்லூரி போரூர் அருகில்
21. முரசொலி கட்டிடம்- அண்ணாசாலை
22. சுமங்கலி கேபிள் கட்டிடம்- கோடம்பாக்கம் மேம்பாலம்
23. ராஜா அண்ணாமலை புரம் எம். ஆர்.சி நகரில் சன் தொலைக்காட்சிக்காக 32 கிரவுண்ட் நிலம்


25. சன்டிவியின் புதிய அப்-லிங்க் ஸ்டேசன்( கோடம்பாக்கம்)- மாதவன் நாயர் காலணி
26. இந்தியா சிமெண்ட்ஸ் பங்கு, சிமிண்ட் விலையை உயர்த்துவதற்காக
27. கோரமண்டல் சிமிண்ட் ஏற்படுத்தப்பட்டது
28. கூன் ஹுண்டாய்- அம்பத்தூர்- அண்ணாநகர்-அண்ணாசாலை
29. அந்தமான் தீவின் நிலங்கள்
30.அஸ்ஸாம் மாநிலத்தில் டீ, காபி தோட்டங்கள்
31. அம்பானியின் உரத்தொழிற்சாலையில் பங்கு
32. மேற்குவங்காளத்தில் தோல் தொழிற்சாலை
33. ஸ்டெர்லிங் சிவசங்கரனுடன் கூட்டு தொழில்
34. ஆந்திரா பார்டர் சிமெண்ட் ஏற்படுத்தப்பட்டது
35. பெண்டோபர் நிறுவனத்துடன் கூட்டு
36. கேரளாவில் மாமன், மாப்பிள்ளை நிறுவனத்துடன் காப்பி,
மற்றும் ரப்பர் தோட்டங்கள்
37. செல்வம் வீடு
38. முக.ஸ்டாலின் சொத்துக்கள்
39. கருணாநிதி சொத்துக்கள்- திருவாரூர், காட்டூர், திருகுவளை.
40.முக.அழகிரி- மதுரை, திண்டுக்கல், கொடைக்கானல், மேலூர்
சொத்துக்கள், மதுரை நகரின் வீடியே பார்லர்கள், கடைகள்,
ஸ்கேன் சென்டர்கள் உள்ளிட்ட பண்ணை வீடுகள்
41. செல்வம் வீடு-பெங்களுர்
42. உதயா டிவி இணைப்பு- பெங்களூர்
43. பூங்சி டிரஸ்ஸஸ்- பீட்டர்ஸ் சாலை
44.முக.தமிழரசன்- ரெயின்போ பிரிண்டர்ஸ், இந்திரா கார்டன்-
சென்னை பீட்டர்ஸ் சாலை.
45. முக.தமிழரசன்- அந்தியூரில் உள்ள சொத்துக்கள்
46. தலைப்பாக்கடடு பிரியாணி சென்டர்- தி.நகர், ஜி.என்.செட்டி
சாலை, சென்னை.
47. கோவையில் உள்ள டிபார்ட்மெண்டல் ஸ்டோர்
48. மல்லிகா மாறனின் உறவினர்களின் பெயரில் கும்பகோணம்,
மயிலாடுதுறை, திருவாரூர் மற்றும் சென்னையில்
சொத்துக்கள்.

இங்கு அழகிரி, கனிமொழியின் சொத்துக்கள் சேர்க்கப்படவில்லை.

குறிப்பு

இது போகவும், இப்பாடத்திட்டம் தயாரிப்பதற்கு ஆலோசனைகள் வரவேற்கப்படுகின்றன. ஆர்வலர்கள், சென்னைப் பல்கலைக்கழக துணைவேந்தரிடம் தங்கள் ஆலோசனைகளை வழங்கவும்.

ராதாகிருஷ்ணன் ஐபிஎஸ் என்ற மாணிக்கம் (!!!!????)

