சந்தனக்காடு to ஜானி ஜான் கான் ரோடு 2

வீரப்பன். இந்தப் பெயர், தமிழக மற்றும் கர்நாடக காவல் துறைக்கு சிம்ம சொப்பனமாக விளங்கியது. மொலக்கன் என்கிற வீரப்பனின் ஆப்பரேஷன்களிலேயே மிகப் பெரிய ஆப்பரேஷன், ராஜ்குமார் கடத்தல்.

இரண்டு மாநில அரசாங்கங்களை மூன்று மாதங்களுக்கும் மேலாக, அரசின் பார்வையில் ஒரு சாதாரண கடத்தல் காரனாகவும், சட்டத்தின் பார்வையில் ஒரு கிரிமினலாகவும், மலைவாழ் மக்கள் பார்வையில், ராபின்ஹூடாகவும் காட்சியளித்த வீரப்பனிடமிருந்து எப்போது கேசட் வரும், என்ன செய்தி வரும், என்று இரு மாநில முதல்வர்களும் பேச்சு வார்த்தை நடத்த வைத்த சம்பவம்தான் ராஜ் குமார் கடத்தல்.

சலவை கவுண்டர் என்பவர், காட்டில் கடத்தல் தொழில் செய்து வருகிறார். அந்த சலவைக் கவுண்டரிடம் தான் வீரப்பன் “அப்ரென்டிஸ்ஸாக“ அதான் சார், பயிற்சிக்காக, சேருகிறார். இவருக்கு வயதானதும், வீரப்பன் மற்றும் அவர் கூட்டாளி, தங்கவேலுவிடம், தன் கடத்தல் தொழிலை ஒப்படைக்கிறார்.

ஆரம்பத்தில், யானைத் தந்தம் மற்றம் சந்தன மரக் கடத்தலில் பெரும் அளவில் ஈடுபட்டிருந்த வீரப்பனை பெரிய அளவில் வளர்த்து விட்டது வனத் துறையினரே. இந்த வனத் துறையினர் இருக்கிறார்களே… இவர்கள் நாக்குக்கு அடிமையானவர்கள்.

சுவையான காட்டுப் பன்றி, பறவைகள், மான்கள், போன்றவைகளின் இறைச்சிக்கு அலைவார்கள். இந்த இறைச்சி வேண்டி, வீரப்பனிடம் தங்கள் துப்பாக்கியை ஒப்படைத்து விலங்குகளை வேட்டையாடித் தரச் சொன்ன வரலாறும் உண்டு. தொடக்க காலத்தில் இவ்வாறு, இருந்த வீரப்பன், பிற்காலத்தில் பெரிய வேட்டைக் காரனாக மாறியதற்கு, இது தொடக்கமாக அமைந்தது.

வெறும் விலங்குகளை மட்டும் வேட்டையாடி வந்த வீரப்பன், தன்னுடைய முதல் கொலையை செய்தது, 1978ம் ஆண்டு. அதற்குப் பிறகு, வீரப்பனின் வாழ்க்கையில் கொலைகளுக்குப் பஞ்சமே இல்லை.

ராராஜ்குமார். கர்நாடகக் கண்மணி.




வீரப்பனால் கடத்தப் பட்ட போது, மிகச் சாதுவாக, அப்பாவியாக, காட்சியளித்தாலும், இந்த ராஜ்குமார், ஒரு கன்னட வெறியர்.
1929ல் ஒரு நாடக நடிகரின் மகனாகப் பிறந்த இந்த ராஜ்குமார்,

தன் தந்தை வழியிலேயே, நாடக நடிகரானார். தொடர்ந்து சினிமாவில் நடிக்க முயற்சித்து வந்த ராஜ்குமார், 1954ல் “பேதர கண்ணப்பா“ என்ற கன்னடப் படத்தின் மூலம் சினிமாவில் காலெடுத்து வைக்கிறார்.சினிமாவில் ஓரளவு பிரபலமான ஸ்டாராக ராஜ்குமார் உருவெடுக்கிறார்.

எண்பதுகளில், ராஜ்குமாரின் திரைப்பட வாய்ப்புகள் குறையத் தொடங்குகின்றன. இந்தச் சூழலில், 1956 மொழிவாரி மாநிலப் பிரிவிற்குப் பிறகு, கர்நாடகாவில், ஆங்கிலம், சமஸ்கிருதம் மற்றும் கன்னடம் அலுவல் மொழியாக இருந்தது. பெரும்பாலான மாணவர்கள் சமஸ்கிருதத்தை எடுத்துப் படித்ததால், கன்னடம் படிக்காமலேயே, கர்நாடகத்தில் படித்துப் பட்டம் பெறலாம் என்ற நிலை இருந்தது.

இந்த நிலையை மாற்ற, கர்நாடக மாநிலத்தில் மொழி ஆர்வலர்கள், பல்வேறு போராட்டங்களைத் தொடர்ந்து நடத்தி வருகின்றனர்.

இதைத் தொர்ந்து, ஞானபீட விருது பெற்றவரும், கர்நாடக பல்கலைக்கழகத்தின் முன்னாள் துணை வேந்தருமான வி.கே.கோகக் என்பவர் தலைமையில், ஒரு குழு அமைக்கப் படுகிறது. இந்தக் குழுவானது, கர்நாடக மாநிலத்தில் கன்னடம் வளரத் தேவையான நிதி ஒதுக்கீட்டை உடனடியாக செய்ய வேண்டும், கன்னடத்தை ஒரு கட்டாய மொழிப் பாடமாக்க வேண்டும் என்று பரிந்துரை செய்கிறது. இந்தப் பரிந்துரை ஏற்றுக் கொள்ளப் படுமா இல்லையா என்று சலசலப்பு ஏற்படுகிறது.

இந்த நிலையில் தான், திரைப்படங்கள் தோல்வியடைந்து வாய்ப்புகள் குறைந்த நிலையில் உள்ள, ராஜ்குமார், இந்த மொழிப் பிரச்சினையை கையில் எடுக்கிறார். கோகக் கமிட்டி அறிக்கையை அமல் படுத்த வேண்டும் என்று, பேரணிகளும், ஆர்ப்பாட்டங்களும் நடத்துகிறார். ராஜ்குமார் பின்னால், கர்நாடக திரையுலகமே திரண்டு நிற்கிறது. இந்தப் போராட்டம் பெரும் வீச்சை அடைகிறது.

இதைத் தொடர்ந்து, அரசாங்கம், ராஜ்குமாரின் போராட்டத்திற்கு பணிந்து, கோகக் கமிட்டி அறிக்கை உடனடியாக அமல்படுத்தப் படும் என்று அறிவிக்கிறது.

இது தவிரவும், ராஜ்குமாருக்கு, திரைப்படங்களில் தோன்றிய ஆரம்ப காலங்களிலேயே தமிழர்கள் மீது வெறுப்பு உண்டு. இவர் என்னதான் கஷ்டப்பட்டு நடித்தாலும், கன்னட மக்கள் எம்.ஜி.ஆர், சிவாஜி படங்களைத்தான் விரும்பிப் பார்க்கிறோர்களே என்ற “காண்டு“ இவருக்கு உண்டு.

கர்நாடகாவின் காங்கிரஸ் கட்சித் தலைவராக இருந்த பங்காரப்பா இவருக்கு சம்பந்தி ஆகிறார். இவரது மகளுக்கும், பங்காரப்பாவின் மகனுக்கும் திருமணம் நடக்கிறது. 1989ல் கர்நாடக அமைச்சரவையில் விவசாயத்துறை அமைச்சராக இருந்த பங்காரப்பா, 1990ல் காங்கிரசின் கோஷ்டி கலாச்சார விதிகளின் படி, முதலமைச்சராகிறார்.




முதலமைச்சரானதும், இவரது எதிர் கோஷ்டி, இவரை அந்தப் பதவியில் இருந்து தூக்க வேண்டும் என்று பகீரதப் பிரயத்தனம் செய்கிறது.

இந்த நேரத்தில், காவேரி ட்ரிப்யூனல் தமிழகத்திற்கு இடைக்கால நிவாரணமாக தண்ணீர் விட வேண்டும் என்று உத்தரவிடுகிறது. இந்த உத்தரவை மதிக்க மறுத்த பங்காரப்பா அரசு, இதற்கு எதிராக ஒரு சட்டத் திருத்தம் கொண்டு வருகிறது. அந்தச் சட்டத் திருத்தத்தை, உச்சநீதிமன்றம் ரத்து செய்கிறது.

இதையடுத்து கர்நாடகத்தில் உருவான கொந்தளிப்பான சூழ்நிலையை தன்னுடைய அரசியல் நெருக்கடிக்கு சாதகமாக பயன் படுத்திக் கொள்ள வேண்டும் என்று பங்காரப்பா முடிவெடுக்கிறார். தமிழர்களுக்கு எதிராக கலவரத்தை தூண்டி விட வேண்டும் என்று முடிவெடுக்கிறார்.

2002 குஜராத் கலவரத்தில், ஆர்எஸ்எஸ் உள்ளிட்ட சங் பரிவார் அமைப்புகள் செய்த வேலையை கர்நாடகத்தில் செயல்படுத்தும் பணி, பங்காரப்பாவின் சம்பந்தி ராஜ்குமாரிடம் ஒப்படைக்கப் படுகிறது.

ஏற்கனவே தனக்கு தமிழர்கள் மீது இருந்த காழ்ப்புணர்ச்சியை பயன் படுத்திக் கொள்ள வேண்டும் என்று முடிவெடுத்த ராஜ்குமார் தன்னுடைய ரசிகர்களை தூண்டி விடுகிறார்.
ஏறக்குறைய ஒரு மாத காலத்திற்கும் மேலாக, பெங்களுரில் கலவரம் நடக்கிறது.

காவல்துறையை அமைதியாக வேடிக்கை பார்க்கச் சொல்லி உத்தரவிடப் படுகிறது.
1992ம் ஆண்டு, நடந்த இந்தக் கலவரத்தில் தான் ஆற்றிய பங்குக்கான பலனை ராஜ்குமார் 2000ம் ஆண்டில் அனுபவிக்கிறார்.

பித்தம் தொடரும்

சவுக்கு

உடைக்கப் படும் நான்காவது தூண்….

நான்காவது தூண். ஜனநாயகத்தின் முக்கியமான பங்கு வகிக்கும் ஒரு தூண். பத்திரிக்கைகளைத்தான் இவ்வாறு முக்கியமான தூணாக கருதுகிறார்கள் அறிஞர்கள்.
இன்று இந்த நான்காவது தூண் மெல்ல மெல்ல கருணாநிதியால் உடைக்கப் பட்டுக் கொண்டிருக்கிறது.

இந்தத் தூணை உடைத்து, தனக்கு துதி பாடும் ஜால்ராக் கூட்டங்களை வைத்து ஒரு உளுத்துப் போன ஒரு தூணைக் கட்டலாம் என்று கனவு கண்டு கொண்டிருப்பாரேயானால், அவரைப் பெற்ற முத்துவேல் உயிரோடு வந்தால் கூட நடக்காது என்பதை அவர் உணர வேண்டும்.

பத்திரிக்கையாளர்கள் மீதான தாக்குதல், திமுக அரசு வந்ததிலிருந்து தொடர்ந்து நடந்து கொண்டுதான் இருக்கிறது. சரி ஜெயலலிதா அரசில் பத்திரிக்கையாளர்கள் மீது தாக்குதல் நடக்கவேயில்லை என்றால், ஜெயலலிதா ஆட்சியில் தாக்குதல் எல்லாம் இல்லை. அதற்குப் பதில், போட்டா, தடா போன்ற ஆள் தூக்கிச் சட்டங்களின் கீழ் வழக்கு, அவதூறு வழக்கு போன்றவை இருக்கும்.

