களத்துக்கு வந்த ஜாபர். வரவேற்கும் கழகம்.

இத்தனை நாட்களாக நிழல் யுத்தம் நடத்திக் கொண்டிருந்த ஜாபர் சேட், களத்துக்கு வந்து விட்டார். களத்துக்கு வந்த ஜாபரை, சவுக்கும், தமிழக மக்கள் உரிமைக் கழகமும் வருக வருகவென வரவேற்கிறது. நிழல் யுத்தம் நடத்துவது எங்களுக்கும் பிடிக்கவில்லை சார். வீரனுக்கு அழகு, நேரடி யுத்தம் செய்வது. அந்த வகையில் களத்துக்கு வந்த ஜாபர் சேட் அவர்களை வீரன் என்று சொல்லலாம் தான்.

சட்டவிரோதமாக தொலைபேசி ஒட்டுக் கேட்பு செய்கிறார் என்று தமிழக மக்கள் உரிமைக் கழகத்தின் செயலர் புகழேந்தி கொடுத்த புகாரும், இது தொடர்பாக ஊடகங்களுக்கு அவர் அளித்த நேர்காணல்களும், தனக்கு பெரும் மன உளைச்சலும், அவமானமும் ஏற்பட்டிருப்பதாகவும் இதற்கு ஈடாக தனக்கு 50 லட்ச ரூபாய் நஷ்ட ஈடு வழங்க வேண்டும் என்று சென்னை உயர்நீதிமன்றத்தில் வழக்கு தொடர்ந்திருக்கிறார் ஜாபர் சேட். (என்ன ஜாபர் சார், உங்க மானத்தோட விலை வெறும் 50 லட்சம் தானா ? அப்போ 60 லட்ச ரூபா கொடுத்தா மானத்த வித்துட்டு மானங்கெட்ட மனிதரா ஆயிடுவீங்களா ?)

இந்த மனுவை விசாரணைக்கு ஏற்றுக் கொண்ட சென்னை உயர்நீதிமன்றம் ஜாபர்சேட்டின் சட்டவிரோத தொலைபேசி ஒட்டுக் கேட்பு தொடர்பாக புகழேந்தி ஊடகத்திற்கு பேட்டி கொடுக்கவும், புகார் கொடுக்கவும், எட்டு வார காலத்திற்கு தடை விதித்து உத்தரவிட்டுள்ளது.

நீதிமன்ற உத்தரவை நீங்கள் மதிக்கிறீர்களா ஜாபர் ? நீதிபதிகளையும் வழக்கறிஞர்களையும், நீதிமன்ற வளாகத்திற்குள்ளேயே நுழைந்து தாக்குவதற்கு காரணமானவர்கள் நீங்களும் உங்கள் உடன் பிறவா சகோதரர் ராதாகிருஷ்ண நாயுடுவும் தானே ? இப்போது எதற்காக நீதிமன்றத்திற்கு வருகிறீர்கள். உங்களுக்கு தேவையென்றால் நீதிமன்றம் வருவீர்கள். தேவையில்லாத போது, நீதிபதிகளையே தாக்குவீர்கள். அப்படித் தானே.




புகழேந்தி சொல்வது இருக்கட்டும். இப்போது சவுக்கு சொல்கிறது. சட்டவிரோத தொலைபேசி ஒட்டுக் கேட்புக்கு காரணம் நீங்கள் தான். இந்த சட்டவிரோத ஒட்டுக் கேட்பு இன்னும் நடந்து கொண்டிருக்கிறது. உளவுத்துறை தலைவர் என்ற முறையில் இப்போது நடைபெறும் சட்டவிரோத தொலைபேசி ஒட்டுக் கேட்புக்கு காரணம் ஜாபர்சேட். ஜாபர்சேட். ஜாபர்சேட். போதுமா கோர்ட்ல சொல்றது போலவே மூன்று முறை சொல்லியாச்சு. உரிய விசாரணை நடத்தாமல் நீங்கள் காரணம் இல்லை என்று சொல்வது ஏற்றுக் கொள்ள முடியாது.

இந்த வழக்கின் மூலமான இரண்டு நன்மைகள். ஒன்று, 50 லட்ச ரூபாய்க்கு நீதிமன்ற கட்டணமாக குறைந்தது 50 ஆயிரம் ரூபாய் கட்ட வேண்டும். மூத்த வழக்கறிஞர் ஆஜரானால், ஒரு முறை ஆஜராவதற்கு ஒரு லட்சம் முதல் ஐந்து லட்சம் வரை செலவாகும். இதையும் ரகசிய நிதியிலிருந்துதான் எடுத்துக் கட்டியிருப்பீர்கள் என்றாலும், உங்களுக்கு இப்படி ஒரு செலவை இழுத்து விட்டதில், சவுக்குக்கு அலாதி இன்பம்.

அடுத்து, சட்ட விரோதமாக தொலைபேசி ஒட்டுக் கேட்கப் படுகிறது. இதற்கு காரணம் உளவுத்துறை ஐஜி ஜாபர் சேட். ரகசிய நிதியை கையாடல் செய்திருக்கிறார் என்று ஜாபர் சேட் மீது புகார். இந்த புகார் என்ன ஆயிற்று என்று தமிழக மக்கள் உரிமைக் கழகத்திற்கு இது நாள் வரை தெரியவில்லை.





இப்போது ஜாபர் சேட் தாக்கல் செய்திருக்கும் அபிடவிட் வாயிலாக அறிந்த செய்தி என்னவென்றால், ஜாபர் சேட்டைப் பற்றி கொடுத்த புகாரின் மீது கருத்து சொல்லுமாறு, ஜாபர்சேட்டிடமே கேட்டிருக்கிறார் உள்துறை செயலாளர் மாலதி. உலகில் எங்கேயாவது எவ்வித விசாரணையும் நடத்தாமல் குற்றம் சாட்டப் பட்ட நபரிடம் கருத்து கேட்டு புகாரை மூடுவதை கேள்விப் பட்டிருக்கிறீர்களா ? இப்படித்தான் நடந்துள்ளது என்று முதல் முறையாக ஒரு ஆவணம் கிடைத்துள்ளது. இது ஜாபர் சேட் மீது வழக்கு தொடர பயன்படும்.

அடுத்து ஜாபர் சேட் தனது அபிடவிட்டில் என்னென்ற சொல்லியிருக்கிறார் என்பதை ஒவ்வொன்றாக பார்ப்போம்.

1986ல் பணியில் சேர்ந்த ஜாபர் சேட் 23 ஆண்டுகளாக அப்பழுக்கற்ற பணி ஆற்றியிருக்கிறாராம். ஆளும் வர்க்கத்திற்கு அல்லக்கையாக இருந்தால் அப்பழுக்கற்ற அரசு ஊழியராகத்தான் இருப்பீர்கள். உமாசங்கர் போல ஊழலை வெளியிட்டால் இடைநீக்கம் செய்யப் படுவீர்கள். நீங்கள்தான் கருணாநிதி கைதிலும் முக்கியப் பங்கு வகித்து விட்டு கருணாநிதிக்கே நெருக்கமாக இருக்கும் சூட்சுமம் அறிந்தவராயிற்றே.

1999ல் இவருக்கு முதல்வர் பதக்கம் வழங்கப் பட்டதாம். சார் 1999 ல நீங்க கருணாநிதியோட செக்யூரிட்டி எஸ்.பி. உங்களுக்கு மெடல் குடுக்காம வேற யாருக்காவது கொடுத்தா விட்டுருவீங்களா நீங்க. அது இல்லாமல், ஐபிஎஸ் லிஸ்ட்டை எடுத்துப் பார்த்தீர்களேயானால் அதில் இருக்கும் அத்தனை பேருக்கும் இந்த மெடல் கொடுக்கப் பட்டிருக்கும். என்னமோ உங்களுக்கு மட்டும் தான் கொடுத்திருக்கறது மாதிரி பீத்திக்கிறீங்க ?




2006ல் இவருக்கு ஜனாதிபதி பதக்கம் வழங்கப் பட்டதாம். சவுக்கு வாசகர்களே. இந்த ஜனாதிபதி பதக்கம் எல்லாம் ஐபிஎஸ் ல் இருக்கும் அனைவருக்குமே பாரபட்சம் பார்க்காமல் வழங்கப் படுவது. லஞ்ச ஒழிப்புத் துறை விசாரணை நிலுவையில் இருந்தால் மட்டுமே வழங்கப் படமாட்டாது. இந்த நபர் கோர்ட்டை ஏமாற்றுவதற்காக என்னமோ இந்தியாவுலயே இவுருதான் பெரிய அப்பாடக்கரு மாதிரி சீன் போட்றாரு.

மாநில உளவுத் துறைக்கு தலைவர் பொறுப்பேற்றதும் தமிழகத்தை அமைதிப் பூங்காவாக வைத்திருக்கிறேன் என்று கூறுகிறார் ஜாபர் சேட். தமிழகம் எப்படி அமைதிப் பூங்காவாக இருக்கிறது என்பதும், உளவுத்துறையில் நீங்கள் ஆற்றிய பணி என்ன என்பதையும், உங்கள் பாத்ரூம் வரையில் வந்து சவுக்கு எழுதியிருக்கிறது.

அவுட்சார் டெக்னாலஜிஸ் என்ற நிறுவனத்தோடு இணைந்து நீங்கள் சட்டவிரோத ஒட்டுக் கேட்பை செய்து வருவதாக கொடுத்த புகாரில் உண்மை இல்லை என்று கூறியிருக்கிறீர்கள். இந்த விபரங்கள் அனைத்தும் அவுட்சார் டெக்னாலஜிஸ் நிறுவனத்தில் ஒரு விரிவான விசாரணை நடத்திய பிறகே முடிவு செய்ய இயலும். விசாரணையே நடத்தாமல் நீங்கள் இல்லை இல்லை என்று கூப்பாடு போட்டாலும் ஏற்பதற்கில்லை.

ஆடிட் செய்யப் படாத ரகசிய நிதியிலிருந்து நீங்கள் இந்நிறுவனத்திற்கு நிதி வழங்குகிறீர்கள் என்ற குற்றச் சாட்டும் ரகசிய நிதியின் கணக்கு வழக்குகளை ஒரு நீதிபதி தலைமையிலான குழு விசாரித்த பிறகுதான் எதற்கு எவ்வளவு தொகை ரகசிய நிதியிலிருந்து செலவிடப் பட்டிருக்கிறது என்பது தெரிய வரும்.



மிக நேர்மையாகவும், ஒழுக்கமாகவும் பணி செய்து வரும் ஜாபர் சேட்டுக்கு களங்கம் கற்பிக்கும் வகையில் இந்தப் புகாரை புகழேந்தி தெரிவித்திருப்பதாக கூறியிருக்கிறார் ஜாபர் சேட். இவரது ஒழுக்கத்திற்கு ஒரு உதாரணத்தைப் பார்ப்போம்.

சமீபத்தில் கோவையில் திமுக பொதுக்கூட்டம் நடைபெற்ற தல்லவா ? அந்தக் கூட்டம் நடந்து கொண்டிருக்கையில், திடீரென்று ஜாபர் சேட் காணாமல் போகிறார். ஒன்றரை மணி நேரத்திற்கும் அதிகமாக காணவில்லை. ஒன்றரை மணி நேரம் கழித்து ரெசிடென்சி டவர்ஸ் ஹோட்டலுக்கு வருகை தருகிறார்.

அப்போது நிற்க முடியாத அளவுக்கு ‘நிதானத்தில்‘ இருக்கிறார். பிறகு அந்த ஹோட்டலை விட்டு கிளம்பி, தொண்டாமுத்தூரில் உள்ள ஒரு பண்ணை வீட்டுக்கு செல்கிறார். அந்த பண்ணை வீட்டில் ஒரு ‘ரேவ்‘ பார்ட்டி நடக்கிறது. அங்கே வேறு என்ன என்ன நடந்தது என்பதும் சவுக்குக்கு தெரியும் என்றாலும் நாகரீகம் கருதி அதைச் சொல்ல விரும்பவில்லை. இரவு முழுவதும் ஆட்டம் பாட்டம் கொண்டாட்டம்.

பொழுது விடிந்ததும் ஜாபரால் எழுந்திருக்கவே முடியவில்லை. பயங்கர ஹேங் ஓவர். (என்ன சார் ஐபிஎஸ் படிச்சிருக்கீங்க. சரக்கு சரியா மிக்சிங் பண்ணத் தெரியலையே ? சரியா மிக்சிங் பண்ணியிருந்தா ஹேங் ஓவர் வந்துருக்காதுல்ல ?) காலை 11.30 வரை ஜாபர் எழுந்திருக்கவில்லை. தொடர்ச்சியாக வந்த தொலைபேசி அழைப்புகளையும் அட்டென்ட் செய்யவில்லை. மதியம் 1.30க்கு முதல்வரின் விமானம் கிளம்புகிறது என்பதால் வேறு வழியின்றி, ஜாபரை உலுக்கி, எழுப்பி, தொண்டாமுத்தூர் பண்ணை வீட்டிலிருந்து அனுப்பி வைத்தார்கள் என்பதுதான் உளவுத் துறை தகவல்.

ஜாபர் சார், நீங்கள் ஒரே நாளில் மலையாளம் கற்றுக் கொள்ள எடுத்த முயற்சிகளும் சவுக்குக்கு தெரியும். ஆனால் நாகரீகம் கருதி இதையெல்லாம் சொல்லவில்லை. உங்கள் கதையை பேசினால் நாறி விடும். அதனால் நேர்மையான ஒழுக்கமான அதிகாரி என்று நீதிமன்ற அபிடவிட்டில் புளுகுவதை நிறுத்துங்கள்.

இதற்கு அடுத்து, ஜாபர் டீம் இறங்கிய களம் கல்வி. கலவி இல்ல சார் கல்வி. கல்வி. கடந்த ஆண்டைப் போல இல்லாமல் பள்ளிக் கல்வி கட்டணங்களை சீரமைக்கும் கோவிந்தராஜன் குழுவின் அறிக்கை அடுத்த ஆண்டு முதல் அமல்படுத்தப் படும் என்று ஒரு குழுப்பம் வந்ததல்லவா ? அந்த குழப்பத்தின் பின்னால் இருப்பது ஜாபரும், போலிப் பாதிரியும். இவர்கள் இருவரும், கட்டண விகிதங்களை உயர்த்தி கோவிந்தராஜன் குழுவின் பரிந்துரைகளை அடுத்த ஆண்டு முதல் செய்ய ஏற்பாடு செய்கிறோம் என்று கூறி, சென்னை மற்றும் தமிழகமெங்கும் உள்ள மெட்ரிக்குலேஷன் பள்ளிகளில் முதலாளிகளிடம் ஒரு பெரும் தொகையை வசூல் செய்துள்ளனர். இந்த வசூலுக்கு தலைமைப் பொறுப்பேற்றிருப்பது, ஒரு பெண் பெயரில் இயங்கும் ஒரு பெரிய கல்விக் குழுமத்தின் முதலாளி.

இவ்வாறு வசூல் செய்து இவர்கள் கொடுத்தவுடன், அடுத்த ஆண்டு முதலே புதிய கல்விக் கட்டணம். இந்த ஆண்டு பழைய கட்டணம் என்று அறிவிப்பு வந்தது. தேர்தல் ஆண்டில் பெற்றோரின் அதிருப்தியை இது அதிகரிக்கும் என்பதால், அந்தர் பல்டி அடித்தார் கருணாநிதி. இல்லை இல்லை. கோவிந்தராஜன் குழு பரிந்துரைப் படிதான் இந்த ஆண்டும் கல்விக் கட்டணம் நிர்ணயிக்க வேண்டும் என்று விளக்கம் வந்தது.

சரி. பணம் கொடுத்தவன் சும்மா இருப்பானா ? பணத்தை திருப்பி கேட்க ஆரம்பித்து விட்டார்கள். இப்போது போலிப் பாதிரியும், ஜாபரும் பணத்தை எப்படி திருப்பிக் கொடுப்பது என்று விழித்துக் கொண்டு இருக்கிறார்கள். இதற்கு நடுவே, இந்த வசூல் வேட்டை நடக்கும் போது, போலிப் பாதிரி ஜாபருக்கு தெரியாமல் ஒரு ‘உள் கட்டிங்‘ போட்டு விட்டதாக வேறு ஒரு உபரித் தகவல்.