ராஜீவ் தவான்

“இந்த உலகில் நாம் மாணிக்கங்களை அரிதாகத்தான் காணமுடியும். ராதாகிருஷ்ணன் அது போன்றதொரு மாணிக்கம். அவர் உலகின் தலைச்சிறந்த காவல்துறை அதிகாரிகளில் ஒருவர். அவரைப் போன்ற காவல்துறை அதிகாரி 19/2 சம்பவத்தில் தவறாக முடிவெடுத்து, வழக்கறிஞர்கள் மீது தடியடி நடத்த உத்தரவிட்டார் என்பதை ஏற்பதற்கில்லை.”

உச்சநீதிமன்ற வழக்கறிஞர் ராஜீவ் தவான் அரசு தரப்பில் சென்னை உயர்நீதிமன்றத்தில் எடுத்துரைத்த வாதம்.

ராதாகிருஷ்ணன் ஐபிஎஸ்

யார் இந்த ராதாகிருஷ்ணன். விருதுநகர் மாவட்டத்தைச் சேர்ந்த இந்த ராதாகிருஷ்ணன் 1983ம் ஆண்டு ஐபிஎஸ் தேர்ச்சி பெற்று, தமிழ்நாட்டுக்கு ஒதுக்கீடு செய்யப் பட்டார்.

1998 கோவை தொடர் குண்டு வெடிப்புகளுக்குப் பிறகு கோவை மாநகர காவல் ஆணையாளராக நியமிக்கப் பட்டார். 1999ல் கருணாநிதி, சட்டசபையில் “ராதாகிருஷ்ணன் போன்ற காவல்துறை அதிகாரிகள் இருப்பதால்தான், தமிழ்நாடு அமைதிப் பூங்காவாக திகழ்கிறது” என்று பேசினார்.

இதன் பிறகு, இந்த ராதாகிருஷ்ணனின் நடவடிக்கைகளில் பெரும் மாற்றம் வந்தது.
1996ல் திமுக ஆட்சிக்கு வந்தவுடன் முன்னாள் முதல்வர் செல்வி ஜெயலலிதாவுக்கு எதிராக பல்வேறு ஊழல் வழக்குகள் பதிவு செய்யப் பட்டன. இவ்வழக்குகளை லஞ்ச ஒழிப்புத் துறையின் சிறப்பு புலனாய்வுக் குழு 1 கவனித்து வந்தது.

2001ல் அதிமுக மீண்டும் ஆட்சிக்கு வந்தது. இதன் தலைவராக 2002ல் ராதாகிருஷ்ணன் நியமிக்கப் பட்டார்.

இந்த வழக்குகளில் ஒன்று ஜெயலலிதா ராஜ்யசபா எம்பியாக இருந்த காலத்தில் வருமானத்திற்கு அதிகமாக சொத்து சேர்த்த வழக்கு ஒன்று (Cr.No.14/AC/97/HQ). மற்றொரு வழக்கு, 1991 முதல் 1996 வரை தமிழக முதல்வராக இருந்த காலத்தில் வருமானத்திற்கு அதிகமாக சொத்து சேர்த்த வழக்கு. (Cr.No.13/AC/96/HQ).

இந்த இரு வழக்குகளையும் கவனிக்கும் பொறுப்பு, சிறப்பு புலனாய்வுக் குழு 1ன் தலைவராக இருந்த ராதாகிருஷ்ணனுடையது.

இந்த மாணிக்கம் என்ன செய்தது தெரியுமா ? ஜெயலலிதா மீது இருந்த முதல் சொத்துக் குவிப்பு வழக்கை அவசர அவசரமாக முடிக்க உத்தரவிட பரிந்துரை செய்தார். இதில் என்ன தவறு இருக்கிறது என்று கேட்கிறீர்களா ? அப்போது ஜெயலலிதா முதலமைச்சராக இருந்தார்.

இதற்குப் பிறகு என்ன நடந்தது தெரியுமா ? ராதா கிருஷ்ணனின் மகன் சந்தீப் 2005ல் ப்ளஸ் டூ தேர்ச்சி அடைந்தார். அண்ணா பல்கலைக்கழகம் மற்றும் இதர பொறியியல் கல்லூரிகளில் சேர்வதற்கான நுழைவுத் தேர்வு எழுதி, ப்ளஸ் டூ மதிப்பெண்களோடு சேர்த்து சந்தீப் பெற்ற மொத்த மதிப்பெண்கள் 300க்கு 188.31. 2005-2006 கல்வி ஆண்டில், பழங்குடியின மாணவர்களுக்கான குறைந்தபட்ச மதிப்பெண் என்ன தெரியுமா ? 246.92.