ஆனாலும், ஜெயலலிதா செய்ததை விட, கருணாநிதி பத்திரிக்கையாளர்களை இம்சிப்பதும், தாக்குவதும் மோசமானது. ஏனென்றால், ஜெயலலிதா எப்போதும் நானும் ஒரு பத்திரிக்கையாளர், மாநாடு முடிந்ததும், உங்களில் ஒருவனாக, அதிகாரத்தை விட்டு, உங்களோடு இருப்பேன் என்றெல்லாம் எப்போதும் பம்மாத்து பண்ணியதில்லை. தர்மசங்கடமாக கேள்வி கேட்டால், “எந்தப் ப்ரெஸ்சுடா நீ“ என்று கேட்டு விட்டு, பழக்கடை அன்பழகனைப் பார்த்து கண்ணைக் காட்டுவதில்லை.



நானே ஒரு பத்திரிக்கையாளன் தான் என்று நடிக்கும் கருணாநிதி ஆட்சியில்தான், பத்திரிக்கையாளர்கள் தாக்கப் படுவதும், “புகார் கொடுங்கள், நடவடிக்கை எடுக்கப் படும்“ என்று வழக்கமான பழைய ரெக்கார்டை போடுவதும் தொடர்ந்து நடந்து வருகிறது.

இதன் ஒரு பகுதியாகத்தான், கடந்த திங்களன்று, நாம் தமிழர் இயக்கத்தின் ஒருங்கிணைப்பாளர் சீமான் கைது செய்யப் பட்ட போது பத்திரிக்கையாளர்கள் மீது நடந்த தாக்குதல்.




பத்திரிக்கையாளர்களுக்கு சீமானை காவல்துறையிடமிருந்து காப்பாற்ற வேண்டுமென்ற வேண்டுதலா என்ன ? காவல் துறையினர் தங்கள் கடமையைச் செய்வது போலவே அவர்களும் தங்கள் கடமையைத் தானே செய்கிறார்கள் ?

அவர்கள் மீது தாக்குதல் நடத்தும் அயோக்கியத்தனத்தை செய்யும் இந்தக் காவல் துறையினருக்கு இந்தத் துணிச்சலைத் தந்தது யார் ? அது வேறு யாருமல்ல. கருணாநிதிதான் அது.



காவல்துறையினருக்கு அன்று இருந்த உத்தரவு, சீமான் பத்திரிக்கையாளர்களிடம் பேசக் கூடாது என்பதுதான். இதை எப்படியாவது நிறைவேற்ற வேண்டும் என்ற பயத்தில்தான் இப்படி பத்திரிக்கையாளர்களைத் தாக்குகிறார்கள்.

சரி. ஒரு வேளை சீமான் பத்திரிக்கையாளர்களிடம் பேசி விட்டார். என்ன ஆகும். ஒன்றும் குடி முழுகிப் போய் விடாது. அந்தத் துணை ஆணையர் சாரங்கன் மாற்றப் படுவார். அந்த இணை ஆணையர் தாமரைக் கண்ணன் மாற்றப் படுவார்.

ஒரு சில உதவி ஆணையர்களும், காவல் ஆய்வாளர்களும் மாற்றப் படுவார்கள். இவ்வளவுதான் நடக்கும்.




ஆனால், பதவி மாற்றப் பட்டு, பழனி சிறப்பு போலீஸ் பட்டாலியனிலோ, ஆவடி சிறப்புப் போலீஸ் பட்டாலியனுக்கோ, மாற்றப் பட்டால், அதிகார மையத்தில் இருக்கும், இந்தக் காவல் துறை அதிகாரிகளுக்கு உயிரே போய் விடும்.

இந்த அதிகாரமும், மாமூலும், இல்லாவிட்டால் செத்து விடுவார்கள். இதற்குப் பதிலாகத்தான், பத்திரிக்கையாளர்கள் மீது தாக்குதல் நடத்தும் இந்த சமரசம்.
இணை ஆணையர் தாமரைக்கண்ணன், தேவர் சமூகத்தைச் சேர்ந்தவர். அதிமுகவின் முன்னாள் எம்பியும், முன்னாள் உள்துறைச் செயலாளருமான மலைச்சாமியின் உறவினர். முன்னாள் சபாநாயகரின் மருமகன்.

இவர் மீது பெரிய அளவில் ஊழல் குற்றச் சாட்டுகள் இல்லையென்றாலும், “ராஜா மெச்சியது ரம்பை“ என்று, ஜால்ரா போட்டு விட்டு, தன் பதவியை காப்பாற்றிக் கொள்ளும் அளவுக்குத்தான், இவருக்கு நேர்மை உணர்ச்சி.



ஆனால், அன்று தாமரைக் கண்ணன் வரும் முன்பு, அந்த கைது நிகழ்ச்சிக்கு பொறுப்பாக இருந்த எம்.சி.சாரங்கன் ஒரு மலை முழுங்கி மகாதேவன். சாரங்கன் தலித் சமூகத்தைச் சேர்ந்தவர்.

2002ல் செல்வி ஜெயலலிதா முதலமைச்சராக இருந்த போது திருநெல்வேலி மாவட்ட எஸ்பியாக இருந்தார் இந்த சாரங்கன். அப்போது, சென்னையில் கனிம வளம் மற்றும், பூமியியல் துறையில் இயக்குநராக பணியாற்றி ஓய்வு பெற்று, ஒரு தனியார் கனிம நிறுவனத்தில் எம்.டியாக இருந்தார் சீனிவாசன் என்பவர்.

இந்த கனிம நிறுவனத்தின் சொத்துக்களையும், அதன் பங்குகளையும் அபகரிக்க ஒரு நபர் திட்டமிடுகிறார். அந்த நபர், அப்போது ராதாபுரம் தொகுதியின் சுயேட்சை எம்எல்ஏவாக இருந்த அப்பாவுவை அணுகுகிறார். இந்த அப்பாவு, எஸ்பிக்கு ஒரு வெயிட்டான அமவுண்ட்ட கொடுத்துடுங்க. ஒரு ஸ்கார்ப்பியோ வாங்கிக் கொடுத்துடுங்க, மீதிய அவரு பாத்துக்குவாரு என்று கூறுகிறார். இதன் அடிப்படையில் பேரம் நடக்கிறது. இந்த சீனிவாசன் நம்பிக்கை மோசடி செய்ததாக ஒரு புகாரை அந்த நபர் அளிக்கிறார்.

இந்தப் புகாரின் பேரில் எப்ஐஆர் பதிவு செய்த சாரங்கன், 62 வயதான சீனிவாசனை, சென்னையில் கைது செய்து திருநெல்வேலி வரை போலீஸ் வேனில் ஏற்றிச் செல்கிறார். வேனில் வந்தால், இதய நோயாளியான தனக்கு, மாரடைப்பு வர வாய்ப்பு உள்ளது என்று சீனிவாசன் கூறியவுடன், அவரை திருநெல்வேலி வரை காரில் அழைத்துச் செல்ல தனியாக ஒரு அமவுண்ட்டை வாங்கிக் கொள்கிறார்.

நெல்லை சென்றதும் கைது செய்யப் பட்ட, சீனிவாசன், உடல்நலக் குறைவு காரணமாக ஒரு தனியார் மருத்துவமனையில் அனுமதிக்கப் படுகிறார்.

அந்த மருத்தவமனையில், விஷ்ணு என்ற ஆய்வாளர் தலைமையில் சாரங்கன் உத்தரவின் படி ஒரு தனிப்படை, மருத்துவமனை சென்று, சீனிவாசனின் மகன் மற்றும் மனைவியை கைது செய்வோம் என்று மிரட்டி அந்த நிறுவனத்தின் சொத்துக்களையும், பங்குகளையும், அப்பாவு எம்எல்ஏ சொல்லும் நபருக்கு மாற்றம் செய்யச் சொல்லி மிரட்டுகிறது.

போலீஸ் கட்டுப்பாட்டில் இருக்கும் சீனிவாசன் வேறு வழியின்றி, மாற்றித் தருகிறார். இதற்கான பத்திரப் பதிவு, இரவு 8 மணிக்கு நடைபெறுகிறது.

இது மட்டுமின்றி, சாரங்கன் நெல்லை மாவட்டத்தில் இருந்த போது, “பொம்பளை சோக்கு“ உள்ளவர் என்று கூறுகின்றனர். அடிக்கடி, தென்காசியில் உள்ள ஒரு தங்கும் விடுதியில், ஒரு பெண் உதவி ஆய்வாளரோடு, தனி அறையில் “சட்டம் ஒழுங்கு“ பிரச்சினை குறித்து விவாதிப்பார் என்றும் தகவல்கள் கூறுகின்றன.

இவ்வாறு இவர் சட்டம் ஒழுங்கு பிரச்சினை குறித்து நடத்தும் விவாதங்கள் குறித்த புகார்கள் அப்போதைய நெல்லை டிஐஜி கோபாலகிருஷ்ணனிடம் செல்கிறது. அவர் சாரங்கன் தங்கியிருக்கும் அறையை பூட்டச் சொல்லி உத்தரவிட்டு, நேரடியாக செல்கிறார். இவரே சென்று பூட்டைத் திறந்தால், சாரங்கன் கழன்ற டவுசரோடு (Caught with his pants down) மாட்டுகிறார்.

இந்த இரண்டு விவகாரங்களும், முதலமைச்சருக்கு தெரிவிக்கப் பட, சென்னைக்கு சாரங்கனை அழைத்து, சாரங்கன் காது கிழியும் வரை திட்டி, சஸ்பென்ஷன் ஆர்டரை கையில் கொடுத்து அனுப்புகிறார்.

சஸ்பெண்ட் ஆன சாரங்கன், மீண்டும் வேலை பெறுவதற்கு அணுகும் நபர், அப்போது அதிமுக கூட்டணியில் இருந்த திருமாவளவன். திருமாவளவன், ஜெயலலிதாவிடம் இந்தப் பிரச்சினையை எடுத்துச் சென்றவுடன், கடுமையான வார்த்தைகளால், இது போன்ற கோரிக்கைகளோடு வரக் கூடாது என்று கண்டித்து அனுப்புகிறார்.

இந்த சீனிவாசன் விவகாரத்தில் லஞ்ச ஒழிப்புத் துறை விசாரணைக்கு உத்தரவிடப் படுகிறது. சாரங்கனின் கெட்ட நேரம், இந்த விசாரணை, செல்சம் மாணிக்க ராவ் என்று ஒரு நேர்மையான அதிகாரியிடம் கொடுக்கப் படுகிறது. மாணிக்க ராவ் ஒரு கிறித்துவர் என்பதை அறிந்த சாரங்கன், விசாரணை தொடங்கிய இரண்டாவது நாள், டிஜிஎஸ் தினகரனை பிடித்து விசாரணையை அமுக்க முயற்சிக்கிறார்.

சாரங்கனின் மனைவி நாயுடு சமூகத்தைச் சேர்ந்தவர் ஆதலால், அப்போது லஞ்ச ஒழிப்புத் துறையில் ஐஜியாக இருந்த நாயுடு மகாஜன சபா தலைவர் கே.ராதாகிருஷ்ணன் மூலமாகவும் முயற்சி நடக்கிறது. ராதாகிருஷ்ணன் தலையீட்டின் பேரில், ஸ்கார்ப்பியோ கார் வாங்கிய விவகாரம் மட்டும் வழக்கில் சேர்க்கப் படவில்லை.