சட்டவிரோத ஒட்டுக் கேட்பை ஜாபர் சேட் செய்கிறார் என்று புகார் தெரிவித்திருந்ததால் பல்வேறு அதிகாரிகளும் இது உண்மையா என்று ஜாபர் சேட்டிடம் கேட்கிறார்களாம். இதனால் அவருக்கு அவமானமாக போய் விட்டதாம். திருச்சிக்கு மாறுதல் வந்ததையே தாங்கிக் கொள்ள முடியாமல் முத்துக்கருப்பன் காலில் விழுந்து கதறியவர்தானே நீங்கள் ? நீங்களா மான அவமானங்களைப் பற்றிப் பேசுவது ?

அரசு அனுமதி இல்லாமல் ஒருவருடைய தொலைபேசியையும் ஒட்டுக் கேட்க முடியாது என்றும், இது பொய்ப்புகார் என்றும் தெரிவித்திருக்கிறார் ஜாபர். அரசு அனுமதி பெறாமல் சட்டவிரோதமாக ஒட்டுக் கேட்பு நடக்கிறது என்பதுதானே புகார் ? அரசு அனுமதி பெற்று உளவுத் துறை பத்திரிக்கையாளர்கள், வழக்கறிஞர்கள், மனித உரிமை ஆர்வலர்கள், அரசியல் பிரமுகர்கள் தொலைபேசிகளை ஒட்டுக் கேட்டால், இந்த ஆட்சியே கவிழ்ந்து விடும். நீங்கள் சட்டவிரோதமாக ஒட்டுக் கேட்கிறீர்கள் என்பதுதானே புகார் ?

சீமான் மீது தேசிய பாதுகாப்புச் சட்டம் பாய்ந்ததற்கான காரணம் என்ன ? நீங்கள் சீமானின் தொலைபேசியை ஒட்டுக் கேட்டு, பதிவு செய்து, சீமான் கருணாநிதியை தமிழின துரோகி என்று பேசியதை கருணாநிதியிடம் போட்டுக் காட்டியதால் வந்த கோபம் தானே தேசிய பாதுகாப்புச் சட்டம் பாய்ந்ததற்கான காரணம் ?

ஜாபர்சேட்டிடம் பணம் பறிப்பதற்காகவே புகழேந்தி இப்படிப் பட்ட ஒரு புகாரை தெரிவித்திருப்பதாக கூறியிருக்கிறார்.

ஊரில் உள்ள அனைவரையும் உங்களைப் போலவே கீழ்த்தரமான புத்தி உடையவர் என்று தயவு செய்து நினைக்காதீர்கள். புகழேந்தியைப் பற்றி உலகத்திற்கும் தெரியும், நீதிபதிகளுக்கும் தெரியும்.

புகழேந்தி உங்களைப் போல ஈஞ்சம் பாக்கத்தில் 3000 சதுர அடிக்கு வீட்டு மனை வைத்துக் கொண்டு, வீட்டு வசதி வாரியத்தில் சொந்த வீடே இல்லை என்று பொய் சொல்லி அரசை ஏமாற்றி, திருவான்மியூரில் அடுக்கு மாளிகையை கட்டி விற்கவில்லை.

க்ளாசிக் ஃபார்ம்சில் நீங்கள் வைத்திருக்கும் 3000 சதுர அடி மனை, இப்போது சிக்கலை ஏற்படுத்தப் போகிறது என்று, அவசர அவசரமாக 65 லட்ச ரூபாய்கு அதை விற்றுத் தருமாறு, விஸ்வநாதன் என்ற ப்ரோக்கரிடம் கெஞ்சிக் கொண்டிருக்கவில்லை.

புகழேந்தி உங்களைப் போல ரகசிய நிதியிலிருந்து 25 ஆயிரம் ரூபாய்க்கு சீன வாஸ்து மீனை வாங்கி அறையில் வைத்துக் கொண்டு, அந்த மீன் தனது பதவியை காப்பாற்றும் என்று நம்பிக் கொண்டிருக்கவில்லை.

புகழேந்தி உங்களைப் போல முக்கிய பிரமுகர்கள், தங்களுக்கு நெருக்கமான பெண்களுடன் நடத்தும் உரையாடலை பதிவு செய்து அதை கருணாநிதியிடம் போட்டுக் காட்டி, அதன் மூலம் தன் பதவியை தக்கவைத்துக் கொண்டவர் இல்லை.

புகழேந்தி உங்களைப் போல ஒரே நாளில் மலையாளம் கற்றுக் கொள்ள முயற்சி செய்தவர் இல்லை.

புகழேந்தி உங்களைப் போல 2001ல் திமுக ஆட்சி போனதும் முத்துக்கருப்பன் காலில் விழுந்து ஜெயலலிதா மூலமாக சென்னையில் போஸ்டிங் வாங்கிக் கொண்டு, மீண்டும் திமுக ஆட்சி வந்ததும் திமுக வட்டச் செயலாளர் போல நடந்து கொள்ள வில்லை. முத்துக்கருப்பன் முதுகில் குத்தவும் இல்லை.


புகழேந்தி உங்களைப் போல முதல்வரின் பாதுகாப்பு வேலையை விட்டு விட்டு, தொண்டாமுத்தூரில் ரேவ் பார்ட்டியில் கலந்து கொண்டு ஹேங் ஓவரில் 11.30 மணி வரை உறங்கவில்லை.



புகழேந்தி தன்னுடைய பதவியை காப்பாற்றிக் கொள்வதற்காக இன்ஸ்பெக்டர் பாண்டியனிடம் ‘என்னைப் பற்றி அய்யாவிடம் சொல்லு‘ என்று பாண்டியன் தயவிலேயே வாழ்க்கையை நடத்தி விட்டு, பாண்டியனுக்கு இரண்டு கோடி வீட்டு மனை கிடைத்ததும், அந்த தகவலை மருத்துவர் ராமதாசுக்கு சொல்லவில்லை.

புகழேந்தி தன்னைப் பற்றி புகழ்ந்து எழுதும் படி ஒரு வார இதழின் நெருக்கடியை பயன்படுத்தி நாலு பக்கத்திற்கு ஒரு கடைந்தெடுத்த அயோக்கியனை வைத்து சுய தம்பட்டம் அடித்துக் கொள்ளவில்லை.

நீங்கள் சொன்ன மற்றவற்றையெல்லாம் பொறுத்துக் கொள்ளலாம். புகழேந்தி உங்களிடம் பணம் பறிப்பதற்காக இந்தப் புகாரை கொடுத்துள்ளார் என்று சொன்னதுதான் இருப்பதிலேயே அயோக்கியத்தனம். அதுவும், புகழேந்திக்கு உங்கள் நண்பர் மூலமாக ஒரு பெரிய தொகையை நீங்கள் லஞ்சம் கொடுக்க முயற்சி செய்து, அது தோல்வியடைந்த பிறகு இந்தக் குற்றச் சாட்டை சொல்வது, கடைந்தெடுத்த அயோக்கியத்தனம்.

இந்த அயோக்கியத்தனத்துக்கான விலையை நீங்கள் கொடுக்க வேண்டி வரும் ஜாபர் சேட். பொறுத்திருந்து பாருங்கள். தமிழக மக்கள் உரிமைக் கழகத்தின் அடுத்தடுத்த நடவடிக்கைகளை.

சவுக்கு

தர்மபுரம் ஆதீனம் மீது பரபரப்பு பாலியல் புகார்.

நாகப்பட்டினம் மயிலாடுதுறையில் உள்ள தர்மபுரம் ஆதினம் மடத்தின் மீது பரபரப்பு பாலியல் குற்றச் சாட்டு எழுந்துள்ளது. இந்த சம்பவம் குறித்து காவல்துறை உரிய விசாரணை நடத்தினால் பல திடுக்கிடும் உண்மைகள் அம்பலமாகும் என்று தெரிகிறது.
சென்னை கே.கே.நகரில் அஷோக் குமார் என்பவரின் குடும்பம் வசித்து வந்த்து.

இந்த அஷோக் குமார், தனது மனைவி லதா மற்றும் ஆனந்தகிருஷ்ணன் மற்றும் மகள் ஐஸ்வர்யா ஆகியோரோடு வசித்து வந்தார். 2009 ஜனவரியில், அஷோக் குமார், ஒரு விபத்தில் மரணமடைந்தார். கணவர் இறந்த்தும், அவரது மனைவி லதா தனது பிள்ளைகளோடு மயிலாடுதுறையில் தனது பெற்றோரோடு வசிப்பதற்காக சென்று விடுகிறார். மயிலாடுதுறையில் தங்கியிருந்த லதா, சிவனின் மேல் ஈடுபாடு கொண்டு, தர்மபுரம் ஆதீனத்தின் தேவார பாடல் வகுப்புகளில் தனது பிள்ளைகளோடு கலந்து கொள்கிறார்.

சிறுவன் அனந்தகிருஷ்ணன்

சிறிது காலம் கழித்து, ஆதீன வளாகத்திலேயே தனது பிள்ளைகளோடு குடி போகிறார். ஆதீன வளாகத்திற்குள் சென்றவுடன், ஒரு மாதம் கழித்து 15 வயதான இவரது மகன் அனந்தகிருஷ்ணனை பெரிய ஆதீனமும், அவருக்கு அடுத்து இரண்டாம் நிலையில் உள்ள இரண்டு தம்பிரான் சுவாமிகளும் வேலை வாங்கத் தொடங்கினர். ஆரம்பத்தில் எடுபிடியாக இருந்த வேலை, சிறிது காலம் கழித்து, தம்பிரான்களுக்கு கால் பிடித்து விடுவது, தம்பிரான்கள் குளிக்கும் போது அவர்களின் நீண்ட சடை முடி நனையாமல் பிடித்துக் கொள்வது என்று தொடர்ந்துள்ளது.

அவர்கள் குளித்து முடித்தவுடன், அவர்கள் உள்ளாடை உள்ளிட்ட ஆடைகளை துவைத்து உலர்த்துவது என பதினைந்து வயது சிறுவனிடம் கடினமான வேலைகள் வாங்கப் படுவது தொடர்ந்த்து. இது தவிரவும், நள்ளிரவு நேரத்தில் பாம்புகள் நடமாடும் தோட்டத்தில் மலர் பறித்து வரவும் இச்சிறுவன் கட்டாயப் படுத்தப் பட்டுள்ளான். இந்த கொடுமைகள் தாங்க முடியாத சிறுவன் அனந்தகிருஷ்ணன், சென்னையில் உள்ள தனது அத்தை ரேவதி மற்றும் ஆனந்தி ஆகியோரை தொலைபேசியில் தொடர்பு கொண்டு தான் படும் கொடுமைகளை கூறியிருக்கிறான்.

பெரிய தம்பிரான்

உடனடியாக மயிலாடுதுறைக்கு கிளம்பிய ரேவதி மற்றும் ஆனந்தி சிறுவன் அனந்தகிருஷ்ணனை உடனடியாக சென்னைக்கு அழைத்து வந்துள்ளனர். சென்னைக்கு வந்த சிறுவனை உடனடியாக திருப்பி அனுப்பும் படி ஆதீனம் மடத்திலிருந்தும், அரசியல் பிரமுகர்களிடமிருந்தும் தொடர்ந்து மிரட்டல் வந்த வண்ணம் இருந்த்தால், வழக்கறிஞர்கள் உதவியை நாடினர்.

சின்ன தம்பிரான்

இந்நிலையில், சிறுவன் அனந்தகிருஷ்ணனை அவனது விருப்பத்திற்கு மாறாக, அவனது அத்தைகள் கடத்தி வைத்திருப்பதாகவும், உடனடியாக அவனை மீட்டுத் தருமாறும் சிறுவனின் தாய் லதா மயிலாடுதுறை காவல்நிலையத்தில் புகார் மனு ஒன்றை அளித்துள்ளார். இந்த புகார் தொடர்பாக விசாரணை மேற்கொண்ட காவல்துறையினர், சென்னை கே.கே.காவல் நிலையத்தில் ரேவதியின் கணவர் சோமலிங்கத்தையும், ஆனந்தியின் கணவர் ரமேஷ் குமாரையும் நேற்று இரவு கைது செய்து காவல் நிலையம் அழைத்துச் சென்றுள்ளனர்.

கைது செய்யப் பட்ட இருவரும் இது வரை நீதிமன்றத்தில் ஆஜர் படுத்தப் படாத்தால், அவர்களது வழக்கறிஞர்கள் சுந்தர்ராஜன் மற்றும் புகழேந்தி உள்துறை செயலாளருக்கும், காவல் துறை தலைவருக்கும் இது தொடர்பாக இன்று தந்தி ஒன்றை அனுப்பியுள்ளனர்.


இந்நிலையில் கடத்தப் பட்டதாக கூறப்படும் சிறுவன் அனந்தகிருஷ்ணனை சந்தித்து பேசிய போது, அந்தச் சிறுவன் கூறிய தகவல்கள் அதிர்ச்சியூட்டும் விதமாக இருந்த்து.

மடத்தின் இரண்டாம் நிலையில் உள்ள பெரிய தம்பிரானும் சின்ன தம்பிரானும் இந்தச் சிறுவனை கை கால்கள் அழுத்தி விடுமாறு பணித்துள்ளனர். இவ்வாறு பணிவிடைகள் செய்து கொண்டிருக்கையில், இச் சிறுவனின் அந்தரங்க பாகங்களை பெரிய தம்பிரான் தொடுவதும், ஆபாசமாக பேசுவதும் பல நாட்கள் தொடர்ந்துள்ளது.

சின்னத் தம்பிரான், எப்போதும் நித்யானந்தரின் படத்தை தன்னோடு வைத்திருப்பார் என்றும், இந்தச் சிறுவனை நல்ல சத்துள்ள உணவுகளை சாப்பிடுமாறும், அப்போதுதான் அந்தரங்க பாகங்கள் ஆரோக்கியமாக வளரும் என்றும் ஆபாசமாக பேசுவது வழக்கம் என்று இந்தச் சிறுவன் தெரிவித்தான்.

இந்நிலையில், இந்த மடத்தில் நடக்கும் ஊழல்களை அம்பலப்படுத்தவும், இது தொடர்பாக ஒரு விரிவான விசாரணையை மேற்கொள்ளவும், சென்னை உயர்நீதிமன்றத்தில் நாளை ஒரு வழக்கு ஒன்றை தாக்கல் செய்ய உத்தேசித்துள்ளதாக தெரிகிறது.

சிறுவர்கள் மீது இது போன்ற பாலியல் கொடுமைகளை புரியும் நபர்களை தண்டிக்க கடும் சட்டங்கள் உள்ளது. இந்நிலையில் இச்சிறுவன் கடத்தப் பட்டுள்ளான் என்றும், காவல்துறை கடத்தப் பட்ட சிறுவனை தேடி வருகின்றனர் என்ற செய்திகள் வந்துள்ள நிலையில் இச்சிறுவன் தெரிவிக்கும் செய்திகள் பெரும் பரபரப்பை ஏற்படுத்தியுள்ளன.

இந்தச் சிறுவனை உடனடியாக ஒப்படைக்குமாறு, தர்மபுரம் ஆதினம் தரப்பில் இருந்து கடும் நெருக்கடி தனக்கு வந்திருப்பதாக இச்சிறுவனின் வழக்கறிஞர் புகழேந்தி தெரிவிக்கிறார். இந்த மிரட்டலுக்கு அஞ்சாமல், இச்சிறுவனின் நலனை பாதுகாக்க நீதிமன்றத்தை அணுகி நிவாரணம் பெறப்போவதாகவும் புகழேந்தி தெரிவித்தார்.

நன்றி: நம்தினமதி நாளேடு

சவுக்கு

உடன்பிறப்பே,

உடன்பிறப்பே,

நெடுநாட்களாக உனக்கு கடிதம் எழுதாமல் இருந்தேன். ஆனால் எழுதியே தீர வேண்டிய சூழலை சில குடிலன்கள் உருவாக்கியுள்ளதால், உன்னை இக்கடிதம் வாயிலாக சந்திப்பதைத் தவிர வேறு என்ன வழி ?

உலகில் வேறு எங்கும் இல்லாத வகையில், தமிழக மக்கள் ஒரு ரூபாய்க்கு அரிசி உண்டு, இலவச வண்ணத் தொலைக்காட்சி கண்டு, கலைஞர் காப்பீட்டுத் திட்டத்தால் நலம் கொண்டு, எனக்கு அளிக்கிறார்கள் மலர்ச் செண்டு. இதை குலைக்க வருகிறது மவுண்ட் ரோடு வண்டு.