ஆனால் விசித்திரமாக 188.31 மதிப்பெண் எடுத்த பிற்பட்ட வகுப்பைச் சேர்ந்த ராதாகிருஷ்ணன் மகன் சந்தீப்புக்கு அண்ணா பல்கலைகழகத்தில் Electronics & Communication Engineering (ECE) பிரிவில் அரசு ஒதுக்கீட்டின் கீழ் இடம் ஒதுக்கப் பட்டது. இது எதற்கான கைமாறு என்று புரிகிறதா ? அடுத்து என்ன செய்தார் இந்த மாணிக்கம் ?


பெங்களுரில் நிலுவையில் இருக்கும் ஜெயலலிதா மீதான இரண்டாவது சொத்துக் குவிப்பு வழக்கில் தொடர்புடைய சொத்துக்கள், சென்னை Small Causes Court ஆல் attachment செய்யப் பட்டிருந்தது. 2005ல் இவ்வழக்கில் தொடர்புடைய நபர்கள், இந்த சொத்துக்களை attachment ஆணையிலிருந்து விடுவிக்க Small Causes Courtல் மனு செய்தனர். ராதாகிருஷ்ணன், சிறப்பு புலனாய்வுக் குழுவின் தலைவர் என்ற முறையில் இந்த மனுவை எதிர்த்து பதில் மனு தாக்கல் செய்திருக்க வேண்டும். ஆனால் அவ்வாறு செய்யவில்லை.

அப்போதைய எதிர்க்கட்சி தலைவரான அன்பழகன், சென்னை உயர்நீதிமன்றத்தில் மனு தாக்கல் செய்து, Small Causes Courtல் நடைபெற்று வந்த வழக்குக்கு தடை பெற்றார். இது எதற்கான கைமாறு என்று புரிகிறதா ?இப்படி ஜெயலலிதாவுக்கு ஆதரவாக செயல்பட்ட இந்த ராதாகிருஷ்ணனுக்கு, திமுக அரசு சென்னை மாநகர ஆணையர் பதவி வழங்கி கவுரவித்துள்ளது. எப்படிப்பட்ட பச்சோந்திகள் இந்த அதிகாரிகள் என்பது தெரிகிறதா ?

இதே போல் நரேந்திர பால் சிங் என்று மற்றொரு ஐபிஎஸ் அதிகாரி. அவரும், லஞ்ச ஒழிப்புத் துறையில், ஜெயலலிதாவின் அமைச்சரவை சகாக்களுக்கு எதிரான ஊழல் வழக்குகளை கவனித்து வந்தார்.

இவர் அதிமுக அமைச்சர்களான செங்கோட்டையன் மற்றும் வளர்மதிக்கு எதிரான வழக்குகளை மேல்நடவடிக்கை இன்றி, அவசர அவசரமாக முடிக்க பரிந்துரை செய்தார். இதற்கு கைமாறாக 300க்கு 229.44 மதிப்பெண்கள் பெற்ற இவரது மகள் குர்பானி சிங் என்பவருக்கு அண்ணா பல்கலைக் கழகத்தில் Computer Science and Engineering என்ற பிரிவில் அரசு ஒதுக்கீட்டில் இடம் வழங்கப் பட்டுள்ளது. பிற்படுத்தப்பட்ட வகுப்பைச் சேர்ந்த இந்த மாணவர் பெற்ற மதிப்பெண் அந்த ஆண்டின் பழங்குடியின வகுப்பினருக்கான குறைந்தபட்ச மதிப்பெண் 241.44ஐ விடக் குறைவு.