ஆனால், விசாரணை அதிகாரி மாணிக்க ராவ், மிகத் திறமையாக விசாரணையைக் கையாண்டு, சாரங்கனுக்கு ஆப்படிக்கும் அளவுக்கு தனது அறிக்கையை சமர்ப்பிக்கிறார்.
ஜெயலலிதா பதவிக்காலம் முடியும் வரை சாரங்கன் பணி இடைநீக்கத்திலிருந்து விடுவிக்கப் படவில்லை.

திமுக ஆட்சி வந்தும் கூட, சாரங்கனுக்கு பணி வழங்கப் படவில்லை. சாரங்கன் மீண்டும் திருமாவளவனை அணுகி, (இப்போதான் திமுகவுக்கு வந்துட்டாரே) திருமாவளவனுக்கு, 15 லட்ச ரூபாய் பணத்தைக் கொடுத்து, சென்னையிலேயே நல்ல பதவியை பெறுகிறார். இதுதான் சாரங்கனின் பின்புலம்.

இப்படிப் பட்ட அதிகாரியை சென்னை மாநகரில் முக்கிய பொறுப்பில் உட்கார வைத்து அழகு பார்க்கும் கருணாநிதி, பத்திரிக்கையாளர் மன்றத்தின் அருகே கட்டப் பட்டிருக்கும் குதிரையின் சாணத்தை ஒரு வாரத்திற்கு பொறுக்கா விட்டால், டிரான்ஸ்பர் வரும் என்று சாரங்கனுக்கு உத்தரவு போட்டால் அவர் மறுப்பார் என்றா நினைக்கிறீர்கள் ?



இந்த சாரங்கனிடம் தான் சீமானின் கைது ஒப்படைக்கப் பட்டது. சீமான் வந்து இறங்கியவுடன், ஒரே களேபரம் நடந்து கொண்டிருக்கும் போது, சாரங்கன் அந்தக் கூட்டத்தை விட்டு வெளியே நின்று கொண்டு, தனக்குக் கீழ் பணியாற்றும், உதவி ஆணையர்களை, ஏக வசனத்தில் பேசிக் கொண்டிருந்தார். சாரங்கன் சொன்ன வார்த்தைகள் “தூக்குய்யா… என்னய்யா வேடிக்கை பார்த்துக்கிட்டுருக்கே“ என்பதுதான்.

சாரங்கன் உத்தரவை ஏற்று, பத்திரிக்கையாளரை சந்திக்கும் முன் எப்படியாவது சீமானை வேனில் ஏற்ற வேண்டும் என்று, உதவி ஆணையாளர் சங்கரலிங்கம் முயற்சி செய்கிறார். ஒரு கட்டத்தில் சாரங்கனின் கூச்சல் அதிகமாகவே, “ப்ரேஸ்ஸ தூக்கிப் போடுய்யா“ என்று உத்தரவிடுகிறார்.



இயந்திர மனிதர்களாக பயிற்றுவிக்கப் பட்ட காவலர்கள் “அய்யாவே சொல்லிட்டார்“ என்று, புகைப்படம் எடுத்துக் கொண்டிருந்த பத்திரிக்கையாளர்களை பிடித்து தள்ளி, தாக்கி, சீமானை வேனில் ஏற்றினர்.



இதனால் ஆத்திரமடைந்த பத்திரிக்கையாளர்கள் என்ன செய்வது என்று தெரியாமல் கோபத்தோடு பேசிக் கொண்டிருந்த போது, அங்கு வந்த பத்திரிக்கையாளர் பாரதி தமிழன், கூட்டத்தை ஒழுங்கு படுத்தி என்ன செய்யலாம் என்று ஆலோசனை செய்கிறார். பத்திரிக்கையாளர்கள் பெரும்பாலானோர், தெரிவித்த கருத்தின் படி, சாலை மறியலில் ஈடுபடுகின்றனர்.



அப்போது அங்கு வந்து சேர்ந்த அன்பு, புகைப்படக் கலைஞர்கள், ஒளி ஓவியர்கள், அனைவரும், சாலையில் அமர்ந்து முழக்கங்களை எழுப்புகின்றனர்.
சம்பவ இடத்திற்கு, வந்த இணை ஆணையர் தாமரைக் கண்ணன் சாரங்கனை என்ன இது என்று சாடுகிறார். பிறகு, சாரங்கன், பத்திரிக்கையாளர்களிடம், “நான்தான் இந்த ஜுரிஸ்டிக்ஷன் டிசி. நடந்த சம்பவத்துக்கு நான் பொறுப்பு ஏத்துக்குறேன். மன்னிப்பு கேட்டுக்குறேன்“ என்று கூறுகிறார். (அந்த குதிரைச் சாணம் கதையை இந்த இடத்தில் நினைவு படுத்தவும்)



பாலிமர் டிவியைச் சேர்ந்த ஒரு இளம் பத்திரிக்கையாளர், “சார் அடி வாங்குனது நான்தான் சார். எனக்குல்ல வலிக்குது. எங்கள அடிக்க உத்தரவிட்டது அந்த சங்கரலிங்கம் ஏசி தான். அவர வந்து மன்னிப்பு கேக்கச் சொல்லுங்க“ என்று கூறுகிறார்.

சங்கரலிங்கம் அருகில் சேப்பாக்கம் விருந்தினர் மாளிகையில் இருந்தாலும், அவரை அழைத்து வந்து மன்னிப்பு கேட்கச் சொன்னால், “யோவ். நீ சொல்லித்தானே அவங்கள அடிச்சேன்“ என்று திருப்பிக் கேட்டு விட்டால்…. அதனால், சாரங்கனும், தாமரைக்கண்ணணும், பம்முகிறார்கள்.




இதற்குள், அந்தக் கூட்டத்தில் இருந்த, மூத்த பத்திரிக்கையாளர்கள் அன்பு, பாரதி தமிழன் ஆகியோர், உள் துறைச் செயலாளரை தொடர்பு கொண்டு நடந்த சம்பவங்களை விளக்குகிறார்கள்.

பத்திரிக்கையாளர் போராட்டம் குறித்த இந்த தகவல் அனைத்து பத்திரிக்கையாளர்களுக்கும் குறுஞ்செய்தி மூலம் பரவுகிறது. தகவல் அறிந்து, தமிழக அரசியல் ஆசிரியர், எஸ்.பி.லட்சுமணன், அங்கே வந்து போராடும் பத்திரிக்கையாளர்களோடு சாலையில் அமர்கிறார்.



உள்துறைச் செயலர், முதலமைச்சரின் தகவல் தொடர்பு அதிகாரியிடம் விஷயத்தை சொல்கிறார். அவர், தாமரைக் கண்ணனைத் தொடர்பு கொண்டு, 15 நிமிடத்தில் பிரச்சினை முடிவுக்கு கொண்டு வரப் பட வேண்டும் என்று உத்தரவிடுகிறார். வேறு வழியின்றி, சங்கரலிங்கத்தை அழைத்து வந்து மன்னிப்புக் கேட்கச் சொல்கின்றனர்.



அதிகாரி இட்ட உத்தரவை நிறைவேற்றியதற்காக, தன்னை மன்னிப்புக் கேட்கச் சொல்கிறார்களே என்ற ஆதங்கம் சங்கரலிங்கம் முகத்தில் இருந்தது. மிகுந்த தயக்கத்தோடு, “பத்திரிக்கையாளர்கள் என்னோட நண்பர்கள். அவங்கள தாக்கணும்ற எண்ணம் எனக்கில்ல. நான் தாக்கவும் உத்தரவிடல. ஆனாலும், அரெஸ்ட் பண்ணும் போது ஏதாவது நடந்திருந்தா மன்னிச்சுடுங்க“ என்று கூறி விட்டு, உடனடியாக அந்தக் கூட்டத்திலிருந்து விலகி, மறைவான இடத்தை நோக்கி நகர்ந்தார்.



அவர் நகரும் போதே, தாமரைக் கண்ணன் அவர் தோளில் ஆறுதலாக தட்டினார் (ஆறுதல் சொல்றாஆஆஆறாம்). அந்த சங்கரலிங்கத்தை ஒரு ஏட்டையா, குடிக்கத் தண்ணீர் கொடுத்து அழைத்துப் போனார்.

புகார் கொடுத்தால் மூன்று நாட்களில் சம்பந்தப் பட்டவர்கள் மீது நடவடிக்கை எடுக்கிறோம் என்ற உத்தரவாதத்தின் பேரில் பத்திரிக்கையாளர்கள் கலைந்து சென்றனர்.
நடந்த சம்பவங்களைப் பார்க்கும் போது, இந்த சம்பவங்களுக்கெல்லாம் வேர், கருணாநிதியின் பாசிசப் போக்கேயன்றி வேறு அல்ல.

கொஞ்சம் யோசித்துப் பாருங்கள். கைதே செய்யாமல் சீமான் மீது வழக்கு தொடுத்திருக்க முடியுமா முடியாதா ?

அப்படியே கைது செய்தாலும், பத்திரிக்கையாளர்களிடம் சீமான் பேசிய பிறகு கைது செய்தால் தான் என்ன ? இவுரு மட்டும் வாய் கிழிய பேசிக்கிட்டே இருப்பாராம். ஊருல எவனும் பேசக் கூடாதாம். இந்த போக்கு, இந்தத் தமிழ்நாடே எனக்கும் என் குடும்பத்துக்கும் மட்டுமே சொந்தம், இங்கே நான் வைப்பதுதான் சட்டம், என்னைத் தவிர யாரும் பேசக் கூடாது, எழுதக் கூடாது என்பது பாசிசத்தின் உச்சக் கட்டம் அல்லவா ?


நாசி ஜெர்மனியில் நடந்ததற்கும் இங்கே நடப்பதற்கும் உள்ள ஒரே வித்தியாசம். அங்கே யூதர்களை கொன்றழித்தார்கள். இங்கே, தமிழர்களை சிறையில் அடைக்கிறார்கள்.
நான் வளர்த்த கட்சியை என்னைத் தவிர யாரையும் அழிக்க விட மாட்டேன். நான்தான் அழிப்பேன் என்று கருணாநிதி திட்டமிட்டு செயல்படுவது போலவே அனைத்தும் நடந்து கொண்டிருக்கின்றன.

சர்வ அதிகாரம் படைத்த, உலகை ஆளுவேன் என்று எக்காளமிட்ட ஹிட்லர் ஒரு சுரங்கப் பாதையில் காதலியோடு தற்கொலை செய்ய நேர்ந்தது என்பதை கருணாநிதி அறிவாரா ?
ஆனால், ஹிட்லர் அளவுக்கு, கருணாநிதி ஆளுமை கொண்டவரல்ல. இந்தப் பாசிச போக்குக்கான பலன் வெகு விரைவில் வரத்தான் போகிறது.

சவுக்கு

பரலோகத்தில் இருக்கும் பிதாவே, இந்தப் போலிப் பாதிரியை மன்னியும்.

மறக்க முடியுமா என்று ஒரு தொடர் ஜகத் கஸ்பரால் நக்கீரன் இதழில் தொடர்ந்து எழுதப்பட்டு வந்ததை அறிவீர்கள். அந்தத் தொடர் எழுதப்பட்டு வந்ததை சவுக்கு வாசகர்கள் அறிவீர்கள். அந்தத் தொடரைப் படித்தவர்களுக்கு, புலிகள் இயக்கமே, இந்த போலிப் பாதிரி கஸ்பரை நம்பித்தான் இருப்பது போலவும், இந்தக் கஸ்பர் சொன்ன பேச்சை பிரபாகரன் கேட்டிருந்தால், புலிகள் இயக்கம் வீழ்ந்திருக்காது என்பது போலவும் எழுதப் பட்டு வந்தது.