சமீப காலமாக நடக்கும் நிகழ்ச்சிகளை நீயும் கவனித்திருப்பாய் என்று நினைக்கிறேன். கழக அரசு ஏதோ பத்திரிக்கையாளர்களை அடக்குவதாகவும், மிரட்டுவதாகவும், ஒடுக்குவதாகவும், ஓட ஓட விரட்டுவதாகவும் திட்டமிட்டு விஷமத்தனம் பரப்பப் பட்டு வருகிறது என்பதை நீ அறிவாய். பொய்யாலும் புரட்டாலும் தமிழகத்தை இருட்டுக் கூடாரமாக வைத்திருக்க வேண்டும் என்று புறப்பட்டுள்ளார்கள் சில புல்லுருவிகள்.

ஆற்காடு வீராச்சாமி இருக்கும் போது, புதிதாக எதற்காக தமிழகத்தை இருளில் ஆழ்த்த வேண்டும் ? வேறு எந்த மாநிலத்திலும், நாட்டிலும் இல்லாத வகையில் கழக ஆட்சியிலேதான் இருட்டுத் துறைக்கென ஒரு தனி அமைச்சரை ஏற்படுத்தி வைத்திருக்கிறானே இந்தக் கருணாநிதி ! பிறகெதற்கு இப்படி ஒரு பதர்களின் கூட்டம் தலைகொழுத்து ஆடுகிறது ?



கருணாநிதி ஆட்சியிலே வழக்கறிஞர்கள் தாக்கப் பட்டார்கள், நீதிபதிகள் தாக்கப் பட்டார்கள், உழைப்பாளர்கள் தாக்கப் பட்டார்கள், உத்தப்புரத்திலே தலித்துகள் தாக்கப் பட்டார்கள், பத்திரிக்கையாளர்கள் தாக்கப் பட்டார்கள், என்று கூக்குரலிடுகிறார்களே !!! இவர்கள் கூற்றிலிருந்தே புரியவில்லையா, இந்தக் கருணாநிதி பாரபட்சமில்லாமல் அனைத்துத் தரப்பினரையும் தான் தாக்கியிருக்கிறான் என்று.

அந்த அம்மையாரைப் போல பாரபட்சமாக நடந்து கொள்ளும் பாரம்பரியத்தில் வந்தவனல்ல நான். அறிஞர் அண்ணா என்னை அப்படி வளர்க்கவுமில்லை, பெரியார் அதை எனக்கு கற்றுக் கொடுக்கவுமில்லை. அடிக்கிற கைதான் அணைக்கும் என்பதையும் இந்த பதர்கள் அறியவில்லை.



பதவி போய் நான் எதிர்க்கட்சி வரிசையில் அமரும் போது பாருங்கள்.. … எத்தனை பாசத்தோடு இந்தக் கருணாநிதி பத்திரிக்கைகளின் சுதந்திரத்தைப் பற்றிப் பேசப் போகிறேன் என்று. 2001 முதல் 2006 வரை, பத்திரிக்கை சுதந்திரத்தைப் பற்றியும், பத்திரிக்கையாளர்கள் அடக்கப் படுவது பற்றியும் நான் பேசாததையா இன்று கூக்கூரலிடும் நரிகளின் கூட்டம் பேசி விட்டது ?

பொட்டு என்பவர் யார் ?. என்னைப் போலவே பிற்பட்ட வகுப்பில் பிறந்து, சமுதாயத்தில் முக்கியப் புள்ளியாக உயர்ந்து நிற்பவர். அந்தப் பொட்டை திருஷ்டிப் பொட்டாகச் சித்தரித்து எழுதியிருக்கிறது இன்று புதிதாக அவதாரம் எடுத்திருக்கும் அண்ணா சாலை ஆரியக் கூட்டம்.



தமிழகத்திற்கே விடிவெள்ளியாக விளங்கும் அஞ்சா நெஞ்சனின் கரத்தை மதுரையில் மட்டுமல்லாமல், கொடை ரோட்டிலும் வலுப்படுத்தும் அன்பு இளவல் பொட்டின் நெற்றிப் பொட்டில் தாக்குவது போலல்லவா எழுதியிருக்கிறார்கள் ?



என் அன்பு மகனைப் பற்றியும் அன்பு மகனுக்கு பொட்டு செய்யும் சேவையை இந்த குள்ளநரிகளால் செய்ய முடியுமா ? கொடை ரோடு முழுவதுமே சொல்லுமே பொட்டின் சேவைகளை.. … … … .. .. .. .. . ..

இன்று இல்லாமல் இருந்தாலும் என்றுமே என் அன்பிற்குரிய பிரபாகரனுக்கு ஒரு பொட்டு அம்மான் போலத்தானே என் அன்பு மகனுக்கு இந்தப் இந்தப் பொட்டு. அந்தப் பொட்டை போற்றும் அண்ணாசாலை ஆரியக் கூட்டத்திற்கு மதுரைப் பொட்டு வேப்பங்காயாய் கசப்பதேன் ? விளக்கெண்ணையாய் இருப்பதேன் ? அவர் பிற்பட்ட வகுப்பிலே பிறந்து, முற்பட்ட வகுப்பினருக்கே சவால் விடும் வகையில் வளர்ந்திருப்பதால் தானே ?


இன்று என் ஜால்ராவாக மாறியிருக்கும் அன்பு உடன்பிறப்பு கலைஞானி கமலஹாசன் அன்றே பாடியிருக்கிறாரே “சாந்துப் பொட்டு, ஒரு சந்தனப் பொட்டு “ என்று. கலைஞானி மட்டுமா ? கண்ணதாசனும் “பொட்டு வைத்த முகமோ“ என்று அருமை பொட்டைப் பற்றி பாடியிருக்கிறாரே .. … …

கர்நாடக கண்மணி அருமை நண்பர் முரளியும் “பொட்டு வைத்த ஒரு வட்ட நிலா“ என்று பாடியிருக்கிறாரே ?

ஆனால் இந்த அண்ணா சாலை ஆரியக் கூட்டம் இந்தப் பாடல்களையெல்லாம் கேட்காமல், பொட்டுவை ஏதோ ஸ்டிக்கர் போட்டு போல எழுதியிருக்கிறார்களே கழுகார் என்ற பகுதியில்… அந்தக் கழுகின் சிறகை உடைக்க வேண்டாமா ? அந்த கழுகை கழக உடன்பிறப்புகள், புறநானூற்று புலிகளைப் போல புறப்பட்டு புசிக்க வேண்டாமா ? புரட்டி எடுக்க வேண்டாமா ? அதைத்தானே அறிவித்தார்கள் ஒரு விளம்பரம் மூலமாக .. … ? இதில் என்ன தவறு இருக்கிறது ? இதற்கு அய்யோ அய்யய்யோ என்று கூப்பாடு போடுகிறார்களே ?



என்றுமே நான் “செய்வதைச் சொல்வோம், சொல்வதைச் செய்வோம்“ என்றுதானே சொல்லி வந்திருக்கிறேன். செய்யப் போவதை வாயால் சொல்லாமல், ஒரு பத்திரிக்கையின் வாயிலாக விளம்பரம் மூலமாகச் சொல்வது ஒரு நற்பண்பன்றோ ?

உண்மையைச் சொன்னால் அடித்துஉதை; அதை
முன்கூட்டியே தினமலர்வழிச் சொல்

என்று அய்யன் வள்ளுவரே தெரிவித்திருக்கிறார். அந்த அய்யன் வழி வந்தவனல்லவா நான் ?

அந்த அம்மையார் கட்சியினர் மட்டும் மூன்று மாணவிகளை எரித்துக் கொலை செய்து விட்டார்கள், கழகம் இது போல் ஏதாவது செய்யாவிட்டால், நாளை கழக வரலாற்றில் ஒரு கரும்புள்ளியாக இது அமைந்துவிடும் என்பதற்காகத் தானே தினகரன் நாளிதழ் அலுவலகத்தில் அதே போல், மூன்று பேரை எரித்துக் கொன்றனர் அன்பு உடன்பிறப்புகள் ? அன்று தினகரன் அலுவலக ஊழியர்கள் அலுவலகத்தில் நடந்த சம்பவம் குறித்து எழுதிய ஏடுகள், “திடீரென உள்ளே புகுந்த“ “திடீர் தாக்குதல்“ என்றல்லவா எழுதின ?



அதுபோல ஒரு அவச்சொல் வரக் கூடாது என்பதற்காகத் தானே பத்திரிக்கையில் விளம்பரம் தரப்பட்டுள்ளது. வரப் போகிறோம். தரப் போகிறோம் என்பதை அருமை நண்பரின் உதவியோடு அருமையான விளம்பரமாக தந்திருக்கிறோம்.

ஒரு செய்தி ஆசிரியரின் கைது தினமலர் நாளேட்டை எப்படி வழிக்கு கொண்டு வந்திருக்கிறது பார்த்தாயா உடன்பிறப்பே ? இதே போல அண்ணா சாலை ஆரியக் கூட்டத்தையும் வழிக்கு கொண்டு வருவது எனது கடமை அல்லவா ? அந்தக் கடமையை செய்யத் தவறினால் கருணாநிதி கடமை தவறிய கயவன் என்று வரலாறு வையாதா ?



நான் என்ன இந்தப் பத்திரிக்கைகளை எழுத வேண்டாம் என்று தடுக்கிறேனா ? எதிர்க்கிறேனா ? இவர்களுக்கு செய்தி தரவேண்டும் என்பதற்காகத் தானே தினமும் ஒரு பாராட்டு விழா, திறப்பு விழா, திருமண விழா, திரைப்பட விழா என்று கலந்து கொள்கிறேன். இவர்களுக்காகத் தானே தினமும் ஒரு அறிக்கை விடுகிறேன். இவர்களுக்காகத் தானே என் குடும்பத்தினரையும் தினமும் ஒரு நிகழ்ச்சியில் கலந்து கொள்ளுமாறு கட்டளையிட்டுள்ளேன் ?

இதைப் பற்றியெல்லாம் எழுதாமல், தப்பும் தவறுமாக, அந்த அம்மையார் விடும் அறிக்கைகளையெல்லாம் வெளியிடுவதும் உண்மையை மறைக்கும் வேலை தானே ? பொய்யை வாரி இறைக்கும் காரியம் தானே ?

பத்திரிக்கை சுதந்திரத்தை பாதுகாக்க வேண்டும் என்ற ஒரே காரணத்திற்காகத் தான் இன்னும் இந்த பத்திரிக்கைகளை எல்லாம் சொந்தமாக வாங்காமல் இருக்கிறேன்.



நானே ஒரு பத்திரிக்கையாளன் ஆகையால், இந்த விகடன், குமுதம், தினத்தந்தி, தினமணி, தினமலர், கல்கி, போன்ற அனைத்துப் பத்திரிக்கைகளையும் நானே சொந்தமாக வாங்கி, அதில் என்னைப் பற்றி நானே அத்தனை பக்கங்களையும் எழுதி நிரப்ப வேண்டும் என்ற என்னுடைய நீண்ட நாள் அவாவை, பத்திரிக்கை சுதந்திரத்தை பாதுகாக்க வேண்டும் என்பதால் ஒத்தி வைத்திருக்கிறேன். ஆனால், இதைச் செய்தே ஆகவேண்டும் என்ற நெருக்கடிக்கு என்னைத் தள்ளுவது போலத்தானே இருக்கிறது இந்த விபீடணர்கள் நடத்திய செவ்வாய்க் கிழமை கூட்டம் ?

தினமலர் குழுமத்தைப் போன்ற பிற்பட்ட ஒடுக்கப் பட்ட சமூகத்தில் பிறந்து முன்னேறியவர்களும், இந்து ராம் போன்று, தாழ்த்தப் பட்ட சமூகத்தின் பிறந்து முன்னேறியவர்களும் இருப்பதால்தானே, இன்று இந்த பார்ப்பனர்களின் கூட்டத்தை அடக்கி வைக்க முடிகிறது ? இந்த பார்ப்பனர்களின் சதிச் செயலை, முரசொலியிலே தொடர்ந்து “காதற்ற ஊசி“ எழுதி வருவதை நீ படித்திருப்பாய் என்பதை நான் அறிவேன் உடன்பிறப்பே.

கலைஞானி நடித்த சலங்கை ஒலி படம் பார்த்திருப்பாய். அந்தப் படத்திலே ஒரு காட்சி. நடனமாடிக் கொண்டிருக்கும் கலைஞானியை ஜெயப்ரதா வேடிக்கை பார்த்துக் கொண்டிருப்பார். அப்போது திடீரென்று மழை வரும். அந்த மழையில் ஜெயப்ரதா நனைவார். அப்போது, ஜெயப்ரதா தலையில் விழுந்து நெற்றியில் வழிந்து, ஜெயப்ரதாவின் பொட்டை மழை நீர் அழிக்க எத்தனிக்கும் போது, கலைஞானி ஓடிச் சென்று அந்த பொட்டு அழியாமல் காப்பார்.

அது போலத்தானே அன்பு உடன்பிறப்பு பொட்டுவை அழிக்க துடிக்கிறார்கள். கலைஞானி போல, வேகமாகச் சென்று தடுக்க முடியாது என்றாலும், மெதுவாகச் சென்றாவது, பொட்டு அழியாமல் பாதுகாக்க வேண்டியது எனது கடமை அல்லவா ?

பாதுகாக்க தேவையான நடவடிக்கைகளை எடுக்காது இருந்தால், சோடையாகி விட்டான் தமிழன், சோரம் போய்விட்டான் தமிழன், சோதாக்களின் கூட்டத்திலே ஒருவனாகி விட்டான் தமிழன், தன் சுகமொன்றே போதுமென்று சுயமரியாதை இழந்து விட்டான் தமிழன் என்பது உறுதியாகி விடாதா ?

இந்நிலை உறுதியாகி விட்டால், அண்ணாசாலை ஆரியக் கூட்டம் இன்னும் வேகமாக சுழற்றும் வாளை, பொட்டுவைப் பற்றி எழுதி நிரப்புவார்கள் தாளை, இதைப் பொறுத்துக் கொண்டுதான் இருக்கப் போகிறானா, பொட்டு என்ற காளை ?

இதயத்தில் பதிந்திருக்கிற கொள்கைக்கும் ஏற்றுக் கொண்டிருக்கிற பொறுப்புக்கும் மாசு வராமல் காப்பாற்றுகிற கடமையை கழக அரசு செய்துள்ளது என்பதற்கான சான்றுதானே தினமலர் விளம்பரம் ?

ப்ரஸ் கிளப்பில் விபீடணர்கள் கூடி நடத்தும் போராட்டத்தை, ஜிம்கானா கிளப்பிலும், காஸ்மாபாலிடன் கிளப்பிலும், முடித்து வைக்கத் தெரியாதா இந்தக் கருணாநிதிக்கு ? அண்ணா சாலை ஆரியக் கூட்டம் என்னிடம் சரணடைந்து பேச்சு வார்த்தைக்கு நேரம் கேட்டிருப்பதை போராட்டம் நடத்தும் அந்த விபீடணர்கள் அறிவார்களா ?

அன்புடன்

மு.க.

சவுக்கு

மேற்கு வங்கமும் உமாசங்கரும்.

தமிழக முதல்வர் கருணாநிதிக்கு எப்போதுமே ஒரு பழக்கம் உண்டு. தமிழகத்தின் எதிர்க்கட்சித் தலைவர்கள் யாராவது எதையாவது ஒன்றைச் சுட்டிக்காட்டி அறிக்கை ஏதாவது வெளியிட்டால், உடனடியாக மேற்குவங்கத்தைப் பாருங்கள், பீகாரைப் பாருங்கள், ஆந்திராவைப் பாருங்கள் என்று பதில் அறிக்கை விடுவதில், கருணாநிதிக்கு நிகர் அவர்தான்.

தமிழகத்தில் சேரிகளில் மக்கள் துன்பப்படுகிறார்கள் என்று மார்க்சிஸ்டுகள் அறிக்கை வெளியிட்டால், மேற்கு வங்கத்தின் சேரிகளை விட தமிழகத்தில் சேரிகள் குறைவு என்பார். ஆட்டோ தொழிலாளர்கள் துன்பப் படுகிறார்கள் என்றால், மேற்கு வங்கத்தில் இன்னும் கை ரிக்ஷா இழுக்கிறார்கள், கழக ஆட்சியில் கை ரிக்ஷா அன்றே ஒழிக்கப் பட்டது என்பார்.