உங்களில் பலரது பிள்ளைகள் ப்ளஸ் டூ படித்தும், படித்துக் கொண்டும் இருப்பார்கள். அந்தப் பிள்ளைகள் இவ்வளவு கஷ்டப்பட்டு உழைப்பது எதற்காக ? எப்படியாவது நல்ல மதிப்பெண்கள் பெற்று, நல்ல கல்லூரியில் இடம் பெற வேண்டும், அரசுக் கல்லு£ரியில் மருத்துவம் அல்லது பொறியியல் இடம் பெற வேண்டும் என்று இரவு பகலாக படிப்பார்கள். ஆனால், இந்த அதிகாரிகள், இட ஒதுக்கீட்டின்படி, அதிக மதிப்பெண்கள் பெற்ற மாணவர்களுக்கு செல்ல வேண்டிய இடங்களை குறுக்கு வழியில் எப்படி பெறுகிறார்கள் பார்த்தீர்களா ?

இதுதான் இந்த மாணிக்கத்தின் யோக்கியதை. 18.02.2009 அன்று சென்னை காவல்துறை ஆணையாளர் அலுவலகத்தில் நடைபெற்ற கூட்டத்தில், ராதாகிருஷ்ணன் “இந்த வழக்கறிஞர்களுக்கு தக்க பாடம் புகட்ட வேண்டும். அவர்கள் கை, கால்களை உடைக்க வேண்டும்.” என்று கூறியதைக் கேட்டு சக அதிகாரிகளே அதிர்ச்சி அடைந்துள்ளனர். 20.02.2009 அன்று மறுநாள் ராதாகிருஷ்ணன் “வாய்ப்பு கிடைத்தால் மீண்டும் இந்த வக்கீல்களுக்கு பாடம் புகட்டுவோம்” என்று கூறியுள்ளார்.

இக்குற்றச்சாட்டுகள் தொடர்பாக பேராசிரியர்.பிரபா.கல்விமணி என்பவர் கடந்த நவம்பர் 2007ல் தலைமைச் செயலாளருக்கும், உள்துறைச் செயலாளருக்கும் இந்த இரு அதிகாரிகள் மீதும், அண்ணா பல்கலைக்கழகம் மீதும் சிபிஐ விசாரணைக்கு உத்தரவிடக் கோரி, புகார் மனு ஒன்றை அனுப்பினார்.

அந்த மனு மீது எந்தவொரு நடவடிக்கையும் எடுக்கப் படவில்லை என்பதனால், சென்னை உயர்நீதிமன்றத்தில் பொதுநல மனு ஒன்றை தாக்கல் செய்தார். இம்மனுவை விசாரணைக்கு ஏற்றுக் கொண்ட சென்னை உயர்நீதிமன்றம் அரசை பதில் மனு தாக்கல் செய்யச் சொல்லி கடந்த வெள்ளியன்று உத்தரவிட்டது.

இப்படிப்பட்ட, ராதாகிருஷ்ணனுக்கு இந்த கருணாநிதி அரசு வக்காலத்து வாங்குகிறது. இவரைத்தான் ராஜீவ் தவான் அரிதிலும் அரிதான மாணிக்கம் என்று புகழ்ந்துரைத்துள்ளார்.

ஒப்பாரி

நக்சலைட்டுகள் நாட்டின் பாதுகாப்புக்கு அச்சுறுத்தலா ?

நேற்று மன்மோகன் சிங் பேசிய இரு விஷயங்கள் நாம் கவனத்தில் கொள்ள வேண்டியன. ஞாயிற்றுக் கிழமை நடந்த செய்தியாளர்கள் சந்திப்பில் இந்த தேசத்தின் மிகப்பெரிய உள்நாட்டு அச்சுறுத்தல் நக்சலைட்டுகளே, வரக்கூடிய காலங்களில், நக்சலைட்டுகளுக்கெதிரான போரில் பெரும் முன்னேற்றம் ஏற்படும் என்று கூறினார். இதற்கு அடுத்து மன்மோகன் சிங் கருத்து கூறிய விஷயம், இந்தியாவில் சிஇஓக்கள் எனப்படும் தனியார் நிறுவனங்களின் தலைமை அதிகாரிகளின் ஊதியத்தை குறைக்கும் எண்ணம் அரசுக்கு இல்லை. இந்தக் கருத்து கம்பெனி விவகாரங்களுக்கான மத்திய அமைச்சர் சல்மான் குர்ஷீத் கடந்த வாரம், தனியார் நிறுவனங்களுக்கான தலைமை அதிகாரிகளுக்கான ஊதியம் பற்றி பாராளுமன்ற நிலைக் குழு பரிசீலிக்கும் என்று கருத்துக் கூறினார்.