இந்தத் தொடர் வெளிவந்த பல நக்கீரன் இதழ்களின் அட்டை படம், இந்த “மறக்க முடியுமா“ தான். இந்த கஸ்பரை இது போல ப்ரமோட் செய்ததில், கர்ம வீரர் காமராஜ் மற்றும் கஸ்பர் இருவருக்கும் மிகுந்த பலன் தரும் விஷயமாக இருந்ததால், ரொம்ப வசதியாகப் போனது.

யார் இந்த ஜகத் கஸ்பர் ?

இவர் ஒரு ரோமன் கத்தோலிக்கப் பாதிரி. இன்று தமிழ் மையம் என்ற ஒரு மடத்தை வைத்து நடத்தி இந்த மடத்தின் மூலம், மத்திய மாநில அரசுகளின் பணத்தை சூறையாடிக் கொண்டிருக்கிறார். இதைப் பற்றி விரிவாகப் பார்க்கும் முன், இந்தப் பன்னாடையின் பின் புலம் என்ன என்பதைப் பார்ப்போம்.

கஸ்பர் என்ற இந்தப் போலிப் பாதிரி, இறையியல், வரலாறு, தத்துவம், அரசியல் ஆகிய பாடங்களில் முதுகலைப் பட்டம் பெற்றவர். ஆனால், இந்தப பாடங்கள் எதிலும் சிறக்காமல், பொருளாதாரத்தில் சிறந்து விளங்குவதுதான் கஸ்பரின் திறமை.

1997 முதல், 2002 வரை பிலிப்பைன்ஸ் மணிலாவில் உள்ள வெரித்தாஸ் வானொலியில் பணியாற்றினார். வெரித்தாஸ் வானொலி என்பது, நம்ப ஊரில் ப்ரேயர் சேனல், ஏசு அழைக்கிறார் என்ற டுபாக்கூர் சேனல்கள் வருகிறதல்லவா ?

இதன் ஒலி வடிவம் தான் ரேடியோ வெரித்தாஸ். இந்த வெரித்தாஸ் வானொலியின் மறுபக்கம் என்னவென்றால், இது அமெரிக்க உளவு நிறுவனமான சிஐஏவால் நடத்தப் படுவது என்ற தகவல். மணிலாவில் பணியாற்றிக் கொண்டிருந்த போதே கஸ்பருக்கு, புலிகள் இயக்கத்துடன் தொடர்பு ஏற்படுகிறது.

கஸ்பரின் பாதிரி என்ற போர்வையும், சர்வதேச தொடர்புகளும், புலிகள் இயக்கத்திற்கு, இந்த ஆளை நாம் பயன்படுத்திக் கொண்டால் என்ன என்று எண்ணி, புலிகளின் நிதியைக் கையாளும் ஒரு பொறுப்பு கஸ்பர் தலையில் விழுகிறது.

2002ம் ஆண்டு வரை வெளிநாட்டிலேயே இருந்த கஸ்பர், இந்தியாவுக்குள் கால் பதித்தது இசை ஞானி இளையராஜா மூலமாகத் தான். இளையராஜாவின் திருவாசக சிம்பொனியை வெளியிடும் பொறுப்பை ஏற்று, பல ஆண்டுகளாக முடங்கிக் கிடந்த திருவாசகத்தை வெற்றிகரமாக வெளியிட்டார்.



இதை வெளியிடும் போது, ஏற்பட்ட சினிமா தொடர்புகள் மூலம், அரசியல் தொடர்புகளை வளர்த்தெடுக்கிறார் கஸ்பர்.

கருணாநிதி குடும்பத்தோடு தொடர்புகள் ஏற்பட்டதும் கஸ்பருக்கு சுக்கிர திசைதான்.
கஸ்பரின் சர்வதேசத் தொடர்புகளை கருப்புப் பணத்தை வெள்ளையாக்க பயன் படுத்திக் கொள்ளலாம் என்று கருப்புப் பணத்தை மூட்டையாகக் கட்டி வைத்திருப்பவர்கள் முடிவெடுத்தார்கள்.

அதற்கான வழி முறைகளை கஸ்பரே வகுத்துக் கொடுத்தார். அவர் மூளையில் உதித்த திட்டம் தான் “தமிழ் மையம்“. இந்தத் தமிழ் மையம் 2002 ஜுலையில் தொடங்கப் பட்டது. இந்த மையத்தின் நோக்கம், மொழி, கலை, கலாச்சாரம், பண்பாடு ஆகியவற்றை வளர்த்தெடுப்பது என்று கூறினாலும், உண்மையான வேலை, கருப்புப் பணத்தை வெள்ளையாக்குவது.




இந்தத் தமிழ் மையத்தின் ட்ரஸ்டிக்கள் யார் தெரியுமா ? கனிமொழி. ஸ்ரீராம் சிட்ஸ் முதலாளியின் மனைவி, மாஃபா பாண்டியராஜனின் மனைவி, மற்றும் சதீஷ் டேவிட் என்பவர்கள்.

இந்தத் தமிழ் மையத்தில் என்ன நடக்கிறது என்பதற்கு ஒரு சிறு உதாரணம் கூறுகிறேன். Central Institute of Classical Tamil என்ற மத்திய அரசு நிதி உதவி பெறும் ஒரு நிறுவனம் இருக்கிறது. இதன் பணி, மொழியை மேம்படுத்தவது, மக்களுக்காக தமிழ் இலக்கியங்களை எளிமைப் படுத்தி வழங்குவது.

இந்த நிறுவனத்திடமிருந்து, திருக்குறளை இசையாக்குகிறேன் என்று ஒரு 8 கோடி ரூபாயை வாங்கினார் இந்தப் போலிப் பாதிரி. வாங்கி, திருக்குறளை இசையோடு கலந்த சிடியாக தயாரித்து, பேராசிரியர்.அன்பழகனை வைத்து வெளியிட வைத்து, ஒரு சிடியை 500 ரூபாய்க்கு விற்றுக் கொண்டிருக்கிறார் இந்தப் பாதிரி.




இந்தச் செம்மொழி மாநாட்டில், ஆடல் பாடல் தொடர்பான அனைத்து வேலைகளும், கஸ்பரின் தம்பி, ப்ரைட் ஜெகத் வசம் ஒப்படைக்கப் பட்டிருக்கிறது. அத்தனை வேலைகளிலும், 25 முதல் 40 சதவிகிதம் வரை கஸ்பர் குடும்பம் ஆட்டையைப் போட்டிருக்கிறது என்று தகவல்கள் கூறுகின்றன.

செம்மொழி மாநாடு எப்போதாவது தானே நடக்கும். அதனால், ஆண்டுதோறும் சம்பாதிக்க கஸ்பர் கண்டு பிடித்த அற்புதமான வழி, மராத்தான் ஓட்டப் பந்தயம் நடத்துவது. இந்த ஓட்டப் பந்தயத்தை, தனக்கு இருக்கும் பணத்தாலும், பத்திரிக்கை செல்வாக்காலும், பிரபலப் படுத்தி பெரிய அளவில் ஸ்பான்சர்களைப் பிடித்து, ஒரு பெரிய அமவுண்ட்டை ஆட்டையப் போடுவது, கஸ்பருக்கு கை வந்த கலை.

இதே போல, ஆண்டுதோறும் நடக்கும் சென்னை சங்கமத்தில், கனிமொழியோடு சேர்ந்து கொண்டு, விழா ஏற்பாடுகள் அத்தனையும் கவனித்துக் கொள்வதாக உறுதியளித்து விட்டு, கடந்த இரண்டு ஆண்டுகளாக, திமிங்கிலத்தையே முழுங்கி ஏப்பம் விடும், கனிமொழியே கடுப்பாகும் அளவுக்கு, 50 சதவிகிதத்துக்கு மேல் ஆட்டையப் போட்டு விட்டதாக தகவல்கள் கூறுகின்றன.

தமிழ் ஆராய்ச்சிக்காக ஏறக்குறைய 300 கோடி ரூபாய்கள், Central Institute of Classical Tamil, International Institute of Tamil Studies, சென்னைப் பல்கலைக்கழகத்தின் தமிழ்ப் பிரிவு, மொழிப் பிரிவு, போன்ற நிறுவனங்களிடம் குவிந்து கிடக்கின்றன. நான் தமிழில் ப்ராஜெக்ட் செய்கிறேன் என்று இந்த நிறுவனங்களிடமிருந்து இந்த ஆண்டு மட்டும் கஸ்பர் இது வரை பெற்ற தொகை ரூபாய் 16 கோடி.

இந்த நிறுவனங்களிடமிருந்து, ப்ராஜேக்ட் செய்கிறேன் என்று, பணத்தை வாங்கி, சென்னைப் பல்கலைக்கழகம் மற்றும், மற்ற கல்லூரிகளில் உள்ள தமிழ்த்துறை மாணவர்களை அழைத்து, உங்களுக்கு வேலை வாங்கித் தருகிறேன் என்று ஆசை வார்த்தை காட்டி, அவர்களை வைத்து, கடுமையாக வேலை வாங்கிக் கொள்வதாக தகவல்கள் கூறுகின்றன.




இந்தப் போலிப் பாதிரியோடு கூட்டணியில் இருப்பவர்கள், ஆ.ராசா, தங்கம் தென்னரசு, விடுதலைச் சிறுத்தைகள் எம்.எல்.ஏ ரவிக்குமார், அமைச்சர் பூங்கோதை. இவர்கள் கூட்டணி எப்படி வேலை செய்கிறது தெரியுமா ? இது தவிர, வழக்கமான “டர்ட்டி பாய்ஸ்“ இதில் உண்டு. “டர்ட்டி பாய்ஸ்“ குழுவிற்கு, கஸ்பர்தான் பொருளாளர்.

செட்டிநாட்டு சீமானின் மகன், கார்த்தி சிதம்பரம் இவரின் நெருங்கிய கூட்டாளி. எப்படி நெருங்கிய கூட்டாளி என்றால், மாலை வேளைகளில் கஸ்பரோடு அமர்ந்து Green Label ஸ்காட்ச் குடிக்கும் அளவுக்கு நெருங்கிய கூட்டாளி.

பாதிரி நடத்திய கிரிஸ்துமஸ் விழாவில் பேசும் ஆ.ராசா

அனைத்து பள்ளி மற்றும் கல்லூரிகளுக்கு, மென்பொருள் ஆர்டர் வழங்குவது. இந்த மென் பொருள் ஆர்டர்கள், கஸ்பரோடு யார் ஒப்பந்தத்தில் ஈடுபடுகிறார்களோ, அவர்களுக்கே வழங்கப் படும். அதாவது, உங்களிடம் ஒரு மென்பொருள் இருக்கிறது என்றால், நீங்கள் கஸ்பரை சந்திக்க வேண்டும்.

அந்த மென்பொருளின் விலை 2000 ரூபாய் என்றால், கஸ்பர், உங்களிடம் 2000 ரூபாய் உங்களுக்கு வழங்கப் படும் என்று கூறுவார். இந்த மென்பொருளை தமிழகத்தில் உள்ள அனைத்துப் பள்ளிகளுக்கும், 5000 ரூபாய்க்கு கஸ்பர் வழங்குவார். கஸ்பருக்கு 3000. உங்களுக்கு 2000.



இது போல, ஆயிரக்கணக்கான மென்பொருள் உங்களிடம் வாங்கப் படும் என்பதால், கிடைத்த வரை லாபம் என்று நீங்களும் சந்தோஷப் படுவீர்கள். இந்த 3000த்தை கஸ்பர் முக்கியஸ்த்தர்களுக்கு பங்கு பிரித்துக் கொடுத்தது போக, ஒரு பெரும் பாகத்தை அமுக்குவார்.
கருப்பை வெள்ளையாக்க, தமிழ் மையத்தைத் தவிர, Give Life. நாம் என மொத்தம் எட்டு ட்ரஸ்ட்டுகள் வைத்துள்ளார் கஸ்பர்.