பன்றிக் காய்ச்சலில் ஒரிருவர் இறந்தால், ஆந்திராவில் பன்றிக் காய்ச்சலுக்கு இறந்தோர் எண்ணிக்கை 48, கம்யூனிஸ்டுகள் ஆளும் கேரளாவில் இறந்தோர் எண்ணிக்கை 28, பிஜேபி ஆளும் கர்நாடகாவில் இறந்தவர் எண்ணிக்கை 25, பீகாரில் இறந்தவர் எண்ணிக்கை என்று, இவர் வெளியிடும் பட்டியல் ஓயவே ஓயாது.

ஒரு வேளை ஜெயலலிதா, தமிழகத்தில் நல்லாட்சி நடக்கிறது என்று ஒரு அறிக்கை வெளியிட்டார் என்று வைத்துக் கொள்ளுங்கள், அந்த அம்மையாரின் ஆட்சியை விட இது ஒன்றும் நல்லாட்சி இல்லை. மேற்கு வங்கத்தில் 27 வருடங்களாக நடைபெறும் மார்க்சிஸ்டுகளின் ஆட்சியை விடவா இது நல்லாட்சி ? அறிஞர் அண்ணா என்னை நல்லாட்சி தரும் அளவிற்கு வளர்க்கவில்லை.

நான் அந்த வழியில் வந்தவனும் அல்ல. ஒரு பிற்பட்ட சமுதாயத்திலே பிறந்து இன்று தமிழகத்திற்கே முதலச்சராக ஆகும் அளவுக்கு வளர்ந்திருக்கிறேன் என்பதை பொறுக்காத சில விபீடணர்களின் பொய் வாக்கு இது என்று அறிக்கை வெளியிட்டாலும் ஆச்சர்யப் படுவதற்கல்ல.

இந்தச் அளவுகோலில்தான் ஐஏஎஸ் அதிகாரி உமாசங்கரைப் பற்றி ஜெயலலிதா வெளியிட்டுள்ள அறிக்கைக்கு தமிழக அரசு வெளியிட்டிருக்கும் மறுப்பு அறிக்கையைப் பார்க்க வேண்டும்.



“1995ஆம் ஆண்டு அ.தி.மு.க. ஆட்சி நடைபெற்ற போதே இதே அதிகாரி மீது - அவரது காரில் குளிர் பதன வசதி செய்து கொடுத்த கம்பெனிக்கு சலுகை செய்தார் என்றும் - அரசின் அனுமதியின்றி, வேலை வாய்ப்பு அலுவலகம் மூலமாக இல்லாமல் தனி ஒருவரை பணியிலே அமர்த்தினார் என்றும் - 20 கோடி ரூபாய் அரசு நிதியை தன்னுடைய சகோதரர் பணி புரிந்த வங்கிக் கிளையிலே டெபாசிட் செய்தார் என்றும் குற்றச்சாட்டுகள் கூறப்பட்டு – நடவடிக்கை எடுக்கப் பட்டிருந்த நிலையில் - தி.மு.கழக ஆட்சியிலே தான் அந்தக் குற்றச்சாட்டுகள் விசாரிக்கப்பட்டு அவர் மீதான ஒழுங்கு நடவடிக்கை ரத்து செய்யப்பட்டது.”

அதுபோலவே மீண்டும் 2005ஆம் ஆண்டு - அ.தி.மு.க. ஆட்சிக் காலத்தில் கர்நாடக அரசின் கொள்கை முடிவுகள் குறித்து இந்த அதிகாரி விமர்சனம் செய்தது, அதுபற்றி கர்நாடக அரசே தமிழக அரசுக்கு புகார் செய்து ஒழுங்கு நடவடிக்கை இவர் மீது மேற்கொள்ளப்பட்டு - அந்தக் குற்றச்சாட்டிலிருந்தும் தி.மு.கழக ஆட்சியிலே தான் விடுவிக்கப்பட்டார். எனவே இந்த அரசைப் பொறுத்தவரையில் இவர் மீது எந்த பழி வாங்கும் நடவடிக்கையும் எடுக்கப்படவில்லை என்பதைத் தெரிந்து கொள்ளலாம்.”



ஆக, வேண்டாத அதிகாரிகளைப் பழிவாங்குவதில் ஜெயலலிதாவுக்கு கருணாநிதி எந்த வகையிலும் சளைத்தவர் இல்லை என்பதைத் தானே நிரூபிக்கிறது இந்த அறிக்கை ?

அந்தக் குற்றச் சாட்டிலிருந்தும் திமுக ஆட்சியில்தான் விடுவிக்கப் பட்டார் என்றால், ஒன்று அந்த அதிகாரி மீதான குற்றம் நிரூபிக்கப் படாமல் இருந்திருக்க வேண்டும். அல்லது குற்றம் நிரூபிக்கப் பட்டும் அவருக்கு சலுகை காண்பித்திருக்க வேண்டும். கருணாநிதி உமாசங்கருக்கு சலுகை ஏதும் காண்பித்திருப்பார் என்று சவுக்கு நம்பவில்லை. திமுக ஆட்சியில்தான் குற்றச் சாட்டிலிருந்து விடுவிக்கப் பட்டார் என்று கூறுகிறார்களே… ஒரு நபர் மீது குற்றச் சாட்டு நிரூபிக்கப் படாவிட்டால், அது திமுக ஆட்சியாக இருந்தால் என்ன அதிமுக ஆட்சியாக இருந்தால் என்ன ? விடுவித்துத் தானே ஆக வேண்டும். ஏதோ உமாசங்கருக்கு சலுகை காண்பித்தது போல மார்தட்டிக் கொள்வது அயோக்கியத்தனம் இல்லையா ?



போலிச் சான்றிதழ் கொடுத்து பணியில் சேர்ந்தார் என்றால், 1996 முதல் கருணாநிதிக்கு இவர் போலி சான்றிதழ் கொடுத்துப் பணியில் சேர்ந்தார் என்று தெரியவில்லையா ? ஏப்ரல் 2008ல் உமாசங்கருக்கு அப்பழுக்கற்ற அரசு ஊழியர் என்ற பிரிவில் திருவான்மியூரில் 6ம் எண் வீட்டு மனையை ஒதுக்கும் போது தெரியவில்லையா ?

அந்த வீட்டு மனைக்கான பணத்தைக் கட்ட உமாசங்கர் தவணை கேட்ட போது, அரசாகவே தவணை தர மறுத்து ஒதுக்கீட்டை ரத்து செய்தது. (என்ன ஐஏஎஸ் ஆபீசர் சார் நீங்க ? சாதாரண இன்ஸ்பெக்டரெல்லாம் ஒரே நாள்ல 75 லட்ச ரூபாய தூக்கி வீசறாங்க. நீங்க 25 லட்ச ரூபாய் கட்றதுக்கு தவணை கேக்கிறீங்களே. இப்போ பாருங்க. வீட்டு மனையும் போச்சு)

ஆனால் இவர் தலித் என்பதற்காக இவர் மீது நடவடிக்கை எடுக்கப் படவில்லை என்பதை மட்டும் சவுக்கு ஒத்துக் கொள்கிறது. ஏனெனில், உமாசங்கர் தன்னை தலித் என்று என்றுமே அடையாளப் படுத்திக் கொண்டதில்லை.

கிரிஸ்துதாஸ் காந்தி போலவோ, சிவகாமி போலவோ, இன்று மத்திய அரசுப் பணியில் இருக்கும் அம்பேத்கார் ராஜ்குமார் போலவோ, தன்னை தலித் என்று இவர் அடையாளப் படுத்திக் கொண்டதே கிடையாது. இட ஒதுக்கீட்டைப் பெற்று அரசுப் பணிக்கு வந்த உடன், “புதுப் பார்பானாக“ மாறும் பல்வேறு தலித்துகளைப் போலவேதான் இருந்தார். முதன் முதலாக இவர் மீது திமுக அரசு ஒழுங்கு நடடிக்கை எடுக்கத் தொடங்கிய உடன் தான் இவர் தன்னை தலித் என அடையாளப் படுத்திக் கொண்டார்.

உமாசங்கருக்கு சிக்கல் தொடங்குவது வரைக்கும் கருணாநிதியின் ஆசி பெற்ற செல்லப் பிள்ளையாகத் தானே இருந்தார் உமாசங்கர் ? எத்தனையோ ஐஏஎஸ் அதிகாரிகள் இருக்க, தனக்கு மிகவும் பிடித்த, மானாட மயிலாட நிகழ்ச்சியை மக்களைப் பார்க்க வைக்கும் இலவச கலர் டிவி திட்டத்திற்கு உமாசங்கரைத் தானே தேர்ந்தெடுத்தார் கருணாநிதி ?

பேரன்களின் கொட்டத்தை அடக்க அரசு கேபிள் கார்ப்பரேஷன் தொடங்குவது என்று முடிவெடுத்ததும், வேகமாக வேலை செய்து, பேரன்களை ஒழித்துக் கட்டுவார் என்று கருணாநிதி தேர்ந்தெடுத்ததும் இந்த உமாசங்கரைத் தானே ?

கருணாநிதியோடு உமாசங்கர்

இந்த நெருக்கத்தில் தானே உமாசங்கர் நான் ஒரு அப்பழுக்கற்ற அரசு ஊழியர், எனக்கு ஒரு வீட்டு மனை தாருங்கள் என்று கருணாநிதிக்கு விண்ணப்பம் எழுதுகிறார் ? ஐஏஎஸ் அதிகாரியான உங்களுக்கு, நிலமில்லாமல், இருக்க வீடு இல்லாமல் எத்தனை தலித்துகள் இன்னமும் இருக்கிறார்கள் என்பது தெரியாததல்ல.

இப்படிப் பட்ட சூழலில், இன்று உங்களை தலித் என்று அழைத்துக் கொள்ளும் நீங்கள், வீட்டு மனை தாருங்கள் என்று கருணாநிதியிடம் விண்ணப்பம் அளித்தது, தலித்துகளை அவமானப் படுத்தும் செயலாகவே சவுக்கு பார்க்கிறது.

உங்களைப் போன்ற அதிகாரிகள், அவர்களுக்கோ, அவரது குடும்பத்திற்கோ ஏதாவது தேவை என்று எப்படியும் கையேந்துவார்கள் என்ற திமிர்தான் கருணாநிதியை படித்த அதிகாரிகளை மரியாதை குறைவாக பேச வைக்கிறது. இவர்களும், நல்ல பதவிக்காக கருணாநிதியின் வசவுகளை கவிதை போல கேட்டு மகிழ்கிறார்கள்.

ஜெயலலிதா மீது ஆயிரம் குற்றச் சாட்டுகளைச் சொன்னாலும், படித்த அதிகாரிகளை மரியாதைக் குறைவாகப் பேசினார் என்று ஒருவராலும் சொல்ல முடியாது.

சென்னையில் சொந்த வீடு இல்லாத ஒரு ஐபிஎஸ் அதிகாரிக்கு, 6 லட்ச ரூபாயில் ஒரு வீட்டு மனை விலைக்கு வந்திருக்கிறது என்று சொன்ன போது, ஜிபிஎஃபில் வெறும் 4 லட்சம் தான் இருக்கிறது, பிள்ளைகளின் படிப்புச் செலவுக்கு வேண்டும் என்று அந்த வீட்டு மனையை கூட வாங்க மறுத்த ஐபிஎஸ் அதிகாரிகளை சவுக்குக்கு தெரியும். அலுவலக தொலைபேசியை வீட்டில் வைத்தால், மனைவியோ குழந்தைகளோ பயன்படுத்துவார்கள், அது அரசு தொலைபேசி அதை அரசுப் பணிக்காக மட்டுமே பயன்படுத்த வேண்டும் என்று இல்லத் தொலைபேசி வேண்டாம் என்று எழுதிக் கொடுத்த ஐபிஎஸ் அதிகாரிகளை சவுக்குக்கு தெரியும். மார்க் வாங்காத தன்னுடைய மகனுக்கு அண்ணா பல்கலைகழகத்தில் குறுக்கு வழியில் சீட் பெற்றாரே ராதாகிருஷ்ணன்…. அப்போது அவருடன் மற்றொரு ஐஜி பணியாற்றிக் கொண்டிருந்தார். அவரின் மகளும் அந்த ஆண்டு ப்ளஸ் டூ முடித்திருந்தார். அவரின் மகளுக்கு, டெல்லியில் உள்ள பிரசித்தி பெற்ற செயின்ட்.ஸ்டீபன்ஸ் ஸ்கூலில் இடம் கிடைத்தது. மகள் தன்னுடன் இருந்து படிக்க வேண்டும் என்று விரும்பிய அதிகாரியிடம் ராதாகிருஷ்ணன் சொன்னது என்ன தெரியுமா ? சார். என் பையனுக்கு வாங்கின சீட்டோட வொர்த் 20 லட்சம் ரூபாய். உங்க பொண்ணுக்கும் மேடம் கிட்ட சொல்லி வாங்கித் தர்றேன் என்பதுதான். அந்த அதிகாரி மறுத்து விட்டு, மற்றொரு அதிகாரியிடம் இன்று என் மகளுக்காக அரசியல் வாதியிடம் சீட் பெற்றால் காலம் முழுமைக்கும் என் வாழ்வில் அது ஒரு கறையாகவே இருக்கும் என்பதுதான்.

நேர்மையான ஐஏஎஸ் அதிகாரியான நீங்கள், கருணாநிதியிடம் வீட்டு மனை கேட்டதை, உங்கள் பொது வாழ்வில் ஏற்பட்ட மிகப் பெரிய சறுக்கலாகவே சவுக்குப் பார்க்கிறது.



ஆனால், அதே நேரத்தில் இன்று எலும்புத் துண்டுகளுக்காக கோபாலபுரத்தையும், சிஐடி காலனியையும், அறிவாலயத்தையும் சுற்றி வரும், ஐஏஎஸ், ஐபிஎஸ் அதிகாரிகளை ஒப்பிடுகையில், நீங்கள் உயர்ந்தவர் என்ற அடிப்படையிலேயே சவுக்குக்கு உங்கள் மீது மரியாதை.

“அரசின் சார்பில் அவர் மீது இறுதியான நடவடிக்கை எதுவும் எடுக்கப்பட்டுவிடவில்லை. தற்காலிகப் பணி நீக்கம் தான் செய்யப்பட்டுள்ளது. இதன் முடிவில் தான் அந்தக் குற்றச்சாட்டின் மீதான இறுதி முடிவு மேற்கொள்ளப்படும். தற்காலிகப் பணி நீக்கம் என்பது தண்டனை ஆகாது. அதற்குள் ஒருசில அரசியல்வாதிகள் இதற்கொரு காரணத்தைக் கற்பித்து அறிக்கை விடுக்கின்றார்கள். அரசில் பணியாற்றும் ஒரு சில அதிகாரிகள் மீது இப்படிப்பட்ட புகார்கள் கூறப் படுமானால், அதுபற்றி இத்தகைய நடவடிக்கைகள் மேற்கொள்வது என்பது இந்த ஆட்சிக் காலத்திலே மட்டும் நிகழக் கூடியதல்ல. “ என்று அறிக்கை விட்டிருக்கிறது தமிழக அரசு .. ..

ஜாபர் சேட் என்ற ஐபிஎஸ் அதிகாரி மீது, கடந்த ஆறு மாதங்களுக்குள் மூன்று புகார்களை ஆதாரத்தோடு அனுப்பியிருக்கிறதே தமிழக மக்கள் உரிமைக் கழகம். ஜாபர் சேட்டை ஏன் இடைநீக்கம் செய்ய வில்லை ?

லஞ்ச ஒழிப்புத் துறை எஸ்பியாக இருந்த லட்சுமி என்பவர் மீது, திருவண்ணாமலையில் கட்டப் பஞ்சாயத்து செய்து லஞ்சம் வாங்கினார் என்று புகார் வந்ததே, ஏன் அவரை இடைநீக்கம் செய்யவில்லை ?