இக்கருத்து வெளியிடப்பட்டதும், தனியார் நிறுவனங்களின் தலைமை அதிகாரிகள் பெரும் அச்சமடைந்து, இவர்களின் சம்பளம் குறைக்கப் பட்டால் இந்தியாவில் ஏதோ பெரும் பிரளயம் நடைபெற்று விடும் என்பது போல், பத்திரிக்கைகளிலும், தொலைக்காட்சிகளிலும், ப்ரைம் டைம் எனப்படும் முக்கிய நேரத்தில், அனல் பறக்கும் விவாதங்கள் நடைபெற்று வந்தன. இதையொட்டியே, மன்மோகன் சிங்கிடம் இக்கேள்வி கேட்கப் பட்டு, அதற்கு, அரசிடம் அப்படி ஒரு திட்டம் இல்லை என்று பதிலுறுத்தார்.




நக்சலைட்டுகளைப் பற்றிய கேள்விக்கு இத்தேசத்தின் மிகப்பெரிய உள்நாட்டு அச்சுறுத்தல் நக்சலைட்டுகளே. அவர்களை ஒடுக்க ராணுவம் பயன்படுத்தப் பட போவதில்லை, ஆனால் துணை ராணுவம் பயன்படுத்தப் படும் என்று கூறியுள்ளார்.




மன்மோகன் சிங் ஒரே நாளில் தெரிவித்த இந்த இரு கருத்துக்களும் மிகவும் ஆராயப்பட வேண்டியவை. நக்சலைட்டுகள் வன்முறையைப் பற்றி பிறகு பார்ப்போம். தனியார் நிறுவன தலைமை அலுவலர்களின் ஊதியம் என்ன தெரியுமா ? மாதம் குறைந்தது 50,000 முதல் பல கோடிகள் வரை. சமீபத்தில் ரிலையன்ஸ் அதிபர் முகேஷ் அம்பானி, சல்மான் குர்ஷீத் வேண்டுகோளை ஏற்று, தான் பெறும் ஊதியத்தில், மூன்றில் இரண்டு பங்கை குறைத்துக் கொண்டதாக அறிவித்தார். இரண்டு பங்கு குறைத்தவுடன், ஆண்டுக்கு இவர் ஊதியம் எவ்வளவு தெரியுமா ? 15 கோடி. குறைப்பதற்கு முன் ஆண்டுக்கு இவர் ஊதியம் எவ்வளவு தெரியுமா ? 44 கோடி.


இவர்களின் ஊதியத்தைக் குறைக்க வேண்டும் என்ற பேச்சு இவ்வளவு நாள் இல்லாமல் இப்போது ஏன் எழுந்துள்ளது ? உலகெங்கும் பொருளாதார நெருக்கடி கடுமையாக இருக்கிறது. உலகெங்கும் பல பெரிய தனியார் நிறுவனங்கள் கடும் சரிவைச் சந்தித்து திவாலாகும் நிலையில் இருக்கின்றன. இதன் தாக்கம் இந்தியாவையும் சேர்த்தே பாதித்துள்ளது.

இதன் வெளிப்பாடாகத்தான், விமானத்திலும், ரயிலிலும் சாதாரண வகுப்பில் பயணம் செய்து சிக்கன நடவடிக்கையில் ஈடுபடப் போவதாக ஐக்கிய முன்னணி அரசாங்கத்தின் பல அமைச்சர்கள் இது போன்ற ஸ்டண்டுகளில் ஈடுபட்டு வருகின்றனர்.