இந்த ட்ரஸ்ட்டுகள் மூலம், கருப்புப் பணத்தை வெள்ளையாக்குவது மட்டுமல்லாமல், வெளிநாட்டவர்களிடமிருந்தும், பணம் வசூல் செய்வது, கஸ்பரின் திறமை.
இது தவிர, Acrolinks Business Solutions Pvt. Ltd. என்ற மென்பாருள் நிறுவனத்தை நடத்தி வருகிறார் இந்தப் பாதிரி. இந்த நிறுவனம் சென்னையில் உள்ளது.

திருடர்களின் கூட்டணி

இந்த நிறுவனம் போக, மும்பையில் மற்றொரு நிறுவனம் இருப்பதாகவும், தகவல்கள் கூறுகின்றன. மாதத்திற்கு இரு முறை, மும்பை செல்லும் கஸ்பரோடு, இவரது செயலாளரும், மேரி என்ற கன்னியாஸ்திரியும் செல்வார்கள் என்று தகவல்கள் கூறுகின்றன.
சென்னையில் இருக்கும் நாட்களில் கஸ்பரின் முழுநேர வேலை, ப்ரோக்கர் தொழில். ப்ரோக்கர் என்றால் தவறாக நினைத்துக் கொள்ளாதீர்கள்.

அரசு காண்ட்ராக்ட் பெற வேண்டும், அரசு வேலை பெற வேண்டும், நல்ல போஸ்டிங் வேண்டும் என்று பல்வேறு வேலைகளுக்காக, மயிலாப்பூரில் உள்ள தமிழ் மைய அலுவலகத்திற்கு, காலை 10 மணி முதல் மாலை 5 மணி வரை, தொடர்ச்சியாக பார்வையாளர்கள் வந்த வண்ணம் இருப்பார்கள் என்று தகவல்கள் கூறுகின்றன.

எளிமையாக வாழ்க்கை நடத்த வேண்டிய இந்த கத்தோலிக்கப் பாதிரியிடம் இன்று எத்தனை வண்டிகள் தெரியுமா ?

1) ஹ்யுண்டாய் ஆக்சென்ட்
2) டொயோட்டா கரோல்லா
3) பியட் பாலியோ
4) டோயோட்டா இன்னோவா
5) போர்ட்

ஈழப் போர் உக்கிரமாக நடந்து கொண்டிருந்த காலத்தில், இந்தப் பாதிரி என்ன செய்தார் தெரியுமா ? நக்கீரனில் புருடா விடுவதைத் தவிர்த்து, ஒரு கூட்டமைப்பை அமைப்பார். முக்கியமான நபர்களை அழைத்து, அவர்களிடம் நாம் ஒரு கூட்டமைப்பை அமைத்து போராட்டம் நடத்துவோம் என்று கூறுவார்.
அந்தக் கூட்டமைப்பின் முதல் கூட்டம் மட்டும்

நடக்கும். கூட்டமைப்புக்கு வருகை தரும் ஒருவர் கூட, இரு சக்கர வாகனத்திலோ, நடந்தோ வர மாட்டார்கள். அத்தனை பேரும், சொகுசு காரில் வருவார்கள். சொகுசு காரில் வருபவன், ஈழத் தமிழருக்காக தெருவில் இறங்குவானா ?

இப்படியே, பாலுக்கும் காவல், பூனைக்கும் தோழன் என்று தன் வண்டியை ஒட்டி, பல கோடிகளை குவித்துக் கொண்டிருக்கிறார் கஸ்பர்.

பாதிரியாக இருந்தாலும், கஸ்பர் கடவுள் நம்பிக்கை இல்லாதவர் போலத்தான் தெரிகிறது. கடவுள் நம்பிக்கை இருந்தால், இத்தனை பாவங்களை தொடர்ந்து செய்வாரா கஸ்பர் ?




சவுக்குக்கு கடவுள் நம்பிக்கை இல்லை. இருந்தால், பரலோகத்தில் இருக்கும் எங்கள் பரமபிதாவே, இந்தப் போலிப் பாதிரி கஸ்பரை மன்னியும் என்றுதானே பிரார்த்திக்க வேண்டும் ?.

சவுக்கு

திமுகவின் அடுத்தடுத்த போராட்டங்கள்.

இலங்கை கடற்படையினரால், இந்திய மீனவர் ஒருவர் கொல்லப் பட்டது குறித்து செய்தி வெளியானதும், உடனடியாக சென்னையில் உள்ள இலங்கை துணைத் தூதரகம் முன்பாக திமுக ஆர்ப்பாட்டம் அறிவித்துள்ளது.

இந்த அறிவிப்பைக் கேட்டு எப்படி சிரிப்பது என்று தெரியவில்லை. 1983ம் ஆண்டு முதல் ஏறக்குறைய 300க்கும் மேற்பட்ட மீனவர்கள் சிங்களக் காடையர்களால் சுட்டுக் கொல்லப் பட்டார்கள். அவ்வாறு சுட்டுக் கொல்லப் பட்ட அனைத்து நேர்வுகளிலும், எஃப்.ஐ.ஆர் போடப் பட்டுள்ளது.

அந்த எப்ஐஆர்கள் அனைத்திலும் எதிரி என்ற இடத்தில், இலங்கை நேவி என்று உள்ளது. ஒரு வீட்டில் அண்டா திருடியவனை இரவோடு இரவாக வீட்டில் சென்று, அவன் இல்லாவிட்டாலும், அவன் குடும்பத்தில் உள்ளவர்களை கைது செய்து ஸ்டேஷனில் வைக்கும் கருணநிதியின் காவல்துறை, என்ன செய்து கொண்டிருக்கிறது ?




ஜெயலலிதா கருணாநிதியை விமர்சித்து ஏதாவது அறிக்கை வெளியிட்டால், இந்த அம்மையார், கி.மு 1200ல் இப்படிப் பேசியுள்ளார், கிபி 1800லே இப்படிப் பேசியுள்ளார், என்று வாய் கிழிய அறிக்கை விடும் கருணாநிதி மீனவர் பிரச்சினையைப் பற்றி என்ன பேசியுள்ளார் ?

தமிழக மீனவர்கள் பேராசைக் காரர்கள். அவர்கள் சர்வதேச எல்லைக்குச் செல்வால்தான் தாக்கப் படுகிறார்கள் என்று பேசியவர்கதானே இந்தக் கருணாநிதி ?




குடிசையில் வாழ்ந்து கொண்டு, தன் குடும்பத்தையும், தன்னையும் வாழ்விக்க வேறு வழியின்றி சர்வதேச எல்லையில் மீன் பிடிக்கும் மீனவன் பேராசைக்காரனா, 2ஜி அலைக்கற்றை ஏலத்தில் 60,000 கோடியை ஆட்டையைப் போட்டது பத்தாது என்று, 2009 அமைச்சரவையிலும், ஆ.ராசாவுக்கு, அதே தொலைத் தொடர்புத் துறைதான் வேண்டும் என்று, டெல்லியில் சோனியாவிடம் மன்றாடிய கருணாநிதிக்கு பேராசையா ?

“ஒரு நாள் போவார், ஒரு நாள் வருவார்,
ஒவ்வொரு நாளும் துயரம்
ஒரு ஜான் வயிற்றை வளர்ப்பவர் உயிரை
ஊரார் நினைப்பது சுலபம்”

என்று பாடினாரே எம்ஜிஆர், அப்படி சுலபமாகத்தானே மீனவர்களை பேராசைக் காரர்கள் என்று கூறுகிறார் ?

சிங்களர்கள் பெரும்பான்மையினர், ஆகையால் அவர்கள் மனம் கோணாமல் நடந்து கொள்ள வேண்டும் என்று முத்து உதிர்த்தவர் இதே கருணாநிதிதானே ?

இப்படியெல்லாம் பேசி விட்டு, இன்று கூசாமல், மீனவர் படுகொலையைக் கண்டித்து இலங்கை துணைத் தூதரகம் முன்பு ஆர்ப்பாட்டம் என்று சொன்னால், இந்தக் கருணாநிதியின் நயவஞ்சகத்தை என்னவென்று சொல்வது ?

இதே போக்கில் போனால், திமுக அடுத்து என்னென்ன போராட்டங்கள் நடத்த உள்ளது என்று சவுக்கு யோசித்த போது….

1) மின்வெட்டைக் கண்டித்து ஆற்காடு வீராச்சாமி வீட்டின் முன்பு ஆர்ப்பாட்டம். (இந்த ஆர்ப்பாட்டத்திற்கு மட்டும், தடையின்றி வீராச்சாமி மின்சாரம் வழங்க வேண்டும்)

2) எம்.எம் 4ல், அதாங்க “மானாட மயிலாட பாகம் 4“ நிகழ்ச்சியில், சரியான தீர்ப்பு வழங்க மறுத்த நமீதா வீட்டின் முன்பாக ஆர்ப்பாட்டம். (நமீதா, உடனடியாக முதல்வரை சந்தித்து, “குனிந்து“, அவர் காலில் விழுந்து மன்னிப்பு கேட்கும் பட்சத்தில், போராட்டம் ரத்து செய்யப் படும்.



3) முதல்வருக்கு வைத்த அயிரை மீன் குழம்பில், உப்பு சரியாக போடாத, ராசாத்தி அம்மாளைக் கண்டித்து, சிஐடி காலனி முன்பு ஆர்ப்பாட்டம். (ராசாத்தி அம்மாள், “காகிதப் பூ“ நாடகத்திலிருந்து ஒரு காட்சியை நடித்துக் காட்டுவாரேயானால், இந்தப் போராட்டம் கை விடப் படும்)



4) பொதுக் கழிப்பிட உள் சுவர்களிலும், கதவுகளிலும், “ஆங்கிலத்தில்“ கெட்ட வார்த்தை எழுதுபவர்களை கண்டித்து ஆர்ப்பாட்டம். (மாநகர மேயர், ஒரு வாரத்தில், அனைத்து சுவர் மற்றும் கதவுகளில், ஆங்கில கெட்ட வார்த்தைகள் தமிழில் மொழி மாற்றம் செய்யப் படும் என்று அறிவிப்பு வெளியிட்டால், இந்தப் போராட்டம் ரத்து செய்யப் படும்)

5) பத்திரிக்கையாளர் சந்திப்பின் போது வெற்றிலைப் பாக்குப் போட்டு, மேசையில் எச்சிலை வழிய விட்டதற்காக பேராசிரியர் அன்பழகனின் வீட்டின் முன்பு ஆர்ப்பாட்டம் (அன்பழகன், இது தமிழ் எச்சில், இது எச்சில் அல்ல, கருணாநிதியின் தமிழைப் பார்த்து விட்ட ஜொள்ளு என்று அறிக்கை கொடுப்பாரேயானால், போராட்டம் வாபஸ் பெறப் படும்)

6) சென்னை சங்கமம் நிகழ்ச்சியில், மானாட மயிலாட போன்ற நடனங்களை அரங்கேற்றாமல் விட்டதற்காக கனிமொழி வீட்டின் முன்பு ஆர்ப்பாட்டம். (அடுத்த மாதமே, சென்னை சங்கமம் நிகழ்ச்சி ஏற்பாடு செய்து, மானாட மயிலாட நடனக் குழுவினரை ஆட விட்டால் போராட்டம் ரத்து)




7) நக்கீரனின் இந்த இதழில், செக்ஸ் கவர் ஸ்டோரி வைக்காமல், அரசியல் கவர் ஸ்டோரி வைத்ததற்காக, நக்கீரன் அலுவலகம் முன்பாக ஆர்ப்பாட்டம் (வரும் இதழ் முதல், ஜல்பாய்க்குரி ஜலசா எழுதும், கிளு கிளு தொடர் என்று அறிவிப்பு வெளியிட்டால் போராட்டம் கேன்சல்)