ஜெயலலிதா மீதான சொத்துக் குவிப்பு வழக்கை மூடி விட்டு, அவரிடம் இருந்து முதல்வர் ஒதுக்கீட்டில் அண்ணா பல்கலைக்கழகத்தில் சீட் வாங்கினாரே ராதாகிருஷ்ணன், அவரைப் பற்றி பேராசிரியர் கல்யாணி புகார் அனுப்பி, உயர்நீதிமன்றத்தில் வழக்கும் தொடர்ந்தாரே … …. ராதாகிருஷ்ணனை ஏன் செய்யவில்லை இடை நீக்கம்.

ஒரிஸ்ஸாவில் பல லாரிகளை வாங்கியுள்ளார், தமிழகத்திலேயே பல்வேறு சொத்துக்களை வாங்கிக் குவித்துள்ளார் என்று புகார் முன்னாள் தலைமைச் செயலாளர் மீது புகார் வந்ததே… ஏன் செய்யவில்லை அவரை இடை நீக்கம் ?

இடைநீக்கம் தண்டனை அல்ல, விசாரணைக்காக தற்காலிகமாக எடுக்கப் படும் நடவடிக்கைதான் என்று கூறும் திமுக, இதே போல, ஜாபர்சேட்டை தற்காலிகமாக பணி இடைநீக்கம் செய்து விட்டு, விசாரணை முடிந்தவுடன் பணி வழங்க வேண்டியதுதானே ?

“கடந்த கால அ.தி.மு.க. ஆட்சியிலே கூட காவல் துறை தலைவராக இருந்த திரு. ரவீந்தரநாத், ஐ.பி.எஸ்., சென்னை மாநகர காவல் துறை கமிஷனராக இருந்த திரு. முத்துக்கருப்பன், ஐ.பி.எஸ்., திரு. உஜாகர் சிங், ஐ.ஏ.எஸ்., திரு. கே.எம். சுப்பிரமணியன், ஐ.ஏ.எஸ்., போன்ற பல அதிகாரிகள் மீது தற்காலிக பணி நீக்க நடவடிக்கைகள்
மேற்கொள்ளப்பட்டு, பின்னர் சிலர் அதிலிருந்து விடுபட்டும் வந்திருக்கிறார்கள்; சிலர் நடவடிக்கைக்கும் ஆளாகியிருக்கிறார்கள்.“

இதுதான், உமாசங்கர் பணி இடைநீக்கம் தொடர்பாக அரசு வெளியிட்டுள்ள அறிக்கையின் சாரம். கருணாநிதி அரசு குறிப்பிடும், அதிமுக ஆட்சியில் பணி இடைநீக்கம் செய்யப் பட்ட அதிகாரிகள் ஒவ்வொருவராக பார்ப்போம்.

ரவீந்திரநாத். இவர் ஜெயலலிதா ஆட்சிக் பொறுப்பேற்றதும் நியமிக்கப் பட்ட டிஜிபி. தனது நள்ளிரவுக் கைது குறித்து அறிக்கை வெளியிட்ட கருணாநிதி, தனது போன பிறந்த நாளில் கூட இந்த ரவீந்திரநாத், தன்னை டிஜிபி ஆக்க வேண்டும் என்ற கோரிக்கையுடன், வரிசையில் நின்று வாழ்த்து தெரிவித்தார் என்ற குண்டை போட்டார். உடனடியாக ரவீந்திரநாத் கருணாநிதி எனக்கு அங்கிள் மாதிரி என்று பதில் விடுத்தார். ஜெயலலிதா ஆட்சிக் காலத்தில் இவர் பணி இடைநீக்கம் செய்யப் பட்டது உண்மை. எதற்காக ?

இவர் மீது, பெண் காவலர்களிடம் தகாத முறையில் நடந்து கொண்டார் என்பது முதல் குற்றச் சாட்டு. ஜெயலலிதா ஆட்சிக்கு வந்ததும், திமுக அரசில் நல்ல பதவிகளில் இருந்த காவல்துறை அதிகாரிகளெல்லாம் பல்வேறு இடங்களுக்கு தூக்கி அடிக்கப் பட்டனர். இது ஜெயலலிதா சம்மதத்துடனேயே நடந்தது.

இந்த சந்தர்ப்பத்தை பயன்படுத்தி ரவீந்திரநாத், தூத்துக்குடிக்கு போடுவதற்கு ஒரு தொகை, தூத்துக்குடிக்கு போடாமல் இருப்பதற்கு ஒரு தொகை என்று ஆய்வாளர் போஸ்டிங்குக்கு இரண்டு லட்சமும், டிஎஸ்பி போஸ்டிங்குக்கு மூன்று லட்சமும் ஒரே வாரத்தில் வசூல் செய்து குவித்தார்.

அடுத்து, ரவீந்திரநாத்தின் நண்பர் எல்ஐசி ஏஜென்டாக இருக்கிறார். இவரும் ரவீந்திரநாத்தும் ஒரு ஒப்பந்தம் போடுகிறார்கள். காவல்துறையில் இருக்கும் அனைத்து காவலர்களையும் கட்டாயம் எல்ஐசி பாலிசியில் சேரச் சொல்வது. சேர்ந்ததனால் வரும் கமிஷனை ரவீந்திரநாத்தும் அவரது நண்பரும் பகிர்ந்து கொள்வது. இதுதான் அந்த ஒப்பந்தம். இதன்படி, ஏழைக் காவலர்களிடம் வசூல் தூள் பறந்தது.

அடுத்து டெல்லியில் டிஜிபிக்கள் மாநாடு நடக்கிறது. அந்த மாநாட்டில் கலந்து கொள்கிறேன் என்று சென்ற ரவீந்திரநாத், முதல் நாள் மாநாட்டுக்குப் பிறகு, காணவில்லை. இரண்டு நாட்கள் கழித்து தான் வருகிறார். இதையெல்லாம் சேர்த்து வைத்து, லஞ்ச ஒழிப்புத் துறை விசாரணைக்கு உத்தரவிட்டு ரவீந்திரநாத்தை பணி இடை நீக்கம் செய்து உத்தரவிட்டார் ஜெயலலிதா. இது தவறென்கிறார் கருணாநிதி.

அடுத்தது யாரு… முத்துக் கருப்பன். இந்த முத்துக் கருப்பன் மீது ஜெயலலிதா மரியாதை வைத்து, பதவிக்கு வந்த முதல் காரியமாக இவரை சென்னை மாநகர காவல் ஆணையாளராக ஆக்கியதன் பின்னணி தெரியுமா ? ஜெயலலிதாவும், சசிகலாவும் சேர்ந்து தனி அறையில் ஒரு ஆடிட்டரை செருப்பால் அடித்ததாக 1991-96 காலத்தில் புகார் வந்தது தெரியுமா ? அந்த ஆடிட்டர் தந்த புகாரின் பேரில் காவல்துறை விசாரணை நடந்தது. அந்த விசாரணையை நடத்துகையில் ஜெயலலிதாவை விசாரித்தது இந்த அதிகாரிதான். இவர் எப்படி விசாரணை நடத்தியிருந்தால், ஜெயலலிதா பதவிக்கு வந்ததும் இவரை மாநகர காவல் ஆணையாளராக ஆக்கியிருப்பார் பாருங்கள்.

இந்த முத்துக் கருப்பனிடம், கருணாநிதியை கைது செய்யும் பொறுப்பு ஒப்படைக்கப் பட்டது. அதை திறம்பட செய்ததற்காக முத்துக் கருப்பன் மீது ஜெயலலிதா நல்ல அபிப்ராயம் வைத்திருந்தார். இதைப் பயன்படுத்தி முத்துக் கருப்பன், அண்ணா நகரில் பிரதான இடத்தில் இருந்த ஒரு நிலத்தை, ஜெயலலிதா பேரைச் சொல்லி, தனக்கே தனக்கு என்று அபகரிக்கப் பார்த்தார். சம்பவம் நடந்த அன்று, மூப்பனார் இறந்து அவரின் உடல் காமராஜர் அரங்கத்தில் மக்கள் பார்வைக்காக வைக்கப் பட்டு இருந்தது.

சென்னை நகரின் மொத்த காவல்துறையும் பாதுகாப்பு ஏற்பாடுகளுக்காக காமராஜர் அரங்கத்தில் குவிக்கப் பட்டிருந்தது. அப்போது, இவரும் காங்கிரசில் இருந்த வெற்றிவேலும் சேர்ந்து, ஒரு காவல்துறை டீமை வைத்து, ஏற்கனவே அந்த இடத்தில் இருந்த குடிசைகளை பிரித்துப் போட்டு, இந்த இடம் தனியாருக்குச் சொந்தமான இடம் என்று போர்டு வைத்தனர்.

ப்யூரிட்டா மினரல் வாட்டர் என்று ஒரு நிறுவனம் நடத்தி வந்தார். ஒரு பால்பண்ணை நடத்தி வந்தார். அந்தப் பால்பண்ணையில் பணியாற்றிது அனைத்தும் 25க்கும் மேற்பட்ட காவலர்கள். சம்பளத்தை அரசிடம் பெற்றுக் கொண்டு, முத்துக் கருப்பனின் பால்பண்ணையிலும், மினரல் வாட்டர் நிறுவனத்திலும் அந்தக் காவலர்கள் வேலை பார்த்து வந்தார்கள்.

ஜெயலலிதா பெயரைச் சொல்லி நிலத்தை அபகரிக்க முயன்றவரை பணி இடை நீக்கம் செய்யாமல், விருதா கொடுக்க முடியும் ? இவர் மீது இரண்டு வழக்குகள் லஞ்ச ஒழிப்புத் துறையால் பதிவு செய்யப் பட்டு விசாரணைக்கு உத்தரவிடப் படுகிறது. ( RC 63/2003/POL/HQ. DE 102/2002/POL/HQ) இதையும் தவறு என்கிறார் கருணாநிதி.

உஜகார் சிங், ஐஏஎஸ். தமிழக அரசு, எண்ணை வித்துக் கழகம் என்று ஒரு நிறுவனத்தை நடத்துகிறது. இந்த எண்ணை வித்துக் கழகம், அனைவராலும் பயன் படுத்தப் படுகிறதே… சூரியகாந்தி எண்ணை. அந்த எண்ணையை தயாரித்து சந்தையில் விற்க உத்தேசிக்கிறது. இந்த எண்ணை வித்துக் கழகத்தின் மேலாண் இயக்குநராக உஜகார் சிங் நியமிக்கப் படுகிறார்.

இவ்வாறு நியமிக்கப் பட்ட உஜகார் சிங், 6 கோடி மதிப்புள்ள எண்ணையை, டெல்லியைச் சேர்ந்த தனது உறவுக்காரர் நடத்தும் நிறுவனத்திற்கு விற்று விடுகிறார். விற்பது தப்பில்லை. விற்றதற்கான பணத்தை கடைசி வரை வாங்கவேயில்லை. இது தொடர்பாக லஞ்ச ஒழிப்புத் துறையில் விசாரணை நடை பெறுகிறது. (PE 81/2001/MISC/HQ) ஆறுமுகசாமி என்ற ஆய்வாளர் இவ்விசாரணையை நடத்துகிறார்.

எஃப்ஐஆர் பதிவு செய்யலாம் என்று அறிக்கை அளிக்கிறார். இந்த விசாரணையை ஒட்டியே உஜகார் சிங் பணி இடை நீக்கம் செய்கிறார். இதையும் தவறு என்கிறார் கருணாநிதி.

கே.எம்.சுப்ரமணியன் ஐஏஎஸ். 2002ம் ஆண்டில் சமூக நலத் துறை மற்றும் சத்துணவுத் திட்ட இயக்குநர். இந்த சுப்ரமணியன், கள ஆய்வு நடத்தப் போகிறேன் என்று, மதுரை சென்று சர்க்யூட் ஹவுசில் தங்கிக் கொண்டு, அவரது கட்டுப் பாட்டின் கீழ் வரும் தொழில் கூட்டுறவு அலுவலர்கள் ஒவ்வொருவரும் தீபாவளிச் செலவுக்காக தலா 5000 ரூபாய் கொண்டு வந்து கொடுக்க வேண்டும் என்று கூறுகிறார்.

2002ம் ஆண்டு செப்டம்பர் 24ம் தேதி, இதே போல ஒவ்வொரு அலுவலரும் தலா 5000 ரூபாயை ஒரு கவரில் போட்டு சர்க்யூட் ஹவுசில் சென்று கொடுக்கின்றனர். மறைவாக காத்திருந்த திருஞானம் தலைமையிலான லஞ்ச ஒழிப்புத் துறை டீம் ஏறக்குறைய 20க்கும் மேற்பட்டவர்கள் பணத்தை கொடுத்தவுடன், சுப்ரமணியன் அறைக்குள்ளே நுழைகிறது. உள்ளே நுழைந்தவர்கள், நாங்கள் சிபி.சிஐடி காவல்துறை.

உங்களிடம் யாரோ கள்ள நோட்டு கொடுத்திருப்பதாக தகவல் வந்திருக்கிறது என்று கூறுகின்றனர். அந்த மங்குணி சுப்ரமணியம், என்னிடம் கள்ள நோட்டு கொடுக்க சான்சே இல்லை என்று தான் வைத்திருந்த அத்தனை பணத்தையும் எடுத்து காண்பிக்கிறார். அத்தனை பணத்தையும் காண்பித்த பிறகு எண்ணிப் பார்த்தால், ஒரு லட்சத்தி ஐந்தாயிரம் ரொக்கமும், ஒரு தங்க நாணயமும் இருக்கிறது. இதன் பிறகு, இவர் மீது வழக்கு பதிவு செய்து பணி இடைநீக்கம் செய்யப் படுகிறார். இவரை இடைநீக்கம் செய்ததும், உமாசங்கரை இடைநீக்கம் செய்ததும் ஒன்றாம்.

இப்போது புரிகிறதா ? உமாசங்கருக்கும் மேற்கு வங்கத்துக்கும் என்ன தொடர்பு என்று ? எப்படி இருக்கிறது கருணாநிதியின் நியாயம் ? வித்தாரக்கள்ளி விறகொடிக்கப் போனாளாம்... கத்தாள முள்ளு கொத்தோட வந்துச்சாம்.

சவுக்கு

பாதுகாப்புக்கே பாதுகாப்பு.

அது என்ன ரவுடிக்கே ரவுடி, கில்லாடிக்கு கில்லாடி போல, பாதுகாப்புக்கே பாதுகாப்பு ? இருங்கள் விளக்கமாக சொல்லுகிறேன். ஒரு நபருக்கு சில நபர்கள் பாதுகாப்புத் தருகிறார்கள். அந்த சில நபருக்கு அந்த ஒரு நபர் பாதுகாப்புக் கொடுத்தால் ? குழப்பமாக இருக்கிறதா. விளக்கமாகச் சொல்லுகிறேன்.

ஒரு மன்னருக்கு மூன்று பேர் பாதுகாப்புத் தருகிறார்கள். அந்த மூன்று பேருக்கும், மூன்று பொற்கிழிகளைக் கொடுத்து, அந்த மன்னர் அவர்களின் வாழ்வுக்கு பாதுகாப்பு தந்தால் ? இது ஏதோ மன்னர் காலத்தில் நடந்த கதை அல்ல.

தற்காலத்தில், சுதந்திர இந்தியாவில், ஜனநாயகம் உள்ளது என்று கூறிக்கொள்ளும் தமிழகத்தில்தான் நடந்திருக்கிறது.

தமிழக முதலமைச்சராக உள்ள கருணாநிதி, தன்னுடைய பாதுகாவலர்களாக உள்ள, மூன்று காவல்துறை ஆய்வாளர்களுக்கு, 2 கோடி மதிப்புள்ள வீட்டு மனையை வெறும் எழுபத்தைந்து லட்ச ரூபாய்க்கு கொடுத்திருக்கிறார். எதற்காக கொடுத்திருக்கிறார். தன்னை பாதுகாப்பாக பார்த்துக் கொள்கிறார்கள் என்பதற்காக.



இவர்கள் மூன்று பேர் மட்டும்தான் பார்த்துக் கொள்கிறார்களா, இவரின் கான்வாயின் முன்னும் பின்னும் செல்லும் வண்டிகளில் உள்ள மற்றவர்கள் கருணாநிதியை பாதுகாப்பதில்லையா என்றால் அவர்களும் பாதுகாக்கிறார்கள்தான். ஆனால் அவர்களுக்கெல்லாம் இல்லாத இந்தப் பொற்கிழி இந்தப் பாண்டியனுக்கும், வினோதனுக்கும், கணேசனுக்கும் மட்டும் ஏன் என்பதை, கருணாநிதிதான் விளக்க வேண்டும்.