இந்த சூழ்நிலையில்தான் தனியார் நிறுவனங்களின் தலைமை செயல் அலுவலர்களின் ஊதியத்தை குறைக்க வேண்டும் என்ற இந்த விவாதம். இதைத் தொடர்ந்து தான் மன்மோகன் சிங் தனியார் நிறுவனங்களுக்கு, தலைமை அதிகாரிகளின் ஊதியத்தை குறைக்க சட்டம் கொண்டு வரும் திட்டம் இல்லை என்று உத்தரவாதம் அளித்துள்ளார்.
நக்சலைட்டுகளின் வன்முறையை பற்றி அவர் கூறிய கருத்தும் விவாதத்துக்கு உரியது தான்.

இந்த தேசத்தின் மிகப்பெரிய உள்நாட்டு பாதுகாப்புக்கான அச்சுறுத்தல் நக்சலைட்டுகள் என்றால், இத்தகைய சூழ்நிலைகளை உருவாக்கியது யார் ?
சுதந்திரம் பெற்று 60 ஆண்டுகளாகியும், இத்தேசத்தில் வறுமை இன்னும் தலைவிரித்து ஆடுகிறதே !



ராஜீவ் பிரதமராக இருந்த போது ஏழை மக்களுக்கான திட்டங்களில் ஒரு ரூபாயில் 16 பைசா மட்டுமே அவர்களை சென்றடைகிறது, மீதமுள்ள தொகை அனைத்தும் ஊழல் அதிகாரிகள் மற்றும் அமைச்சர்களால் களவாடப்படுகிறது என்று கூறினார்.

கடந்த வாரம் திட்டக்குழுவின் துணைத்தலைவர் மான்டேக் சிங் அலுவாலியா ராஜீவ் தெரிவித்த கருத்து இன்னும் உண்மைதான் என்று கூறினார். இந்த சூழ்நிலை மாறாமல் இருப்பதற்கு யார் காரணம் ?



நக்சலைட்டுகள் யாரை எதிர்த்துப் போராடுகிறார்கள் ? ஊழலில் புரையோடிப் போயிருக்கும் இந்த அதிகார வர்க்கத்தை எதிர்த்துதானே ?


எந்த ஒரு ஆயுதப் போராட்டமும், மக்கள் ஆதரவு இல்லையென்றால், நெடுநாள் தாக்குப் பிடிப்பது இயலாத காரியம். வட மாநிலங்களிலும், ஆந்திராவிலும் வேர் பிடித்துள்ள நக்சல் இயக்கம், தமிழ்நாட்டிலும், இதர சில மாநிலங்களிலும் வலுவாக வளராததே இதற்கு ஒரு உதாரணம்.

சட்டீஸ்கர், ஒரிஸ்ஸா, மகாராஷ்டிரம், ஆந்திரா, பீகார், மத்திய பிரதேசம் ஆகிய மாநிலங்களில், நக்சலைட்டுகள் மிகுந்த பலத்தோடு வளர்ந்து நிற்பதற்கு யார் காரணம் ?

நக்சல் இயக்கம் வளர்வதற்கு அடிப்படை காரணத்தை ஆராயாமல், சல்வா ஜுடும் என்ற ஆதிக்க சாதியினரின் கூலிப்படையை அரசே அமைத்து, அவர்களுக்கு ஆயுதம் வழங்கி, தலித்துகள் மீதும் மலைவாழ் மக்கள் மீதும் கடும் வன்முறையை கட்டவிழ்த்து விட்டது இந்த அரசு.

இதன் எதிர்வினையே மக்கள் நக்சல் இயக்கங்களைத் தேர்ந்தெடுத்தது.
“இந்தியாவின் மீது போர்” என்று வட இந்திய ஊடகங்கள், நக்சல் இயக்கங்கள் தாக்குதல் நடத்தும் போதெல்லாம் கூப்பாடு போடுகின்றன.


இந்தியாவின் அண்டை நாடான இலங்கை 1983ம் ஆண்டு முதல் ஏறக்குறைய 400 தமிழக மீனவர்களை சுட்டுக் கொன்றிருக்கிறது. விடுதலைப் புலிகள் அச்சுறுத்தல் முடிந்தவுடன் கூட, மீனவர்கள் மீதான தாக்குதல் அன்றாடம் தொடர்ந்த வண்ணமே இருக்கிறது. இந்திய கடலோர பாதுகாப்புப் படையும், இந்தியக் கடற்படையும், இதைக் கண்டுகொள்ளாமல் பாராமுகமாய் இருந்து வருகின்றன. இதைத் தடுக்க வேண்டிய மத்திய அரசும் மாநில அரசும், தங்களுக்குள் கடிதம் எழுதி உரையாடிக் கொண்டிருக்கின்றன.