8) தமிழ்நாட்டில் உள்ள 4 கோடி செல்போன் இணைப்புகளில், 73 இணைப்புகளை ஒட்டுக் கேட்காமல் விட்டதற்காக உளவுத் துறை ஐஜி ஜாபர் சேட்டின் வீட்டு முன்பு ஆர்ப்பாட்டம் (73 இணைப்புகளில், கருணாநிதி குடும்பத்தினரின் 70 இணைப்புகள் போக, தாம்பரத்தில் தலப்பாக் கட்டு பிரியாணி மாஸ்டர், புரசைவாக்கத்தில் கொய்யாப் பழம் விற்பனை செய்பவர், பேசின் பாலம் அருகே கருவாட்டுக் கடை வைத்திருப்பவர் ஆகிய மூன்று பேரின் செல்போன்களும், நாளை முதல் ஒட்டுக் கேட்கப் படும் என்று உத்தரவாதம் கொடுத்தால், போராட்டம் ரத்து செய்யப் படும்)



9) கருணாநிதியின் தள்ளு வண்டியை தள்ளுகையில், ஸ்பீட் ப்ரேக்கரைப் பார்க்காமல் வேகமாகத் தள்ளிச் சென்றதற்காக, முதல்வரின் பாதுகாப்பு அதிகாரி பாண்டியன் வீட்டின் முன்பு ஆர்ப்பாட்டம் (இதற்கு பிராயசித்தமாக கருணாநிதியை தள்ளு வண்டியில் 10 ரவுண்டுகள் அடித்தால், போராட்டம் வாபஸ்)

10) சினிமா தயாரிப்பில் இறங்கியுள்ள கருணாநிதியின் பேரன்கள், துரை தயாநிதி, உதயநிதி, மகன் மு.க.தமிழரசு ஆகியோர் கருணாநிதியை வைத்து கதை வசனம் எழுதாமல், வேறு யாரையோ வைத்து கதை வசனம் எழுதுவதை கண்டித்து, இவர்கள் அனைவர் வீட்டின் முன்பாகவும் ஆர்ப்பாட்டம். (இனி “பெரிய சிவப்பு“ அதாங்க ரெட் ஜெயன்ட் பிக்சர்ஸ் இனி எடுக்கும் படங்கள் அனைத்துக்கும், கருணாநிதிதான் கதை வசனம் என்று அறிவித்தால், இந்தப் போராட்டமும் வாபஸ்)



இந்த ஆர்ப்பாட்டங்களுக்காக யோசனை தெரிவித்த சவுக்குக்கு கட்டணம் ஏதும் தர வேண்டியதில்லை.

சவுக்கு

சந்தனக்காடு to ஜானி ஜான்கான் ரோடு. 1

ஏ ப்ரல் மாத இரவு. 2003ம் ஆண்டு. ஒரு பச்சை நிற ஜீப்பில், கோபால் ராயப்பேட்டையில் உள்ள தனது அலுவலகத்தில் இருந்து கிளம்புகிறார்.

அந்த ஜீப்பை மோகன் என்ற டிரைவர் ஓட்டிச் செல்கிறார். அலுவலகத்தை விட்டு வெளியில் வந்து சிறிது தூரம் வந்ததும், பாரதி கால் டாக்சி அம்பாசிடர் கார் ஒன்று, அந்த ஜீப்பை வழி மறிக்கிறது. கால் டாக்கிசியிலிருந்து, லட்சுமணன் என்ற ஆய்வாளர் இறங்குகிறார். இன்னும் நான்கு பேர் இறங்குகிறார்கள்.

தாங்கள் சிபி.சிஐடி போலீஸ் என்று தங்களை அறிமுகப் படுத்திக் கொள்கிறார்கள். கோபால், தனது வழக்கறிஞரோடு பேச வேண்டும் என்று சொல்வதை காதில் வாங்கிக் கொள்ளாமல் கோபாலை அந்தக் காரில் ஏற்றுகிறார்கள். ஜீப்பை ஓட்டி வந்த டிரைவர் மோகன், அதே இடத்தில் ஜீப்பை நிறுத்தி பூட்டி விட்டு ஓடி விடுகிறார். கோபால் கைது செய்யப் பட்டு, சென்னை ஓமந்தூரார் மாளிகையில் உள்ள சிபிசிஐடி அலுவலகத்துக்கு கொண்டு செல்லப் படுகிறார்.

எதற்காக இந்தக் கைது… ? இதன் பின்னணி என்ன ?

புதிய பறவை படத்தில் சரோஜா தேவி, சிவாஜியைப் பார்த்து, கோபால்.. கோபால்…. என்று கூறுவார். இதைப் போலவே, 2001ல் ஆட்சிக்கு வந்ததும், முதலமைச்சர் அலுவலகத்தில் பணியாற்றிக் கொண்டிருந்த பல அதிகாரிகள், சரோஜா தேவி போலவே, கோபால், கோபால் என்ற பெயரை பிதற்றிக் கொண்டிருந்தனர்.

2001ல் ஆட்சிக்கு வந்த ஜெயலலிதா, 96 தோல்விக்குப் பிறகு பாடம் கற்றுக் கொண்டிருப்பார் என்று நம்பியவர்களை ஏமாற்றும் வகையில், படித்த வஞ்சகர்களான அதிகாரிகளை நம்பி மோசம் போனார்.

2001ல் நக்கீரன் இதழில் ஜெயலலிதாவை ஹிட்லர் போல மார்ஃபிங் செய்து அட்டைப் படத்தில் வெளியிட்டனர். இந்த இதழை ஜெயலலிதா பார்வைக்கு, அப்போது முதலமைச்சர் அலுவலகத்தில் இருந்த துணைச் செயலாளர் வீர சண்முகமணி கொண்டு சென்றார். இதன் பிறகு, ஜெயலலிதா, கடும் கோபம் கொண்டு, கோபாலை கைது செய்ய வேண்டும், அவ்வளவுதான்.

என்ன செய்வீர்களோ தெரியாது.. என்று தனது அதிகாரிகளுக்கு உத்தரவிடுகிறார். அப்போது, உள்துறைச் செயலாளராக இருந்த நரேஷ் குப்தா, இந்தக் கைதுக்கு எதிர்ப்பு தெரிவிக்கிறார். இந்தக் கைதின் பாதக அம்சங்கள் குறித்து, ஒரு கோப்பை தயாரித்து முதலமைச்சர் பார்வைக்கு அனுப்புகிறார். அந்தக் கோப்பை தூக்கி கடாசிய ஜெயலலிதா, கைது செய்யுங்கள் என்று உத்தரவிடுகிறார்.


இந்தச் செய்தி, அரசல் புரசலாக கோபால் காதுக்கு வருகிறது. இதையடுத்து கோபால் தலைமறைவாகிறார். கோபால் மீத வழக்குகள் பதியப் பட்டது தெரிந்து, அனைத்து வழக்குகளிலும், முன் ஜாமீன் பெற கடுமையான முயற்சிகள் மேற்கொள்ளப் படுகின்றன.
இதன் முதல் கட்டமாக, சென்னை உயர்நீதிமன்றத்தில் எந்த நீதிபதி முன்னிலையில் இவ்வழக்கு விசாரணைக்கு வரும் என்று கண்டு பிடிக்கிறார்கள்.

அந்த நீதிபதிக்கு தெரிந்தவர் யார் என்று விசாரிக்கையில் அந்த நீதிபதி கரூர் மாவட்டத்தில் பணியாற்றும் போது, அங்கே மாவட்ட ஆட்சியராக இருந்த ஒரு ஐஏஎஸ் அதிகாரி சொன்னால் தட்டாமல் கேட்பார் என்று தகவல் வருகிறது. நக்கீரன் சார்பில், ஒரு குழு, அந்த ஐஏஎஸ் அதிகாரியைச் சென்று சந்திக்கிறது.

அந்த அதிகாரி, மிகவும் சங்கடப் பட்டு, பிறகு நீதிபதியிடம் பேசிவிட்டுச் சொல்வதாகக் கூறுகிறார். மறு நாள், அந்த ஐஏஎஸ் அதிகாரி, நீதிபதியிடம் பேசி விட்டதாகவும், முன் ஜாமீன் கிடைத்து விடும், ஆனால், காவல்துறையினர் அழைத்தால், தவறாமல் ஆஜராக வேண்டும் என்று உத்தரவிடப் போவதாக நீதிபதி தெரிவித்ததாகக் கூறுகிறார்.
அதன் படியே, ஜெயலலிதா அரசாங்கம் பதிந்த அத்தனை வழக்குகளிலும், முன் ஜாமீன் பெறுகிறார் கோபால்.


இந்த முன் ஜாமீன் பெறும் வரை, கோபால் தலைமறைவாக இருக்கிறார். இவ்வாறு தலைமறைவாக இருக்கும் போது, இதழை நடத்தும் பொறுப்பு இன்றைய இணை ஆசிரியர் கர்ம வீரர் காமராஜ் வசம் வந்து சேருகிறது.

கோபால் வழக்கு தொடர்பாக, வழக்கறிஞர்களைச் சந்திப்பது, நீதிமன்றம் செல்வது போன்ற பணிகளை, நக்கீரனில் அப்போத பணியாற்றி, இப்போது வேறு பத்திரிக்கையில் பணியாற்றும், கோபாலின் நண்பர் மேற்கொள்கிறார். இதனால், இதழை நடத்தும் மொத்த பொறுப்பும், காமராஜ் வசம் வருகிறது.

இந்த காலகட்டத்தில், ஜெயலலிதா அரசு எடுத்த வரும் பழிவாங்கும் நடவடிக்கையை எதிர்க்கும் விதமாக, ஆதாரங்களே துளியும் இல்லாமல், அரசுக்கு எதிராக பல்வேறு செய்திகளை நக்கீரன் வெளியிடுகிறது. இந்தக் போக்கு ஜெயலலிதாவை மேலும் கோபம் கொள்ளச் செய்கிறது.


இந்த நிலையில் இதழை நடத்தும் பொறுப்பு வந்ததும், காமராஜுக்கு, இதுதான் சரியான நேரம் என்று உணர்ந்து, அலுவலகத்துக்கு வந்து போக கஷ்டமாக இருக்கிறது என்று தன்னுடைய பழைய அம்பாசிடர் காரை விட்டு விட்டு, புதிய க்வாலிஸ் கார் வாங்கித் தரவேண்டும் என்று கேட்கிறார்.

கோபாலின் சகோதரர் குருசாமி, இந்த நேரத்தில் போய் இப்படிக் கேட்கிறீர்களே, வழக்கு செலவுகளுக்கே பணம் இல்லை என்று தன் இயலாமையைக் கூறுகிறார். ஆனால் காமராஜ், இதை விட்டால் வேறு எப்போதுமே சந்தர்ப்பம் அமையாது என்று, க்வாலிஸ் கார் வாங்கித் தந்தால்தான் ஆச்சு என்று பிடிவாதம் பிடிக்கிறார்.


நாகர்கோயிலைச் சேர்ந்த ஒரு ஆடிட்டர் மூலமாக, வங்கியில் கடன் பெற்று, காமராஜ் இன்றும் பயன்படுத்தும் ஒரு மெரூன் கலர் க்வாலிஸ் கார் அப்போதுதான் வாங்கப் பட்டது.
நண்பரின் நெருக்கடியில் குளிர் காயும் கர்ம வீரரைப் பார்த்தீர்களா ?