சரி, இவர்கள் நன்றாக வேலை செய்து, கருணாநிதியை நன்றாக பாதுகாக்கிறார்கள் என்றால், கோபாலபுரம் வீட்டையோ, சிஐடி காலனி வீட்டையோ அல்லவா எழுதிக் கொடுத்திருக்க வேண்டும் ? மக்களின் சொத்தை எதற்காக இந்த மூவருக்கும் கொடுக்க வேண்டும் ?

ஏனென்றால், மக்களின் சொத்துக்கள் அனைத்தையும், கருணாநிதி தன்னுடைய சொத்தாகவே நினைக்கிறார். இன்னும் 2016 வரை ஆட்சிப் பொறுப்பை கொடுத்துப் பாருங்கள். தமிழகத்தில் யாருக்குமே எந்தச் சொத்தும் இல்லாமல், இருக்கும் சொத்துக்கள் அனைத்தையும் குடும்பத்துக்குள் பகிர்ந்து கொள்ளப் போகிறார்.

மூன்று பாதுகாவல் அதிகாரிகளில், கணேசனுக்கும், வினோதனுக்கும் மட்டும் “அப்பழுக்கற்ற அரசு ஊழியர்கள்“ என்ற பிரிவின் கீழ் இரண்டு க்ரவுண்டு நிலம். பாண்டியனுக்கும் மட்டும் மனைவி மீனா பெயரில் வீட்டு மனை (பாண்டியனின் ராஜ்ஜியத்தில் உய்யலாலா).

சரி, இந்த இரண்டு பேர் மட்டும் தான் அப்பழுக்கற்ற அரசு ஊழியர்கள் என்றால், தமிழக அரசில் பணியாற்றும், மற்ற ஊழியர்கள் எல்லாம் அப்பழுக்குள்ள ஊழியர்களா ?

அவர்களும் அப்பழுக்கற்ற அரசு ஊழியர்கள் என்றால் அவர்களுக்கு இரண்டு கோடி ரூபாய் நிலம் ஏன் வழங்கப் படவில்லை என்ற அதிகப்பிரசங்கி கேள்விகளையெல்லாம் சவுக்கு மாதிரி கேட்டுக் கொண்டு இருக்கக் கூடாது.




கருணாநிதியின் இந்த வள்ளல்தன்மை, இப்போது வந்ததல்ல. 1989-90ல் தமிழக முதலமைச்சராக கருணாநிதி இருந்த போது, அவருக்கு அப்போது பாதுகாப்பு அதிகாரிகளாக இருந்த, உபேந்திரன் மற்றும் பிஎஸ்.சேதுராமன் ஆகிய இரண்டு ஆய்வாளர்களுக்கும், அண்ணா நகரில் தலா ஒரு க்ரவுண்டு நிலம் வழங்கியவர்தான் இந்தக் கருணாநிதி. அவர்கள் இருவரும் தற்போது பணியில் இருந்து ஓய்வு பெற்று விட்டார்கள்.

கருணாநிதி எப்படிப் பட்ட நபர் என்பதற்கு ஒரு உதாரணம். 1989ல் திமுக ஆட்சி நடக்கிறது. அப்போது பி.எஸ்.சேதுராமன் பாதுகாவல் அதிகாரி இருக்கிறார். அவரிடம் இன்னொரு போலீஸ் அதிகாரி போனில் உரையாடுகிறார்.

“என்ன சேதுராமன் எப்படி இருக்கீங்க ? “

“நல்லா இருக்கேன் சார். “

“என்னங்க ஜெயலலிதா வீட்ல இருந்து ராஜினாமா கடிதம் எடுத்தாங்களாமே…. உண்மையா ? “

“ஆமா சார். தலைவர் கரெக்டாதான் சார் பண்ணார். இந்த தொரை டிஜிபி இருக்கான்ல.. அவன்தான் உள்ள பூந்து கெடுத்து உட்டுட்டான் சார். இல்லன்னா எப்பபோ அந்த அம்மா போயிருக்கும் சார்“

ஜெயலலிதா, 6 மாதத்துக்கு ஒரு முறை, பால்கனியில் மட்டும் காட்சி தரும் காலம் அது.

ஒரிரு நாள் கழித்து சேதுராமனை அழைத்த கருணாநிதி, மேற்கூறிய உரையாடலை சேதுராமனிடம் ஒரு டேப்பில் போட்டுக் காட்டுகிறார். அதிர்ந்த சேதுராமன் திருதிருவென விழிக்கிறார்.

“என்னப் பத்தில்லாம் நல்லாதான் பேசிருக்க. துரை உனக்கு உயர் அதிகாரியில்ல ? இப்படியா மரியாதை இல்லாம பேசுறது ? “


“இனிமே இப்படிப் பேசாத. போ. “ என்றார். இதுதான் கருணாநிதி. கூடுதல் தகவல், அந்த சேதுராமன், கருணாநிதியின் தூரத்து உறவினர்.

பாண்டியன், வினோதன், கணேசன் ஆகிய மூன்று பேரும், “ட்ராலி பாய்ஸ்“ என்று பிரபலமாக அழைக்கப் படுகிறார்கள். இவர்கள் மூவருக்கும் ஏன் இந்தப் பெயர் வந்தது என்று வரலாற்று ஏடுகளை ஆராய்ந்ததில் சான்றுகள் ஏதும் கிடைக்கவில்லை. சவுக்கு வாசகர்களுக்கு தெரிந்தால் கூறவும்.





இந்த மூவருக்கும், தலா 4780 சதுர அடிக்கு, முகப்பேர் ஏரித் திட்டம், உயர் வருவாய்ப் பிரிவில் வீட்டு மனை ஒதுக்கி உத்தரவிட்டுள்ளார் கருணாநிதி. இந்த வீட்டு மனை ஒதுக்கீட்டிற்கு, அரசு நிர்ணயித்த விலை 75 லட்ச ரூபாய். இந்த 75 லட்ச ரூபாயை இவர்கள் மூவரும் ஒரே நாளில் செலுத்துகிறார்கள்.

மாதம் 10 ஆயிரம் ரூபாய் ஊதியம் பெரும் ஒருவர் எப்படி 75 லட்ச ரூபாய் செலுத்த முடியும் என்ற சந்தேகம் எழுந்து, FACT இந்தியா என்ற ஊழல் ஒழிப்பு அமைப்பு ஒன்று லஞ்ச ஒழிப்புத் துறைக்கு செப்டம்பர் 2009ல் புகார் ஒன்றை அனுப்புகிறது. நேர்மையான அதிகாரி என்று பரவலாக அறியப்படும் ராமானுஜத்திடம் அந்தப் புகார் நேரில் கொடுக்கப் படுகிறது. அந்த நேர்மையான (?????) ராமானுஜம்,(சார் உங்களைப் பற்றி சவுக்கு தனியே எழுதும்) அந்தப் புகாரின் மேல் மூன்று மாதங்கள் படுத்து உறங்குகிறார். துயில் கலைந்தவுடன், டிசம்பர் 2009ல், அந்தப் புகார் நம்மிடம் இருந்தால் ஆபத்து, என்று கருதி, இதை டிஜிபி அலுவலகத்துக்கு அனுப்புகிறார். (ஊழல் புகாரையெல்லாம் டிஜிபி அலுவலகத்துக்கு அனுப்புரீங்களே நீங்க என்ன போஸ்ட்மேனா ராமானுஜம் சார் ? இந்த சவுக்கோட பதிவையும் ஒரு ப்ரின்ட் எடுத்து லத்திக்கா சரணுக்கு அனுப்புங்க சார்.)

இத்தோடு இந்தக் கதையில் இடைவேளை. இப்போ ஃப்ளாஷ் பேக். 2008ம் ஆண்டு மார்ச் மாதம்தான் இந்த மூவருக்கும் இடம் ஒதுக்கீடு செய்யப் பட்டது. அப்போது ஜாபர் சேட்டிடம், இந்த மூவரும் இந்தத் தகவலைத் தெரிவிக்க, அவர்களிடம் சிரித்துப் பேசி விட்டு சாதாரண இன்ஸ்பெக்டர் பயலுங்களுக்கு ரெண்டு கோடி மதிப்புள்ள வீட்டு மனையை கொடுத்தால், ஐஜிக்கும் இன்ஸ்பெக்டருக்கும் என்ன வித்தியாசம் என்று பொருமுகிறார்.

அவரிடம் நெருக்கமான அந்த ஆன்டெணா அதிகாரியிடம் ஜாபர் சேட், “Has the CM gone insane ? Why is he allotting such prime property to these bloody fellows ? They are not worth it. If these fellows are rewarded like this, what respect will they have for IPS officers ? “ என்று கூறுகிறார்.




ஜுன் 2008 வாக்கில், மருத்துவர் ராமதாஸ் அவருடைய தொலைபேசியை ஒட்டுக் கேட்டு விட்டார் என்று, ஜாபர்சேட் மேல் கடும் கோபத்தில் இருக்கிறார். இதை எப்படியாவது சரி செய்ய வேண்டும் என்று எம்எல்ஏ வேல்முருகன் மூலமாக முயற்சி செய்கிறார் ஜாபர் சேட்.



பாண்டியன் சார். 2008 ஜுன் மாதத்தில், மக்கள் டிவியில, உங்க மூணு பேருக்கும் வீட்டு மனை ஒதுக்கப் பட்டிருக்குன்னு செய்தி வந்தது தெரியுமா ? அது மக்கள் டிவிக்கு எப்படி தெரியும்னு நெனைக்கிறீங்க ?

சவுக்கு, மருத்துவர் ராமதாசை சந்தித்த போது, ராமதாஸ் மூன்று அரசாணைகளை காண்பித்து, இது உண்மையான ஆவணமா எனக் கேட்டார். அந்த அரசாணைகள் உங்கள் மூவருக்கும் வீட்டு மனை ஒதுக்கீடு செய்த ஆவணங்கள். சவுக்கு உண்மையான ஆவணங்கள்தான் என உறுதி செய்ததும் “அந்தப் பய, இதெல்லாம் கொடுத்தா நான் அவன மன்னிச்சுடுவேன்னு நெனைக்கிறான். ஆனா, நான் அவன உட மாட்டேன்“ என்று கூறினார்.

பாண்டியன் சார். மக்கள் டிவியில் இந்தத் தகவல் ஜுன் 2008ல் எப்படி வந்தது என்று இப்போது தெரிகிறதா ? என்னாதான் நெருங்கிப் பழகினாலும், அவங்க ஐபிஎஸ்தான், நீங்க சாதாரண காண்ஸ்டபிள் தான் சார். அதை மறந்துடாதீங்க. உங்கள என்னைக்குமே ஜாபர் சேட் மதிக்க மாட்டார் சார்.

ஃப்ளாஷ் பேக் முடிந்தது. சென்னை உயர்நீதிமன்றத்தில் வழக்கு ஒன்று விசாரணைக்கு வருகிறது.

FACT இந்தியா அமைப்பைச் சேர்ந்த ஒருவர் ட்ராலி பாய்ஸ் பற்றிய புகாரை லஞ்ச ஒழிப்புத் துறை இயக்குநர் விசாரணை நடத்த உத்தரவிடும் படி சென்னை உயர்நீதிமன்றத்தில் வழக்கு தொடுக்கிறார்.

வழக்கு விசாரணை தொடங்குகிறது. நீதிமன்றம் முழுவதும் வழக்கறிஞர்களை விட உளவுத்துறையினர் அதிகமாக இருக்கின்றனர். லஞ்ச ஒழிப்புத் துறையிலிருந்து சுதாகர் என்ற ஆய்வாளர் அரசு வழக்கறிஞருக்கு உதவுவதற்காக வந்திருக்கிறார்.

மனுதாரர் சார்பில் ராதாகிருஷ்ணன் என்ற சிங்கம் தன் கர்ஜனையை தொடங்குகிறது. ஒரு புகாரை பதிவு செய்து விசாரணை நடத்த மறுத்ததற்காக நீதிமன்றத்தை அணுக வேண்டிய ஒரு அவலச் சூழல் உள்ளது என்று தன் வாதத்தை தொடங்கினார்.



உடனே அரசு வழக்கறிஞர் சரவணன், இது விளம்பரத்திற்காக போடப்பட்ட வழக்கு. வழக்கை தள்ளுபடி செய்ய வேண்டும் என்று கூறினார். சரவணன் சார், மனுதாரர் செல்வராஜை நீங்கள் பார்த்திருக்கிறீர்களா ? அவர் எப்படி இருப்பார் என்று தெரியுமா ? அப்புறம் எதற்கு சார் இப்படி குதிக்கிறீர்கள். எவ்வளவு குதித்தாலும், நீங்கள் எந்தக் காலத்திலும் உயர்நீதிமன்ற நீதிபதி ஆகவே முடியாது.

சவுக்கு அது போன்ற ஒரு துன்பியல் சம்பவம் நடப்பதை அனுமதிக்காது. அரசு வழக்கறிஞராக நீங்கள் அந்த நீதிமன்றத்தில் என்ன செய்து கொண்டிருக்கிறீர்கள் என்ற விபரங்கள் எல்லாம் சவுக்குக்கு தெரியும்.

விளம்பரத்திற்காக என்று சரவணன் கூறியதும், சிங்கம் சீறியது. அரசு வழக்கறிஞருக்கு, இது போலக் கூறுவதற்கு உரிமையில்லை. அவர் தனது வார்த்தைகளை திரும்பப் பெற வேண்டும் என்று உரத்த குரலில் கூறினார்.

நீதியரசர் சி.டி.செல்வம் ராதாகிருஷ்ணன் அமைதியாக இருங்கள் நீங்கள் ஏன் கோபப் படுகிறீர்கள், என்ற கூறி விட்டு, ராதாகிருஷ்ணன் தனது வாதத்தை தொடங்குவதற்கு முன்பே, உங்களிடம் அவர்கள் 75 லட்ச ரூபாயை கட்டியிருக்கிறார்கள் என்பதைத் தவிர உங்களிடம் வேறு ஆதாரங்கள் இல்லை. You cannot go on a fishing expedition I am going to dismiss the petition என்று கூறினார்.

75 லட்ச ரூபாயை கட்டியதற்கான ஆதாரமும், அதைக் கட்டிய அரசு ஊழியரின் மாத ஊதியம் 10,000 என்பதையும் மீறி என்ன எதிர்ப்பார்க்கிறார் நீதியரசர் என்பது வாதாடிய ராதாகிருஷ்ணனுக்கு புரியவில்லை.

அவர், நீங்கள் மனுவை தள்ளுபடி செய்யுங்கள், ஆனால் எனது வாதத்தை பதிவு செய்தவுடன் தள்ளுபடி செய்யுங்கள் என்று கூறினார்.

வேறு வழியின்றி, சரி வாதிடுங்கள் என்று கூறினார் நீதியரசர். சிங்கம் தனது கர்ஜனையை தொடங்கியது. லஞ்ச ஒழிப்புத் துறையின் பணி என்ன, ஒரு புகார் வந்தால் அவர்கள் என்ன செய்ய வேண்டும் என்று வாதிட்டுக் கொண்டிருக்கையில் உணவு இடைவேளை வந்தது.

மதியம் வழக்கு தொடங்கியதும் வழக்கமாக அவசர வழக்க குறித்த நீதிபதியிடம் முறையிடும் நடைமுறையின் படி, வழக்கறிஞர்கள், நீதியரசரிடம் தங்களது வழக்கு குறித்து முறையிட தொடங்கினார்கள். ஒரிருவரை கேட்ட நீதியரசர், நான்காவது நபர் தொடங்கியதும், சமீப காலங்களாக, நீதிமன்றத்தின் நேரத்தை மூன்றாவது நபர்கள் தேவையின்றி வீணடிப்பது நடந்து வருகிறது, இது தவிர்க்கப் பட வேண்டும் என்று அறிவுரை வழங்கினார்.

அடுத்து ஒரு வழக்கறிஞர் பேச தொடங்கியதும், நீங்கள் இப்படியே தொடர்ந்து பேசிக் கொண்டிருந்தால், நான் வழக்கு விசாரணையை எப்படிப் பார்ப்பது என்று கோபப் பட்டார். அனைவரும் அமைதியானார்கள்.