இந்நிலையில், தமிழக மீனவன் தன்னைப் பாதுகாத்துக் கொள்ள ஆயுதம் தூக்கினால் அதில் என்ன தவறு இருக்க முடியும் ? இதைத்தான் தலித்துகளும், மலைவாழ் மக்களும் செய்கிறார்கள். தங்களது வாழ்வாதாரங்களையும், தங்களது உயிரையும் பாதுகாக்காத, இந்த அரசுகளை எதிர்த்து ஆயுதம் தூக்குவதைத் தவிர அவர்களுக்கு வேறு என்ன வழி இருக்கிறது ?

பாபர் மசூதி இடிக்கப் பட்டு 17 ஆண்டுகள் ஆகியும் இன்னும் அதற்காக ஒருவர் கூட தண்டிக்கப் படவில்லை என்றால், இசுலாமிய சமுதாயத்தைச் சேர்ந்தவர் மனநிலை எப்படி இருக்கும் ?

1984 சீக்கியருக்கெதிரான கலவரத்தில் 4000 சீக்கியர்கள் படுகொலை செய்யப் பட்டதற்கு ஒருவர் கூட இது வரை தண்டிக்கப் படவில்லை என்றால் சீக்கியனின் மனநிலை எப்படி இருக்கும் ?


இப்பிரச்சினையின் வேரை ஆராய்ந்து அதைக் களையாமல் இன்னும் லட்சக்கணக்கான ராணுவத்தை கொண்டு வந்து இந்த அரசாங்கங்கள் மக்கள் மீதான ஒடுக்கு முறையை கையாளுமேயானால், இந்த இயக்கங்கள் மேலும் தீவிரமாக வளருமே தவிர குறையாது.

இத்தேசத்தின் மிகப்பெரிய உள்நாட்டு பாதுகாப்புக்கான அச்சுறுத்தல், இந்த அரசியல்வாதிகள்தானே தவிர நக்சரைட்டுகள் அல்ல ! இந்த அரசியல்வாதிகள் தான், இத்தேசத்தை இத்தகைய மோசமான நிலையில் வைத்திருப்பதன் காரணம்.

ஒப்பாரி

தமிழக அரசே செங்கல்பட்டு பூந்தமல்லி வதை முகாம்களை இழுத்து மூடு !

செங்கல்பட்டு பூந்தமல்லி (அகதி) முகாம்களை இழுத்து மூட வலியுறுத்தி கோட்டை முன் ஆர்ப்பாட்டம்

செங்கல்பட்டு மற்றும் பூந்தமல்லியில், ஈழ அகதிகளுக்காக சிறப்பு முகாம் இயங்கி வருகிறது. நடைமுறையில் இது அகதிகள் முகாம் அல்ல ! இது சிறைச்சாலையே ! இந்த முகாம்களில் இருப்பவர்களைக் காண வழக்கறிஞர்கள் கூட காவல்துறை மற்றும் வட்டாட்சியர் அனுமதியோடுதான் காண இயலும். இம்முகாம்களில் இருப்பவர்கள் மருத்துவமனைக்குச் செல்வதென்றால் கூட, காவல்துறையினரின் பாதுகாப்போடுதான் செல்ல இயலும்.

செங்கல்பட்டு முகாமில் தற்பொழுது 58 பேர் அடைத்து வைக்கப் பட்டுள்ளனர். பூந்தமல்லி முகாமில் 12 பேர் அடைத்து வைக்கப் பட்டுள்ளனர். இலங்கையில் உள்ள வதை முகாம்களை மூட வேண்டும், தமிழர்கள் விடுவிக்கப் படவேண்டும் என்று நீலிக்கண்ணீர் வடிக்கும் தமிழக அரசு, தனது கட்டுப்பாட்டில் உள்ள ஈழத் தமிழர்களை கடும் பாதுகாப்போடு, இந்த வதை முகாம்களில்தான் அடைத்து வைத்துள்ளது.