உயர்நீதிமன்ற வழக்கறிஞர்கள், பெருமாள், என்.ஆர்.இளங்கோ, அப்போதைய சென்னை உயர்நீதிமன்ற கூடுதல் பதிவாளர், கிருஷ்ணன், மூத்த வழக்கறிஞர் என்.நடராஜன், ஆகிய பல்வேறு நல்ல உள்ளங்களின் உதவியுடன் கோபால் பல்வேறு வழக்குகளில் பெற்ற முன் ஜாமீன், கோபாலுக்கு உதவவில்லை.

ஜெயலலிதா அரசின் முதலமைச்சர் அலுவலகத்தில் பணியாற்றி ஐஏஎஸ் அதிகாரிகளான ஷீலா பாலகிருஷ்ணன், வீரஷண்முகமணி, வெங்கட்ரமணன் ஆகியோர் தூண்டுதலில், ஜெயலலிதா கோபாலை கைது செய்தே ஆக வேண்டும் என்று பிடிவாதம் கொள்கிறார்.
அதன் விளைவு. கோபால் கைது செய்யப் படுகிறார்.

ஜெயலலிதா அரசு இப்படி வழக்கு மேல் வழக்காக கோபால் மீது தொடுத்தன் பின்னணி என்ன ?

பித்தம் தொடரும்

சவுக்கு

‘பயிற்சிக்காக லண்டனுக்குச் சென்ற காவல்துறை அதிகாரிகள்...’வெடித்துக் கிளம்பும் சர்ச்சைகள்!

அரசு செலவில் ஊர்ச்சுற்றிப் பார்க்கச் சென்றிருக்கிறார்கள், காவல்துறை உயர் அதிகாரிகள்! மேலாண்மை குறித்த பயிற்சி என்ற பெயரில் லண்டனை சுற்றிப் பார்க்க, எட்டு கூடுதல் டி.ஜி.பி-க்கள் இங்கிலாந்து நாட்டுக்குச் சென்றிருப்பதைத் தொடர்ந்து தான் இப்படியொரு சர்ச்சை கிளம்பியிருக்கிறது.

கூடுதல் டி.ஜி.பி-க்கள் தரத்தில் உள்ள அதிகாரிகளை பயிற்சிக்கு அனுப்பியிருப்பது, போலீஸ் வட்டாரத்தில் பெரும் சர்ச்சையை ஏற்படுத்தியுள்ளது.


இந்தப் பயிற்சிக்கு, தமிழகத்தைச் சேர்ந்த கூடுதல் டி.ஜி.பி-க்களாக இருக்கும் கே.ராதாகிருஷ்ணன், ஆர்.சேகர், டி.கே.ராஜேந்திரன், லல்லாம் சங்கா, டி.ராஜேந்திரன், டி.ராதாகிருஷ்ணன். கே.பி.மகேந்திரன், எஸ்.கே.டோக்ரா ஆகியோர் பங்கேற்கப் போவதாக முன்பே செய்திகள் கசிந்தது.


இந்தப் பயிற்சிப் பயணம் இந்தியாவின் ஹைதராபாத் நகரில் இருந்து ஆரம்பமாகிறது. முதல் மூன்று வாரங்களுக்கு, ஹைதராபாத்தில் உள்ள சர்தார் வல்லபாய் படேல் தேசிய காவல்துறை பயிற்சிக் கல்லூரியிலும் அதையடுத்து, லண்டனில் உள்ள லண்டன் பிசினஸ் ஸ்கூலிலும் நடைபெறுமாம்.



லண்டனில் கிட்டத்தட்ட ஒரு வார காலம் தங்கியிருந்து லண்டன் பிஸினஸ் ஸ்கூலில் மேலாண்மை பயிற்சி எடுக்கவிருக்கிறார்களாம், நம்முடைய காவல்துறை அதிகாரிகள்.
இப்பயிற்சியில் பங்கேற்றுள்ள அதிகாரிகள் கூடுதல் டி.ஜி.பி. அந்தஸ்த்தில் இருப்பவர்கள்.

அவர்களுக்கு காவல்துறையில் 25 ஆண்டுகளுக்குக்கும் மேற்பட்ட அனுபவம் இருக்கிறது. அப்படிப்பட்டவர்களுக்கு மேலாண்மை சம்பந்தப்பட்ட பயிற்சியை அளிக்கத் திடுமென ஏன் ஏற்பாடு செய்தார்கள் என்பது குறித்து தான் இப்போது சர்ச்சை கிளம்பியிருக்கிறது. இது போன்ற மூத்த அதிகாரிகளை இந்தமாதிரியான பயிற்சிகளுக்கு அனுப்பாமல், எஸ்.பி. அந்தஸ்த்தில் உள்ள அதிகாரிகளை அனுப்பினால், வரக்கூடிய காலங்களில் அவர்கள் தங்கள் பணியை சிறப்பாகச் செய்ய ஏதுவாக அமையும் என்று கூறுகிறார்கள் போலீஸ் வட்டாரத்தில்.
மேலும், இந்தப் பயிற்சியில் பங்கெடுத்துள்ள அதிகாரிகளில், எஸ்.கே.டோக்ரா தவிர, மற்ற அனைவருமே, ஒன்று அல்லது அதற்கும் மேற்பட்ட குற்றச்சாட்டுகளில் சிக்கியவர்கள் என்பது குறிப்பிடத்தக்கது.


தகுதி மதிப்பெண் பெறாத தனது மகனுக்கு, முதல்வர் கோட்டாவில், அண்ணாப் பல்கலைக்கழகத்தில் ஒதுக்கீடு பெற்றார் என்று கே.ராதாகிருஷ்ணன் மீது புகார்கள் வந்து, அது தொடர்பாக பொது நல வழக்கெல்லாம் போடப்பட்டது.

இது தவிர, இங்கிலாந்து ராணி விருதுத் தொகையை செலவழித்தது தொடர்பாகவும் குற்றச்சாட்டுகள் உள்ளன. சென்னை உயர் நீதிமன்றத்தில் நடந்த வழக்கறிஞர் மீதான தாக்குதலில், முக்கியப் பங்கு வகித்ததாக, நீதிமன்றத்தின் கடும் கண்டனத்திற்கு ஆளானவர்தான் இந்த கே.ராதாகிருஷ்ணன் என்பது குறிப்பிடத்தக்கது.


ஆர்.சேகர், சென்னை மாநகர காவல் ஆணையாளராக இருந்தபோது, சென்னை அம்பேத்கர் சட்டக் கல்லூரி மாணவர்கள் மோதிக் கொண்டபோது, காவல்துறை அமைதியாக கைகட்டி வேடிக்கை பார்த்தது தொடர்பாக உடனடியாக பதவியிலிருந்து மாற்றப்பட்டவர்.


கூடுதல் டி.ஜி.பி-யாக இருக்கும் டி.கே.ராஜேந்திரன், லஞ்ச ஒழிப்புத் துறை இணை இயக்குநராக இருந்தபோது, தினந்தோறும் 12 நாளிதழ்கள் வாங்கிப் படிப்பது போல போலிப் பட்டியல் தயாரித்து ரகசிய நிதியை கையாடல் செய்தார் என்றும், ராமச்சந்திரா மருத்துவக் கல்லூரியில் படிக்கும் தனது மகளை கல்லூரிக்கு அழைத்துச்செல்ல உரிய நேரத்தில் வரவில்லை என்பதால், ஒரு காவலரை மணிமுத்தாறுக்கு மாறுதல் செய்தார் என்றும், எஸ்.பி-யாக இருந்தபோது தன்னிடம் பணியாற்றிய காவல் ஆய்வாளர் மேல் லஞ்ச ஒழிப்புத் துறை வருமானத்திற்கு அதிகமாக சொத்து சேர்த்ததற்காக வழக்குப்பதிவு செய்ததால், அந்த வழக்கிலிருந்து அவரை லஞ்ச ஒழிப்புத் துறை இணை இயக்குநராக இருந்த பொழுது, காப்பாற்றியதாகவும் குற்றச் சாட்டுகள் உண்டு.

இதுதவிர, தற்போது, சென்னை உயர் நீதிமன்றத்தில் நிலுவையில் இருக்கும், உதவி ஆய்வாளர்கள் பதவி உயர்வு தொடர்பான வழக்கில், உயர் நீதிமன்றத்தின் இடைக்கால உத்தரவை மீறி, தவறான பதவி உயர்வு வழங்கியதாகவும், இவர் மீது புகார்கள் உண்டு.
லல்லாம் சங்கா எஸ்.பி-யாக இருந்த காலத்தில் ஏற்பட்ட ஊழல் புகார்கள் பற்றிய ஒரு பூர்வாங்க விசாரணை, லஞ்ச ஒழிப்புத் துறையில் இருந்தது.

பிறகு, போதுமான ஆதாரங்கள் இல்லாததால், இந்த வழக்கு மூடப்பட்டது. டி.ராதாகிருஷ்ணன், ஏற்கெனவே காவலர் தேர்வில் கேள்வித்தாள் வெளியான குற்றச்சாட்டில், சி.பி.ஐ. நடவடிக்கைக்கு ஆளானவர். மேலும், தன்னுடைய மனைவி நடத்தும் நிதி நிறுவனத்தின் மூலமாக, நில ஆக்கிரமிப்பில் ஈடுபட்டதாகவும், காவல்துறையில் தனக்குள்ள செல்வாக்கை பயன்படுத்தி உரிய வழக்குப்பதிவு செய்ய விடாமல் தடுத்ததாகவும், சமீபத்தில் சர்ச்சை எழுந்தது.


கே.பி.மகேந்திரன் மீது, லஞ்ச ஒழிப்புத் துறையில் மொத்தம் நான்கு வழக்குகள் விசாரிக்கப்பட்டன. இவர் எஸ்.பி-யாக இருந்த காலத்தில் இரண்டு வழக்குகளும், வடக்கு மண்டல ஐ.ஜி-யாக ஆனதும் இரண்டு வழக்குகளும் விசாரணையில் இருந்தன. இவர் கட்டியிருந்த வீட்டின் சாலை வழியே, கனரக வாகனங்கள் எதுவும் வரக்கூடாது என்று காவல்துறையை விட்டு, அந்த வழியே வரும் கனரக வாகனங்கள் அனைத்தையும், பிடித்து வைத்து அலைக்கழித்தது உள்ளிட்ட புகார்கள் லஞ்ச ஒழிப்புத் துறையால் விசாரிக்கப்பட்டன.

இவர் குறுகிய காலத்தில் லஞ்ச ஒழிப்புத் துறையில் பணியாற்றிய போது, இவர் எஸ்.பி-யாக இருந்த காலத்தில் இவர் மீது நடந்த ஊழல் வழக்கின் கோப்பை பார்வையிட கேட்டு, அது உயர் அதிகாரிகளின் காதில் போடப்பட்டு, பெரும் சர்ச்சையானது.


சென்னை மாநகர காவல்துறை ஆணையாளர் டி.ராஜேந்திரனைப் பற்றிய விவரங்கள் ஊரறிந்தது. சென்னை உயர் நீதிமன்ற வளாகத்தில் அம்பேத்கர் சிலைத் திறப்பு விழாவின் போது, முதல்வர் முன்னிலையிலேயே, பெரும் வன்முறை நடந்த போது, தி.மு.க-வைச் சேர்ந்தவர்கள் பத்திரிகையாளர்களை அடித்துத் துவைத்தபோது, அது அத்தனையையும் வேடிக்கை பார்த்து விட்டு, பத்திரிகையாளர்கள் தாக்கப்பட்டது தொடர்பான புகாரைப் பதிவு செய்வதற்குக் கூட, தலைமைச் செயலாளரிடம் மூத்த பத்திரிக்கையாளர்கள் பேசிய பிறகு தான் நடவடிக்கை எடுத்தார்.

இவர் காலத்தில்தான் சென்னை நகரில் குற்றங்கள் பெருகியுள்ளன.