சிங்கம் தனது கர்ஜனையை மீண்டும் தொடங்கியது. ஒரு குடிமகன், ஒரு புகாரை பதிவு செய்யக் கூட நீதிமன்றத்தின் கதவுகளை தட்ட நேரிடும் ஒரு அவலம் இந்த நாட்டில்தான் உண்டு. பத்தாயிரம் ரூபாய் ஊதியம் பெரும் மூன்று அரசு ஊழியர்கள் ஒரே நாளில் எப்படி 75 லட்சம் கட்டினார்கள். அவர்கள் கடன் வாங்கிக் கட்டியிருக்கலாம், தங்களின் பூர்வீகச் சொத்தை விற்றுக் கட்டியிருக்கலாம், நான் மறுக்கவில்லை. ஆனால் இந்த விபரம் விசாரணை செய்தல்லவா கண்டிறியப் பட வேண்டும் ? விசாரணையே நடக்காமல் ஒரு வருடமாக அமைதியாக இருந்தால் எதையோ மறைக்கிறார்கள் என்று தானே பொருள் ? லஞ்ச ஒழிப்புத் துறையில் விசாரணை எப்படி நடத்த வேண்டும் என்று கூறும் Vigilance Manual புத்தகத்தில் விசாரணை நடத்த வேண்டும் என்று கூறப்பட்டிருக்கிறதே அதை ஏன் லஞ்ச ஒழிப்புத் துறை பின்பற்றவில்லை என்று கூறி விட்டு, உச்சநீதிமன்றம் ஊழல் புகாருக்கு ஆளானவர்களில் பாரபட்சம் காட்டாமல் அனைவர் மீதும் விசாரணை நடத்த வேண்டும் என்று தீர்ப்பளித்திருப்பதை சுட்டிக் காட்டினார்.



ஒன்றரை மணி நேரம் வாதிட்டு முடித்தபின், அரசு வழக்கறிஞர் ஒரு இரண்டு பக்க அறிக்கையை நீதியரசரிடம் கொடுத்தார். அந்த அறிக்கையில், மனுதாரரின் புகார் டிஜிபியிடம் அனுப்பப் பட்டதாகவும், அதன் மீது விசாரணை நடத்திய டிஜிபி இவர்கள் இன்னொருவரோடு கூட்டு ஒப்பந்தம் போட்டு அதேன் மூலம் பணம் செலுத்தியிருப்பதால், இவர்கள் மீது எவ்வித விசாரணையும் நடத்த முகாந்திரம் இல்லை என்று கூறியிருப்பதாக தெரிகிறது.

மதிய உணவு இடைவேளைக்குப் பிறகு தானே அறிக்கை நீதியரசரிடம் கொடுக்கப் பட்டது. அதற்கு முன்பே இதை தள்ளுபடி செய்கிறேன் என்று ஏன் நீதிபதி சொன்னார் ? என்று கேள்வி கேட்டு நீதிமன்றத்தின் உள்விவாகரங்களுக்குள் தலையிட்டீர்கள் என்றால், நீதிமன்ற அவமதிப்புக்கு ஆளாகி விடுவீர்கள் சொல்லி விட்டேன். சவுக்கு வாசகர்களை பாதுகாக்கும் பொறுப்பும், சவுக்குக்கு உண்டு.

இருவரும் வாதங்களை முடித்த பின் நீதியரசர், தனது இரண்டு கைகளையும் தலையில் வைத்த படி குனிந்து இரண்டு நிமிடங்கள் இருந்தார். பிறகு தலையை கோதினார். (நீதிக்கு தலைவணங்கு என்பதை சிம்பாலிக்கா சொல்றாரோ ?) பிறகு, டிஜிபி விசாரணை நடத்தி முடித்து விட்டதால், அதன் அடிப்படையில், இந்த மனுவை தள்ளுபடி செய்கிறேன் என்று உத்தரவிட்டார்.

இந்த சிறப்பான தீர்ப்பு அளித்த நீதியரசரை யார் என்று தெரிந்து கொள்ள சவுக்கு வாசகர்கள் ஆவலாக இருப்பீர்கள் தானே ? இதோ அந்த நீதியரசர்.



லஞ்ச ஒழிப்புத் துறையில் புகார் கொடுத்தால், அதை டிஜிபிக்கு அனுப்பும் ஒரு அற்புதமான நடைமுறையை நீதிமன்றமே ஏற்றுக் கொண்ட நிலையில் லஞ்ச ஒழிப்புத் துறை எதற்கு ? இழுத்து மூடி விடலாமே ? இந்த லட்சணத்தில், அங்கு பணியாற்றும் ஊழியர்களுக்கு, அடிப்படை ஊதியத்தில் 15 சதவிகிதம் சிறப்பு ஊதியமாம்.

வழக்கு முடிந்து விட்டது. இனி சவுக்கின் புலன் விசாரணை. இந்த மூன்று பேருக்கும் வீட்டு மனை ஒதுக்கீடு செய்யப் பட்டதா …. பாண்டியன் என்ன செய்கிறார்… அவருக்கு 75 லட்ச ரூபாய்க்கு ஒதுக்கீடு செய்த இடத்தை கல்யாண்குமார் என்பவரின் மனைவி பத்மா என்பவருக்கு ஒரு கோடியே எழுபத்தைந்து லட்சத்திற்கு விற்கிறார்.




வினோதன் என்ன செய்கிறார். தனக்கு ஒதுக்கப் பட்ட மனையை சண்முகம் என்பவரின் மனைவி கவுரி என்பவருக்கு, ஒரு கோடியே எழுபத்தைந்து லட்சத்துக்கு விற்கிறார். கணேசன் என்ன செய்கிறார்…. அவரும் கல்யாண்குமார் என்பவரின் மனைவி பத்மா என்பவருக்கு ஒரு கோடியே எழுபத்தைந்து லட்சத்திற்கு விற்கிறார்.

புரியிற மாதிரி சொன்னா. ஒரே நாளில் “கை மாத்தி விட்டதுக்கு, இவங்க மூனு பேருக்கும் லாபம் தலா ஒரு கோடி. “ ஜாபர் சேட்டுக்கு கோபம் வர்றது நியாயம் தானே ?

இப்போ பாண்டியனோட வீட்டு மனையில, பெரிய பங்களா கட்டிகிட்டு இருக்காங்க சார். சும்மா சூப்பரா இருக்கு.








இப்போ சொல்லுங்க சார். பாதுகாப்புக்கே பாதுகாப்பு தலைப்பு பொருத்தம் தானே ?

சவுக்கு

சோதனைத் தமிழர்.

இந்த வாரம் குமுதம் பார்த்தீர்களா ? கடந்த இதழுக்கும் இந்த இதழுக்கும் ஒரு முக்கிய வித்தியாசம் உள்ளது.

ஞானி வெளியே போய் ஜாபர் சேட் உள்ளே வந்துள்ளார். ஞானி வெளியே போனதற்கும் ஜாபர் சேட் வந்ததற்கும் ஏராளமான தொடர்புகள் உண்டு.

ஜாபர் சேட் பற்றி சவுக்கு வாசகர்கள் அறியாததல்ல. ஆனால், சவுக்கு வாசகர்களுக்காகவே, ஏராளமான பணத்தை விரயம் செய்து குமுதம் வார இதழில் நாலரை பக்கத்தில் விளம்பரம் செய்துள்ளார்.

(சார் இந்த விளம்பரத்துகாவது சொந்தக் காசைக் குடுத்தீங்களா இல்ல இதுவும் ரகசிய நிதியா ? புது வாஸ்து மீன் நல்லா இருக்கா சார் ? கேட்டதா சொல்லுங்க. ஆமா அந்த மீன், நீங்க பேசுறத ஒட்டுக் கேட்குதாமே… ஜாக்ரதையா இருங்க சார். மீன் தொட்டிகிட்ட போயி ரகசியம் பேசாதீங்க)

அந்த விளம்பரம் சவுக்கு வாசகர்களுக்கான இதோ .. … … … …

(மேடம், திருவான்மியூர்ல எல்லா ஃப்ளாட்டும் வித்துப் போன சந்தோஷம் உங்க முகத்துல தெரியுது மேடம். தொழில் வெற்றியடைந்தால் தொழில் அதிபருக்கு சந்தோஷம் வருவது இயல்புதானே. ஆனா, இந்த ஃப்ளாட் அலாட்மென்ட் கேன்சல் ஆனாலும், எப்படி இதே மாதிரி சந்தோஷமா இருக்கறதுன்னு, ஜக்கி வாசுதேவ் ஆசிரமத்துல பயிற்சி எடுத்துக்குங்க மேடம். காமராஜ் ஹெல்ப் பண்ணுவார். அவரோடதும் கேன்சல் ஆகப் போகுது மேடம்)

(சார். சும்மா சொல்லக் கூடாது சார். நெஜம்மா ஹீரோ மாதிரியே இருக்கீங்க சார். சவுக்குல எப்போ பாத்தாலும் உங்க பேஸ் புக் போட்டோவையே போட்டுகிட்டு இருக்கோம்னு வாசகர்கள் வருத்தப் பட்டாங்க. அதுக்காக அத விட அழகான உங்க படத்த கொடுத்ததுக்கு நன்றி சார்.

(என்ன ஜாபர் சார். கருணாநிதிய கெடுத்தது பத்தாதுன்னு தலப்பாக் காரரையும் கெடுக்க முடிவு பண்ணீட்டீங்களா ? நாயுடு மகாஜன சபா தலைவரை பக்கத்துல வச்சுக்கிட்டு இருக்கீங்களே ? சரியான கேடி சார் அந்த ஆள். உங்களையே கவுத்துருவாரு. ஜாக்ரதையா இருங்க. உங்க மேல இருக்கற அக்கறையிலதான் சார் சவுக்கு சொல்லுது. கவனமா இருங்க .

எவ்வளவு அழகான குடும்பம் ? எவ்வளவு மகிழ்ச்சியாக சிரித்துக் கொண்டிருக்கிறது ? சார், உங்க பேமிலில எல்லாரும் சவுக்கு வாசகர்களாமே ? உண்மையா சார் ? உங்க வெயிட்டிங் பி.சியும், அட்மின் டிஎஸ்பி ராஜ்குமாரும், சவுக்கு வாசகர்கள் என்பது சவுக்குக்கு கண்டிப்பாக தெரியும் ? பேமிலியும் சவுக்கு வாசகர்களா என்பதை நீங்கள் தான் சார் சொல்ல வேண்டும்.

சவுக்கின் மீது பொய் வழக்கு போட்டு கைது செய்தார் நண்பர் ஜாபர் சேட். ஆனால், ஆட்சி மாறியதும் அவர் மீது பாயப் போவது பொய் வழக்குகள் அல்ல. உண்மை வழக்குகள். இப்போது மகிழ்ச்சியாக சிரிக்கும் குடும்பத்தில் அப்போது இந்த புன்னகை இருக்காது என்பது வேதனையான விஷயம்.

ஜாபர் சேட்டின் சவுக்குக்கே தெரியாத மறுபக்கத்தை குமுதம் இதழ் காண்பித்திருக்கிறது. ஆனால் மறுபக்கத்துக்கே மறுபக்கத்தை காட்டுவதல்லவா சவுக்கின் வேலை ?

இந்த பேட்டிக்காக எத்தனை நாள் வேலை நடந்தது, இந்தப் பேட்டியை எடுத்தவர் யார், எப்படி எடுக்கப் பட்டது, இதன் பின்னணி என்ன, இந்தப் பேட்டியை எடுத்துப் போட்டு விட்டு, “நமது நிருபர்” என்ற முகமூடியை போட்டுக் கொண்டு இடைநீக்கத்தில் இருக்கும் அந்த “கேசநோவா”வின் வரலாறு என்ன, எதற்காக இதை எழுதினார் என்ற மறுபக்கத்தின் மறுபக்கத்தை வெளியிடுவதற்கு சவுக்கு இல்லாமல் வேறு யார் அய்யா இருக்கிறார்கள் ?

கருத்துரிமை பாதுகாப்புக்காக நடைபெறும், வெள்ளி மற்றும் சனி நிகிழ்ச்சி தொடர்பான வேலைகளில் சவுக்கு பிசியாக இருப்பதால் இரண்டு நாட்கள் கழித்து, இந்த மறுபக்கத்தின் மறுபக்கம் வரும். அதற்குள் சவுக்கை பொய் வழக்கு போட்டு கைது செய்தால் பயப்படாதீர்கள் தோழர்களே. சவுக்கு சிறையில் இருந்தாலும், பதிவுகள் தொடரும். (நம்ப டீம் அப்படிப்பட்ட டீமு தலைவா. சும்மா சிறுத்தை குட்டிங்க. )

இரண்டு நாட்கள் கழித்து சந்திப்போம் தோழர்களே…..

சவுக்கு வாசகர்களுக்கு அன்பான வேண்டுகோள்..

வெள்ளி மாலை சென்னை புரசைவாக்கம் தாணா தெருவில் நடைபெறும் கருத்துரிமை பாதுகாப்புக் கூட்டத்திலும், சனி மாலை சென்னை கேரள சமாஜம் அரங்கத்தில் நடைபெரும் இதே தலைப்பிலான கூட்டத்திலும் தங்கள் வேலைகள் எவ்வளவு இருந்தாலும் அவற்றை சற்றே ஒதுக்கி வைத்து விட்டு அவசியம் கலந்து கொள்ளுங்கள்.

எனெனில் இன்று நாம் உறங்கினோமேயானால், நாளை நாம் இணையத்தில் கூட சந்திக்க முடியாது.

சவுக்கு

தலைகீழ் விகிதங்கள்.

ஊழல் செய்யும் அரசியல் வாதிகளை விட, இந்த அதிகாரிகள், இச்சமுதாயத்தின் புற்று நோய் என்று சவுக்கு எப்போதுமே சொல்லி வந்திருக்கிறது.

ஊழல் செய்யும் அரசியல் வாதிகள், ஐந்து ஆண்டுகளுக்கு ஒரு முறை தலித்துகள் வீட்டிலும், சேரிகளிலும், ஏழைகள் வீட்டுக்கும் வந்தே ஆக வேண்டும். அவர்களை சில சமயங்களிலாவது, கேடும் கோபம் கொண்டு, மக்கள் நிராகரிக்கும் வாய்ப்பு உள்ளது. ஆனால் இந்த அதிகாரிகளுக்கு எந்த தண்டனையும் கிடையாது. பச்சோந்திகள் போல பதவிக்கு வரும் ஆட்சியாளர்களுக்கு வால் பிடித்து தங்கள் பிழைப்புக்கு எந்த விதத்திலும் குந்தகம் விளையாமல் பார்த்துக் கொள்கிறார்கள்.

தமிழகத்தில் பெரிய அளவில் அதிகாரிகள் மட்டத்தில் ஊழல் தொடங்கியது 1991க்குப் பிறகு தான். அதற்கு முன்னாலும் ஊழல் இருந்ததென்றாலும், சகட்டு மேனிக்கு சகல மட்டத்திலும் ஊழல் புரையோடிப் போனது 1991 முதல் தான்.

பஞ்சாயத்துக்காக வாங்கும் தொலைக்காட்சி வாங்குவதில் ஊழல் என்றால், நிலக்கரி இறக்குமதி செய்வதில் ஊழல், தொட்டில் குழந்தைக்கு மோதிரம் வழங்குவதில் தொடங்கி சுடுகாட்டுக் கூரை வரை ஊழல் வானளாவிக் கிடந்தது.

அன்று தொடங்கிய ஊழல் இன்று கொடி கட்டிப் பறக்கிறது. ஊழல்களில் ஈடுபட்டவர்களில் ஓரிருவர் தண்டிக்கப் பட்டாலும், பெரும்பாலானவர்கள் இன்று அதிகார மட்டத்தில் அதிகாரம் செலுத்திக் கொண்டு இருக்கும் அவலம் இருக்கத் தான் செய்கிறது.

சி.ராமச்சந்திரன் என்று என்று ஒரு ஐஏஎஸ் அதிகாரி இருந்தார். இவருக்கு ஜெயலலிதா ஆட்சிக் காலத்தில் 4 பதவி நீட்டிப்புகள் கொடுக்கப் பட்டன. 1996ல் கருணாநிதி ஆட்சிக்கு வந்தவுடன், முதலில் பணி இடை நீக்கம் செய்யப் பட்ட ஐஏஎஸ் அதிகாரி இவர்தான்.