இந்த இரு முகாம்களில் உள்ள ஈழத் தமிழர்களின் ஒரே கோரிக்கை, தமிழகத்தின் மற்ற முகாம்களில் உள்ள தங்கள் குடும்பத்தினரோடும் உறவினர்களோடும் சேர்ந்து வாழ அனுமதிக்க வேண்டும் என்பதுதான். ஆனால் இவர்கள் மீது வழக்கு நிலுவையில் இருக்கிறது என்ற காரணத்தைக் காட்டி தமிழக அரசு இவர்களை இந்த சிறப்பு முகாமை விட்டு வெளியில் விட மறுத்து வருகிறது. இந்த கோரிக்கைக்காக கடந்த ஜுலை மாதம் 23ம் தேதி முதல் 8 நாட்கள் உண்ணாவிரதம் இருந்தனர். இதையடுத்து, ஒரு சிலரை வேறு முகாம்களுக்கு மாற்ற அனுமதித்த அரசு ஒரு மாதத்துக்குள் மற்றவர்களின் வழக்குகளை விரைவாக முடித்து, திறந்தவெளி முகாம்களுக்கு மாற்றுவதாக உறுதியளித்தது.

ஆனால் இந்த உத்தரவாதத்தை தமிழக அரசு வசதியாக மறந்து விட்டது. இதையடுத்து, இங்குள்ள அகதிகள் செப்டம்பர் மாதம் 20ம் தேதி முதல் காலவரையற்ற உண்ணாவிரதப் போராட்டம் நடத்தி வருகின்றனர். இவ்வாறு உண்ணாவிரதம் இருப்பவர்களை ஏறக்குறைய 15 நாட்களாக கண்டு கொள்ளாமல் அலட்சியமாக இருந்து வருகிறது.

இந்த முகாம்களில் இருப்பவர்களுக்கு ஒரு நாளைக்கு 45 ரூபாய் வழங்கப் படுகிறது. இந்த 45 ரூபாயை வைத்துக் கொண்டு இந்த அகதிகள் என்ன செய்வார்கள் ? இந்த இரு முகாம்களிலும் எந்தவித அடிப்படை வசதிகளும் இல்லை. இப்படி இந்த வதை முகாம்களில் இருக்கும் ஈழத் தமிழர்களை உடனடியாக விடுதலை செய்து தமிழக அரசு ஆணை பிறப்பிக்க வேண்டும். இந்த வதை முகாம்கள் உடனடியாக இழுத்து மூடப்படவேண்டும்.

இதை வலியுறுத்தி, வரும் 07.10.2009 புதன்கிழமை அன்று காலை 10.00 மணிக்கு தலைமைச் செயலகம் முன் கண்டன ஆர்ப்பாட்டம் நடைபெற இருக்கிறது. இம்மாநாட்டில் பங்குபெற்று கண்டன முழக்கம் நிகழ்த்த இருப்பவர்கள்....

தோழர் கொளத்தூர் மணி. பெரியார் திராவிடர் கழகம்

புதுக்கோட்டை பாவாணன், தமிழர் கழகம்

தோழர் பெ.மணியரசன், தமிழ் தேசப் பொதுவுடமை கட்சி

தோழர் தியாகு, தமிழ் தேசிய விடுதலை இயக்கம்

தோழர் தமிழ்நேயன், தமிழக ஒடுக்கப் பட்டோர் விடுதலை இயக்கம்

தோழர் வெங்கடாச்சலம், அனைத்துக் கல்லூரி மாணவர் கூட்டமைப்பு

தோழர் பாலன், முத்துக்குமார் எழுச்சி இயக்கம்

தோழர் காமராசு, நாம் தமிழர் இயக்கம்

தோழர் பா.புகழேந்தி, தமிழக மக்கள் உரிமைக் கழகம்

அனைவரும் தவறாமல் கலந்து கொள்ள வேண்டுகிறோம்