இவர்களில் எஸ்.கே.டோக்ரா மீது மட்டும் எவ்வித குற்றச்சாட்டுகளும் இல்லை. ஊழல் தொடர்பான விவகாரங்களை துளியும் அனுமதிப்பதில்லை என்று தகவல்கள் கூறுகின்றன.

இந்த அதிகாரிகளைத் தவிர, தகுதியான வேறு அதிகாரிகள் உண்டா என்றால் இருக்கிறார்கள். மிகச் சிறந்த உளவுத் துறை அதிகாரி என்று பெயர் வாங்கிய ராமானுஜம், தன்னுடைய பணியில் சிறிதும் சளைக்காத, எந்த புகார்களுக்கும் இடம் தராத அனூப் ஜெய்ஸ்வால், நேர்மையான அதிகாரியான டாக்டர் மெஹபூப் ஆலம், மிகச் சிறந்த நிர்வாக அதிகாரியும், கடும் உழைப்பாளியுமான அசோக்குமார், “கருணாநிதியின் நள்ளிரவு கைதில்“ முக்கியப் பங்கு வகித்ததால், நான்கு ஆண்டுகளாக, கன்னியாகுமரியில் போக்குவரத்துக் கழகத்தில் பணியாற்றி வரும், ஐ.ஐ.டி-யில் பொறியியல் படித்த ஜார்ஜ், போன்ற தகுதி வாய்ந்த அதிகாரிகள் இருக்கையில், ஊழல் குற்றச்சாட்டுகள் உட்பட பல்வேறுவிதமான சர்ச்சைகளுக்கும் ஆளான இந்த அதிகாரிகளை தேர்ந்தெடுத்து லண்டனில் பயிற்சிக்கு அனுப்பியதற்கான காரணம் என்ன, என்று பல்வேறு தரப்பிலும் கேள்விகள் எழுகின்றன.


லட்சக்கணக்கான ரூபாய் செலவு செய்து, இவர்களை லண்டனுக்கு பயிற்சிக்கு அனுப்பியிருப்பதால், காவல்துறைக்கு என்ன பயன் என்றும் பலர் கேள்வி எழுப்புகிறார்கள். இவ்வாறு, இவர்களை பயிற்சிக்கு வெளிநாட்டுக்கு அனுப்புவதற்குப் பதில், சென்னையை அடுத்துள்ள ஊமனஞ்சேரியில் உள்ள காவல்துறை பயிற்சி அகாடமியை மேம்படுத்தினால், தகுதியான பல காவல்துறையினர் உருவாவார்கள் என்றும் கூறுகின்றனர்.


மேலும் முக்கியப் பொறுப்பு உள்ள உயர் போலீஸ் அதிகாரிகள் ஏற்கனவே, செம்மொழி மாநாட்டுக்காக பத்து நாட்களுக்கும் மேலாக கோவையில் இருந்ததால், பல கோப்புகள் தேங்கிக் கிடக்கின்றன. இந்நிலையில் மீண்டும் ஒரு மாதம் பயிற்சி என்ற பெயரில், இந்த அதிகாரிகள் ஹைதராபாத்துக்கும் லண்டனுக்கும் பயணமானதால், கோப்புகள் தேங்கி, நிர்வாகம் தேக்கமடைந்துள்ளது என்றும் கூறுகிறார்கள்.


மேலும், லண்டன் பிசினஸ் ஸ்கூல் என்பது, கார்ப்பரேட் நிறுவனங்களின் மேலாளர்களுக்கும், பிசினஸில் ஈடுபடுபவர்களுக்கும் பயிற்சி அளிக்க உருவாக்கப்பட்ட ஒரு நிறுவனம். இந்த நிறுவனத்தில் காவல்துறை உயர் அதிகாரிகளான இவர்கள் என்ன பயிற்சி எடுக்கப்போகிறார்கள் என்றும் கேள்விகள் எழுப்பப்படுகின்றன.

உயர் அதிகாரிகளான இவர்களுக்கு பயிற்சி கொடுக்கும் அரசு, கீழ்நிலையில் உள்ள காவலர்கள் தலைமைக் காவலர்களுக்கு பணியில் சேர்ந்த பின், இதுபோன்ற எந்தப் பயிற்சியுமே சுத்தமாக தருவதில்லை என்றும் தகவல்கள் கூறுகின்றன.

இவ்வாறு எந்தப் பயிற்சியுமே இல்லாத காரணத்தால், இவர்கள் தொந்தியும் தொப்பையுமாக, எந்த ஒரு பணியையும் விரைவாக செய்ய முடியாத நிலையில் உள்ளார்கள். இவர்களின் பயிற்சிக்கான உட்கட்டமைப்பு வசதிகளை மேம்படுத்தாமல், உயர் அதிகாரிகளுக்கு மட்டும் இது போன்ற பயிற்சி அளிப்பது என்பது, காவல்துறையில் தேவையற்ற சலசலப்பை ஏற்படுத்தியுள்ளது.

இந்தப் பயிற்சிக்கு, தங்கள் சொந்த செலவில் கலந்து கொள்பவர்கள் வரலாம் என்று அரசு உத்தரவிடுமேயானால், ஒருவர் கூட கலந்து கொள்ள மாட்டார்கள் என்றும் காவல்துறை வட்டாரங்கள் தெரிவிக்கின்றன.

எது எப்படியோ பயிற்சி என்ற பெயரில், மக்கள் வரிப்பணம் தான் வீணாகிறது என்று ஒரு தரப்புக் கூறினாலும், இந்தப் பயிற்சியை முடித்து வரும் அதிகாரிகள், காவல்துறையில் தங்கள் பயிற்சியின் அனுபவத்தை புகுத்தி, குற்றங்கள் நடக்காமல் தடுக்கவும், நடந்த குற்றங்களை விரைவாகக் கண்டுபிடிக்கவும், பயன்படுத்திக் கொள்வார்கள் என்று சம்பந்த்ப்பட்டவர்கள் அரசாங்கத்துக்கு உறுதியளித்தார்களானால், அவர்களை பயிற்சிக்கு அனுப்பியதில் யாருக்கும் எந்தத் தயக்கமும் இருக்கப் போவதில்லை.

அதை விடுத்து, காவல்துறை அதிகாரிகளுக்கு பிஸினஸ் சம்பந்தப்பட்ட மேலாண்மை பயிற்சி எதற்கு என்று கேட்கப்படும் கேள்வியில் நியாயம் இருக்கத்தான் செய்கிறது. அரசாங்கத் தரப்பில் இந்த கேள்விகளுக்கான நியாயமான பதில்தான் என்ன?

சொன்னால், இதோ லண்டனுக்குச் சென்றிருக்கிறார்களே போலீஸ் அதிகாரிகள்... அவர்கள் போனதற்கும் - திரும்புவதற்கும் சேர்த்து வரி செலுத்தும் அப்பாவி பொதுஜனங்கள் தெரிந்து கொள்வார்கள்தானே? செய்வார்களா?

நன்றி நம்தினமதி நாளிதழ்

சவுக்கு

சவுக்கின் செம்மொழி சிறப்பு பாடல்

சமீபத்தில் நடந்து முடிந்த செம்மொழி மாநாட்டுக்காக ஏ.ஆர்.ரஹ்மான் பாடல் ஒன்று தயாரிக்கப் பட்டு வெளியிடப் பட்டது. இந்தப் பாடல் தயாரித்து வெளியிடப்பட மட்டும் நமது வரிப்பணம் 7.5 கோடி செலவிடப் பட்டுள்ளதாக தகவல்கள் தெரிவிக்கின்றன.


ஆனால் இந்த விழா நடந்த விதத்தைப் பார்க்கும் போது, அந்தப் பாடல் செம்மொழி மாநாட்டுக்கு பொருத்தமாக இருந்ததா என்றால் இல்லை.


அதனால், இதற்கான பொருத்தமான பாடலை சவுக்கே, தேர்ந்தெடுத்துள்ளது. அந்த பாடல் இதோ… ….


“ஏ டோலு மையா டோலு மையா டோல மையா டையா
ஏ பையா ஏ டையா….
ஏ டுமீலு டுமீலு… டும்மாங் டும்மாங் கொய்யா
ஏ டும்மமாங் டும்மாங் கொய்யா….

இன்னாமோ பண்ணலாம் கோயம்பத்தூர் போவலாம்
மாநாடு போடலாம் பணத்த அள்ளி வீசலாம்
ஆல்ரெடி நேரமாச்சு… கஜானாவும் காலியாச்சு..


வேர் ஈஸ் த பார்ட்டி அட கோவையில பார்ட்டி
வேர் ஈஸ் த பார்ட்டி அட கோவையில பார்ட்டி…

பேமிலி பங்ஷனுக்கு போணும் தானே..
கூட ஆபீசர் எல்லாரும் வரணும்தானே…
மாநாடு ரொம்ப ரொம்ப ஹிட்டானது..
இந்த கொடநாடு அம்மாதான் காண்டானது..

ஜெயிப்போம்னு நம்பிக்கை இல்லவே இல்லப்பா
பேமிலியால ஒரே தொல்லைன்னா தொல்லப்பா..

என்னடா லைப்பு இது… காட்டுக்கு போற வயசு இது


வேர் ஈஸ் த பார்ட்டி கோவையில பார்ட்டி
வேர் ஈஸ் த பார்ட்டி கொடீசியாவுல பார்ட்டி

“ஏ டோலு மையா டோலு மையா டோல மையா டையா
ஏ பையா ஏ டையா….
ஏ டுமீலு டுமீலு… டும்மாங் டும்மாங் கொய்யா
ஏ டும்மமாங் டும்மாங் பைய்யா ….

இன்னாமோ பண்ணலாம் கோயம்பத்தூர் போவலாம்
மாநாடு போடலாம் பணத்த அள்ளி வீசலாம்
ஆல்ரெடி நேரமாச்சு… கஜானாவும் காலியாச்சு..

வேர் ஈஸ் த பார்ட்டி டுனைட்….
கோயம்பத்தூர்ல

வேர் ஈஸ் த பார்ட்டி டுனைட்….
தமிழ்நாட்ல
வேர் ஈஸ் த பார்ட்டி டுனைட்….
பொட்டக் காட்ல

முன்னெல்லாம் முதுகுல அரிப்பு வந்தா …
அட நானேதான் கைய வச்சு சொறிஞ்சுக்குவேன்…

இப்பொல்லாம் நான் ஒரு வார்த்த சொன்னா
நம்ம டிஜிபி வர்றாரு முதுகு சொறிய….

எதிர்க்கட்சியெல்லாமே டம்மியான பீஸுடா..
வீல் சேரில் வர்ற நானு ஜெயிக்கிற கேஸுடா…

கண்டதையும் பேசாத… வண்டிய வேகமா தள்ளாத…

வேர் ஈஸ் த பார்ட்டி ….
கோயம்பத்தூர்ல பார்ட்டி

வேர் ஈஸ் த பார்ட்டி டுனைட்….
கொடீசியாவுல பார்ட்டி

இன்னாமோ பண்ணலாம் கோயம்பத்தூர் போவலாம்
மாநாடு போடலாம் பணத்த அள்ளி வீசலாம்
ஆல்ரெடி நேரமாச்சு… கஜானாவும் காலியாச்சு..

வேர் ஈஸ் த பார்ட்டி டுனைட்….
பெரிய வீட்ல….

வேர் ஈஸ் த பார்ட்டி டுனைட்….
அட சின்ன வீட்ல…

வேர் ஈஸ் த பார்ட்டி டுனைட்….
பொண்ணு வீட்ல

வேர் ஈஸ் த பார்ட்டி டுனைட்….
சுடுகாட்ல…