இவர் மீது லஞ்ச ஒழிப்புத் துறையில் 15க்கும் மேற்பட்ட வழக்குகள் 1996ல் பதியப் பட்டன. சிபி.சிஐடியில் ஒரு 5 வழக்குகள். இவர் மீத இத்தனை வழக்குகள் பதியப்பட்டதற்கு காரணம், மனிதர் கையெழுத்துப் போட சளைக்க மாட்டார். யாராவது ஒரு நாள் லீவ் வேண்டுமென்று கேட்டால் கூட பணம் கேட்பார் என்று தலைமைச் செயலக வட்டாரங்களில் இவரைப் பற்றி நகைச்சுவையாக சொல்வதுண்டு.

திமுக ஆட்சியில் இவர் கைது செய்யப் பட்டு சிறையில் அடைக்கப் பட்டார்.

இன்று இந்த சி.ராமச்சந்திரன் எங்கு இருக்கிறார், என்ன செய்து கொண்டு இருக்கிறார் தெரியுமா ?

உமாசங்கர் என்ற ஐஏஎஸ் அதிகாரி, திடீரென்று பணி இடை நீக்கம் செய்யப் பட்டார். அவர் இடை நீக்கம் செய்யப் பட்டதற்கு காரணம் மாறன் சகோதரர்களின் எஸ்சிவி நிறுவனம்தான் என்று பரவலாக பேசப்பபடுகிறது.

ஆனால் உண்மையான மதுரையில் உள்ள அதிகார மையம் தான். எல்காட்டும், நியூ எரா டெக்னாலஜிஸ் என்ற தனியார் நிறுவனமும் கூட்டு சேர்ந்து “எல்நெட்” என்ற புதிய நிறுவனத்தை கூட்டாக உருவாக்குகின்றன. இந்த எல்நெட் நிறுவனம், ”ஈடிஎல்” என்ற கட்டுமான நிறுவனத்தை புதிதாக, தனியாக உருவாக்குகிறது. உருவாக்கி, எல்நெட் நிறுவனத்தின் சொத்துக்களை அடமானம் வைத்து, ஏறக்குறைய 700 கோடிகளை கபளீகரம் செய்து விட்டு காணாமல் போகிறது. இதற்கு எதிர்ப்புத் தெரிவித்த உமாசங்கரின் சாதிச் சான்றிதழ் கேள்விக் குறியாக்கப் படுகிறது. அவர் பணி இடைநீக்கம் செய்யப் படுகிறார்.

இந்த எல்நெட் நிறுவனத்தின் நிர்வாகக் குழு உறுப்பினராக இருப்பவர் ”சி.ராமச்சந்திரன்”. மதுரை அதிகார மையம் காணாமல் போன அந்த நிறுவனத்தின் 60 சதவிகித பங்குகளை வைத்திருப்பதாக தகவல்கள் கூறுகின்றன. எப்படி இருக்கிறது ?

2001ல் அதிமுக ஆட்சிக்கு வந்த உடன், திமுக அமைச்சர்கள் மற்றும் முக்கிய பிரமுகர்கள் மேல் லஞ்ச ஒழிப்புத் துறையால் வழக்கு பதிவு செய்யப் பட்டது. இந்த வழக்குகளில் மிகத் தீவிரம் காட்டி, வேகமாக இறுதி அறிக்கையை சமர்ப்பிக்காத புலனாய்வு அதிகாரிகளை கடுமையாக சாடியவர் கே.ராதாகிருஷ்ணன்.

அப்போது ஜெயலலிதா ஆட்சிக் காலத்தில் முக்கியமாக கவனம் செலுத்தப் பட்ட வழக்கு, ஆற்காடு வீராச்சாமி மீதான சொத்துக் குவிப்பு வழக்கு. இந்த வழக்கில், ஆற்காட்டாரின் தம்பி தேவராஜன் எழுபதுகள் முதல் தொடர்ந்து வருமான வரி செலுத்தி வந்த கணக்குகளால் இவர் மீதான சொத்துக் குவிப்பு வழக்கை நிரூபிக்க போதிய ஆதாரங்கள் இல்லை. இதனால், ஆற்காட்டார் மீது குற்றப் பத்திரிக்கை தாக்கல் செய்ய இயலாது என்று அந்த புலனாய்வு அதிகாரி கூறி விட்டார்.

இந்த ராதாகிருஷ்ணன், தினமும் இரண்டு முறை அந்த அதிகாரியை தனது அறைக்கு அழைப்பார். என்ன ஆச்சு குற்றப் பத்திரிக்கை என்று கேட்பார். அந்த அதிகாரி சார் எவிடென்ஸ் இல்ல சார் என்பா. ஒழுங்கா விசாரிங்க. எவிடென்ஸ் கிடைக்கும் என்பார். இப்படியே 2006 வரை போனது.



ஒரு கட்டத்தில் ராதாகிருஷ்ணன் மற்றும், நாஞ்சில் குமரன் தொல்லை பொறுக்க முடியாமல் அந்த அதிகாரி, குற்றப் பத்திரிக்கை தாக்கல் செய்ய போதுமான ஆதாரங்கள் இருப்பது போல ஒரு அறிக்கையை தருகிறார். ஆட்சி முடிய இரண்டு மாதங்களுக்கு முன் அந்த அறிக்கை தலைமைச் செயலகத்துக்கு அனுப்பப் படுகிறது.

இந்த ராதாகிருஷ்ணனுக்கு, இதே ஆற்காடு வீராச்சாமி திமுக ஆட்சியில் சென்னை மாநகர காவல் ஆணையாளர் பதவி வாங்கித் தருகிறார். இவர்கள் இருவருக்குமான ஒரே இணைப்புப் பாலம் ”நாயுடு என்ற சாதி”

நாஞ்சில் குமரன் லஞ்ச ஒழிப்புத் தறை இயக்குநராக இருந்த போது எப்படி இருந்தார் தெரியுமா ?



காலையில் அவர் மேசையில் நமது எம்ஜிஆர் பேப்பர் இருக்க வேண்டும். தலைமைச் செயலகத்திற்கு செல்லும் கோப்புகள் அனைத்தும் பச்சை நிறத்தில் இருக்க வேண்டும். லஞ்ச ஒழிப்புத் துறையின் பெயர்ப் பலகை பச்சை நிறம். தமிழ்நாட்டில் வனத் துறையை தவிர எந்த அலுவலகத்தின் பெயர்ப்பலகையும் பச்சை நிறத்தில் இருப்பதில்லை என்ற விதியை மீறி பச்சை நிறம்.

தன்னுடைய சன்னல் கண்ணாடிகளைக் கூட நாஞ்சில் குமரன் பச்சை நிறத்தில் மாற்றி தனது அதிமுக விசுவாசத்தை பறைசாற்றினார். இன்றும் லஞ்ச ஒழிப்புத் துறை இயக்குநரின் சன்னல் கண்ணடிகள் பச்சை நிறத்தில் பல்லிளித்துக் கொண்டிருக்கின்றன.

இப்படிப் பட்ட நாஞ்சில் குமரன், தேர்தல் முடிந்த மறுநாள், காலையிலேயே மு.க.ஸ்டாலினை சந்தித்துப் பேசினார். தனது குடும்பமே திமுக குடும்பம் என்றார். சென்னை மாநகர கமிஷனர் ஆனார். எப்பூடி…..

சிவணான்டி. ஜெயலலிதா ஆட்சியில் உளவுத் துறையில் பணியாற்றினாலும் டிஜிபிக்கும் மேல் ஒரு பதவி இருந்தால் என்ன அதிகாரம் இருக்குமோ அப்படி இருந்தார் சிவனாண்டி. சென்னை ஹாடோஸ் சாலையில் 65 லட்ச ரூபாய்க்கு ஒரு Flat வாங்கியதாகவும், ஒரு ஹோண்டா சிட்டி கார் வாங்கியதாகவும் அவர் மீது லஞ்ச ஒழிப்புத் துறையில் சொத்துக் குவிப்பு வழக்கு ஒன்று நிலுவையில் இருந்தது.

கருணாநிதியே ஒரு கூட்டத்தில் சில அதிகாரிகள், கட்சிக் காரர்கள் போல செயல்படுகிறார்கள் என்று கூறினார். மதிமுக பொதுச் செயலர் வைகோவை, திமுக கூட்டணியிலிருந்து பிரித்து அதிமுக கூட்டணிக்கு சென்று சேர்ப்பதில் பெரும் பங்கு வகித்தார்.

அப்படிப் பட்ட சிவணான்டி, இன்று கருணாநிதி அரசில் சர்வ வல்லமை பொருந்திய அதிகாரி.

கருணாநிதியின் நள்ளிரவுக் கைதில் முக்கியப் பங்கு வகித்தவர் முத்துக் கருப்பன். இந்த முத்துக் கருப்பன் அவர் செய்த சில முறைகேடுகளால் ஜெயலலிதாவால் இடைநீக்கம் செய்யப் பட்டு, 2006 வரை மீண்டும் பதவிக்கு வர முடியவில்லை.

அப்படிப் பட்ட முத்துக் கருப்பனுக்கு, மீண்டும் பதவி வழங்கியது கருணாநிதிதான்.

2001ல் ஜெயலலிதா ஆட்சிக் காலத்தில் லஞ்ச ஒழிப்புத் துறையால் பதியப் பட்ட மற்றொரு வழக்கு சென்னை மாநகர் முழுவதும் கழிவு நீர்க் குழாய்களை புதுப்பிப்பது. இதற்காக உலக வங்கி மற்றும் ஜப்பானிய வங்கியிடம் நிதி உதவி பெற்று வேலைகள் நடத்தப் பட்டன.

மாநகராட்சி மற்றும் மெட்ரோ வாட்டர் விதிகளின் படி, சாலையை எங்கு வெட்டினாலும், அதை மூடும் முன், அதில் மணலைக் கொட்டி மூட வேண்டும் என்பது. கழிவு நீர்க் குழாய்கள் அனைத்தையும் மாற்றும் போது ஏராளமான மணலைக் கொட்டி மூடியிருக்க வேண்டும்.

இந்த வேலைகளெல்லாம் முடிந்த பிறகு, மணலை கொட்டி சாலையை மூடியதாக ஆவணங்கள் தயாரிக்கப் பட்டன. ஆனால் ஒரு இடத்தில் கூட மணலைக் கொட்டாமல் கொட்டியதாக போலியாக பட்டியல் தயாரித்து ஊழல் புரிந்ததில் 68 கோடி ரூபாய் அரசுக்கு நஷ்டம்.

இந்த புகாரில் அரசு லஞ்ச ஒழிப்புத் துறைக்கு ஒரு விரிவான விசாரணைக்கு உத்தரவிடுகிறது. ஓர் ஆண்டு விசாரணை முடிந்தவுடன், முன்னாள் மாநகர மேயர் மு.க.ஸ்டாலின், சாந்தாஷீலா நாயர், ஜே.ராதாகிருஷ்ணன், கோலப்பன், சி.பி.சிங், ஜோதி.ஜகராஜன், மாலதி, ராஜேஷ் லக்கானி உள்ளிட்ட ஐஏஎஸ் அதிகாரிகள் மீது எப்ஐஆர் பதிவு செய்ய அனுமதி வேண்டும் என்று அரசுக்கு அறிக்கை அனுப்புகிறார் ராதாகிருஷ்ணன்.

இந்த வழக்கு நிலுவையில் இருந்த போது, உலக வங்கிக் குழு ஒன்று லஞ்ச ஒழிப்புத் துறையில் ஆய்வு மேற்கொள்ள வந்தது. அப்போது ராதாகிருஷ்ணன், இந்த வழக்கு பற்றி பவர்பாயிண்ட் ப்ரசென்டேஷன் ஒன்று தயாரிக்க உத்தரவிட்டார். அந்த ப்ரசென்டேஷனில் இந்த மணல் வழக்கில் 68 கோடி ரூபாய்க்கு பதிலாக 600 கோடி ஊழல் என்று மாற்றச் சொன்னார். எதற்கென்றால், இத்தனை கோடி ரூபாய் ஊழலை கண்டு பிடித்த ராதாகிருஷ்ணன் போன்ற அதிகாரிகள் நமக்குத் தேவை என்று உலக வங்கி அதிகாரிகள் அழைத்துக் கொள்வார்களோ என்ற ஆதங்கம். அவர் உத்தவவுப் படியே தயாரிக்கப் பட்டது. இதை பார்வையிட்ட அப்போதைய லஞ்ச ஒழிப்புத் துறை இயக்குநர் நாஞ்சில் குமரன் “யாருய்யா இதை பிரிப்பேர் பண்ணது. கொடுத்த 1000 கோடியில 700 கோடி ஊழல்னா எப்படிய்யா வேர்ல்ட்டு பேங்க்ல லோன் குடுப்பான் ? “ என்று கத்திய போது, ராதாகிருஷ்ணன் அவருக்கும் அதற்கும் சம்பந்தம் இல்லாதது போல உட்கார்ந்திருந்தார்.



பதினைந்து ஐஏஎஸ் அதிகாரிகள் மீது எப்ஐஆர் போட வேண்டும் என்று அனுமதி கேட்டு அரசுக்கு அனுப்பினால் அனுமதி கிடைக்குமா ? கிடைக்க வில்லை. ஒரு டெக்னிக்கல் கமிட்டி அமைத்து நன்றாக விசாரித்து மீண்டும் ஒரு அறிக்கை அனுப்புமாறு அரசிடமிருந்து பதில் வந்தது.

இதற்கிடையில் மு.க.ஸ்டாலின் மீது எப்ஐஆர் போட அறிக்கை அனுப்பியது நான்தான் என்று ஜெயலலிதாவிடம் கூறி, மார்க் வாங்காத தனது மகனுக்கு முதல்வர் கோட்டாவில் அண்ணா பல்கலைகழகத்தில் சீட் பெற்றார் ராதாகிருஷ்ணன்.

அரசு உத்தரவுப் படி அமைக்கப் பட்ட டெக்னிக்கல் கமிட்டி மீண்டும் மு.க.ஸ்டாலின் மற்றும் ஐஏஎஸ் அதிகாரிகள், பொறியாளர்கள் மீது எப்ஐஆர் போட வேண்டும் என்று அறிக்கை அனுப்பியது. அந்த அறிக்கையின் மீது அரசு எவ்வித நடவடிக்கையும் எடுக்கவில்லை.

திமுக ஆட்சிக்கு வந்ததும், மு.க.ஸ்டாலின் மற்றும் ஐஏஎஸ் அதிகாரிகள் மீது நடவடிக்கை வேண்டாம். பொறியாளர்கள் மீது மட்டும் நடவடிக்கை என்று தலைமைச் செயலாளர் திரிபாதி தலைமையிலான மூவர் குழு பரிந்துரை செய்தது. பொறியாளர்கள் சும்மா இருப்பார்களா ? இந்த வழக்கு தொடர்பான ஆவணங்கள் பத்திரிக்கைகளில் சில மாதங்களுக்கு முன்பு வெளியாகின.

பம்மிய அரசாங்கம் கடந்த மாதம், பொறியாளர் உள்ளிட்ட அனைவர் மீதும் நடவடிக்கையை கைவிட்டு ஆணை வெளியிட்டது.

மு.க.ஸ்டாலின் மீது எப்ஐஆர் போட வேண்டும் என்று அறிக்கை அளித்த ராதாகிருஷ்ணன், இன்று திமுக ஆட்சியில் பலம் வாய்ந்த அதிகாரியாக வலம் வந்து கொண்டிருக்கிறார்.

68 கோடி ரூபாய் ஊழலில் முக்கியப் பங்கு வகித்த மாலதி ஐஏஎஸ், இன்று லஞ்ச ஒழிப்புத் துறையை கட்டுப் படுத்தும் விழிப்புப் பணி ஆணையர்.

68 கோடி ரூபாய் ஊழல் வழக்கில் முதல் குற்றவாளியாக லஞ்ச ஒழிப்புத் துறையால் சுட்டிக் காட்டப் பட்ட மு.க.ஸ்டாலின், வழக்கை சந்திக்காமலேயே, தனது அதிகாரத்தால் அந்த வழக்கை மூடி விட்டு, நீதிமன்றத்தில் வழக்கை சந்தித்த ஜெயலலிதா, வழக்கை இழுத்தடிக்கிறார் என்று ஆர்ப்பாட்டம் நடத்துகிறார்.





இதெல்லாம் தலைகீழ் விகிதங்கலல்லாமல் வேறு என்ன ?

சவுக்கு